الله يوفق كل من ترد علي ويرزقها ..

[زهرة البنفسج]

حبيبتي حاولت ارسل لك على الخاص بس للاسف ماوصلتك لان لازم تمسحي من رسائلك ولا ماتوصلك جديده
المهم راح اكتب لك هنا ...
انا ياقلبي لي 7سنوات متزوجه والحين ماشيه بالسنه الثامنه ..طبعا ماعندي اطفال ربي يتمم لي بخير ..
وزني كان 102 وكنت اتعالج واتعالج واخذ منشطات حبوب وابر بدون اي نتيجه تذكر ..
دورتي كانت متلخبطه تغيب بالاشهر وماتجي الا بعلاج ..الهرمونات عندي مره ملخبطه ..
ماكنت افكر ان سبب عدم الحمل عندي هو الوزن ..لان في كثير سمان وماشاء الله عندهم عيال بس اكتشفت ان كل جسم مو مثل الثاني ...مع هذا كله ماياست من الدعاء ودايم املي في الله كبير وإيماني بقدرة ربي فوق كل شي ..
السنه اللي فاتت بعد العيد قررت فجأه اني اسوي رجيم وماكنت ادري انها بداية الفرج ..
طبعا دخلت على النت وجمعت رجيمات كثير منها رجيم عذاري مره ممتاز وبعد رجيم السحاب ورجيم التمر واللبن ..واستمر على كل واحد من اسبوع الى اسبوعين وبعدين يوم راحه واغير الرجيم ..اشتريت دراجه ثابته وكنت اتمرن عليها كل يوم لمدة ربع ساعه وبعدين بديت ازيد نص ساعه لحد ماوصلت لساعه باليوم ..وكنت اسوي تمارين البطن 50 مره باليوم ..وامشي برا لمدة ساعه ثلاث مرات بالاسبوع ..واشرب البردقوش كل يوم واوقفه وقت الدوره لانه يساعد على الحمل بإذن الله ..وبالنسبه للكرش ايضاً كنت انقع كمون حبوب ملعقه وسط مع شرائح ليمون مقطع في ماء حار واغطيه واتركه لحد الصباح واشربه بعد الفجر على الريق ..وعصير الاناناس مع الكيوي مره ممتاز لحرق الدهون بسرعه ..استخدم حبوب جلوكوفاج 500 ثلاث مرات باليوم لانها تساعد على نزول الوزن وتنشيط المبايض بنفس الوقت ..وفي اوقات كان يثبت وزني كنت اقطع الرجيم واخبص بوجبه من الوجبات واليوم اللي بعده ارجع وانقص بشكل حلو ..
والله صح تعب وجهود بس تتعبي بلبدايه وبعدين لما تشوفي النتيجه تفرحي بشكل خيالي ,,ويكون دافع قوي عشان تستمري وماتضعفي ,,استمريت 6 اشهر ووصلت الحمدلله ل77كيلو ماتصدقي فرحتي لدرجه سهيت عن موضوع الحمل شوي وكنت فرحانه بملابسي الجديده وقياسي الجديد والكل يسألني اش سويتي ..لما كنت اجوع كنت اكل صحن سلطه كبييييير مع ليمون ولبن واشبع ..او اكل فاكهه ..واهم شي لاحظته مع الرجيم انتظام الدوره من ثاني شهر تقريبا ..
وكنت مستمره لاني كنت بوصل ل60 كيلو واوقف ..بعدين تأخرت دورتي بشهر خمسه ..وكنت انتظر وخفت لاتكون تلخبطت مثل اول..ورحت احلل والحمدلله من فضل ربي عقبالك انتي وكل محرومه يارب طلعت حااااااامل ..والحمدلله انا الحين بالثامن ..ورجع دبا مثل اول بس عادي كله عشان عيون البيبي يهون ..وان شاء الله ناويه بعد مااولد بفتره ابدأ رجيم من جديد ..
صدقيني ياقلبي لاتقولي صعب والله راح تكوني سعيده بالنتيجه والحمدلله ان ربي دلنا على العلاج ليش احنا نتكاسل عنه ..
اسمعي اي شي تبغيه او اي سؤال انا مستعده ..ابدأي ولاتضيعي ولا يوم ولاتضعفي قدام الاكل فكري بأن هدفك اسمى واكبر ..وادعي والحي بالدعاء واكثري الاستغفار ويارب يرزقك من حيث لاتحتسبين ..
اكتبي يومياتك كل يوم وانا متابعتك وراح اساعدك بكل اللي اقدر عليه ..ربي يعينك ويساعدك
دعواتك

[لن أيئس]

شكرا لكم الف شكرياأخواتي الغاليات الله لايحرمني منكم ..
الله يجعلها في ميزان حسناتكم ..
اسأل الله ان يوفقكم ويرزقكم من حيث لا تحتسبون ..
ويفرح قلوبكم بلي تتمنوه ..
ان شاءالله ماراح انساكم من صالح دعواتي ..
انا عارفه ياحبيباتي كلمة شكر قليله في حقكم ..
الله يجمعني بكم في جنات الاعلى الفردوس..
وان شاءالله باءذن الله سبحانه وتعالى راح اقولكم وش قد سويت مع هاالوزن الاقد حرمني من كل شيء حلو باالدنيا ..
لااااااااااااتنسوني من دعواتكم .. تكفوووووووووووون

[أميرة الصمت]

سوي عمليت قص معدة اسرع لنحف خلال شهر تنزلين 10 كيلو اختي سوها قريبة من وزنك نحفت وبقوة

[ج ــنون ع ــآقلهـ ’]

آنا آنصحك مآاتآكلي للشبعه >> كلي خفيف .
وكلي وجبتين باليووم بسس
وقللي من الرز >> وحآاولي تشدي بطنك على جووآ بتنفسك ( د’ايممم سوي كذآا )
وآاشربي ع الريق عشبه آاسمههآا المرمريه >> تلاقيههآا بالعطآار
آاشربيهآا وآجلسسي لا تآاكلي ع طوول .
آاو خذي ع الريق ثوووم >> آاختي كلت ثووم ع الريق وبسسسسرعه نحفت ^.^
قطعيههآا صغآار وابلعيهآا كآانهآا حبووب ( ع الريق )
وآاستممري علييهههآا
وحطيلك سآاعه باليووم تمشي فيهآاا
والزنجبيل اللي تقوولي سويه لك بزمزمييه وآاشربيه وانتي جآالسه " تسليه


آنشآاء الله يآارب آافدتك .
ادعي لي انوو ربي يكمل حملي ويحمي جنيني من كل شر.
( سوري ع الاطآاااااااله ) ^_^

[لن أيئس]

مشكورات ياأخواتي والله ماقصرتو الله يفرح قلوبكم بلي تتمنوه
الله يثبت حملك يا ج ــنون ع ــآقلهـ ’ ويحفظه ويحميه ويسهل ولادته و يقر عينك بشوفته وهو باأتم الصحه والعافيه ..
اللهم ااااااااامين ..

[العطر الفرنسي]

حبيتي وكلي امرك لرب العالمين وهادا شي بإيدك كل القصه لازم تحاربي الأكل عدوك اللدود لانو هو إلي خسرك انك تكوني ام ومابتعرفي الزمن يخسرك كمان زوجك لاسمح الله

كلها50 كيلو اتوقع إلعبي رياضه ونطي والتحدي هادا لازم يساويلك إصرار لحتى تنحفي
الله يفرج همك
وبالنسبه لبذرة الكتان انا ماجربتها بس اتوقع كويسه لانها اختي نحفت عليها
وكانت تشرب لحالو الكتان
ولحالو الزنجبيل يعني 3 مرات باليوم كان اكلها وشربها لحتى نحفت مشالله
وبعدين صار عندها مشاكل بالمعده لانها إستمرت كتير
كل هادا عشان يكون جسمها حلو طبعا
نصيحه حاواي كل مره تساوي فيها رجيم انك تغيري نوع الرجيم لانو يكون جسمك اخد عالوضع ومايصير ينحف بسرعه
والله يصبرك وتنحفي المهم تكون إرادتم قويه

[لن أيئس]

مشكوره يا قلبي.. الله يوفقك ويرزقك من حيث لا تحتسبين..
والله انك صادقه في كل كلمه قولتيها ..
الله يجزاك كل خير وجعلها الله في ميزان حسناتك ..
اسأل الله ان يفرج همي ويوفقني ويرزقني من حيث لا أحتسب ..
ان شاءالله باءذن الله راح تكون عندي اراده انزل وزني باءذن الله
الله يعيني ويسهل لي ويسر لي تنزيل وزني ..
وراح اقولكم بعد فتره وين وصلت ..

[زهرة البنفسج]

ها ياقلبي بشري بدأتي ولا لسا ؟؟
واذا بدأتي اعطيني اخبارك ايش رجيمك ونوع رياضتك ؟؟
يللا شدي الهمه بلا كسل ههههههه؟؟
انتظر اخبارك يالغلا

[ام حميد]

الصراحة الأخوات كفو ووفو ما عندي شي أقوله أكثر بس انا وزني ما بعد الولادة 83
وللحين ما رسيت على رجيم

وعندي كذا نوع رجيم مفكر ة أسويه

لو تبين نشجع بعض وتقوليلي يومياتج وأقولج يومياتي وتخبيصاتي وشو سويت وما سويت انا مستعدة

لو تبين نمشي على نفس الرجيم انا مستعدة .... ولو تبين كل وحدة بكيفها بس تشجع الثانية بعد بكيفج

لو تحبين التحدي أنا اتحداج

ولو تبين التشجيع انا بشاركج

ولو تبين اكتب انا شو كليت وانتي شو كليتي تشجعيني وأشجعج بعد مستعدة

انتي تامرين امر

ما عندي شي غير أقوله لج

[لن أيئس]

ان شاءالله راح أبدا اذا رجعت بيتي لاني حاليا عند أهلي وما أقدر أسوي رجيم عند أهلي ..
لان ماعندهم اجهزه رياضيه ومااحصل احد يطلعني بره البيت باالممشى ..
وحاليا اسوي رجيم خفيف واتحرك باالبيت واشتغل كثير ..
والليله ان شاءالله بيجي زوجي وبنروح البيت طبعا انا ساكنه بمنطقه غير يعني هم باأبها وانا في محافظه قريبه من جيزان ..
وان شاءالله باءذن الله برجع بيتي واسوي رجيم ورياضه ..
لان في بيتي أرتاح وكمان عندي امكانيات واجهزه رياضه ..
واوعدكم اني راح اقولكم وش قد سويت وكم نزلت ..
وكمان راح اقولكم عن كل انجازاتي كل اسبوع مع وزني ..
واذا غبت عنكم فتره قصيره هذا بسبب النت ماضبط في بيتي لان احنا ساكنين بمحافظه لسى ماتطورت كثير .. لكن ان شاءالله بنحاول نسويه ..
..........................
يازهره.. تسلمين على سؤالك عني الله يرزقك الاتتمني .. أوعدك ماتسمعي الا الاخبار الاتسرك ..
وراح اقولك وش قد سويت مع وزني ..
وياأم حميد .. مايامر عليك عدو ياقلبي خلاص اتفقنا وكل وحده ورجيمها ورياضتها ..
الله يوفقك ويرزقك ..
شكرا لكم .. ولو ان كلمة شكر قليله في حقكم .. الله يرزقكم ماتتمنون ..