خلاص ... تدمرت والأمل راح

[أم حمودي وعبودي]

أهلين حبيبتي بنت مكة
أنت عمرك في الأربعينات ؟

[بنت مكه20]

بحكم المشاكل اللي بيني وبين زوجي وبعدنا عن بعض هالفترة
حسبي الله على من كان السبب
راح أظل علي البردقوش ولكن ما اعرف كيف استخدمه وكم يوم ومن متى ابدا
والله نفسيتي اليوم أهدا من امس وبعد كلامكم هديتي أكثر

وراح أجرب التمريخ كمان واشوف مستشفي ثاني بعد شهر أو حسب ظروفي


يارب ريح خاطري وازل همي وارزقني من واسع رحمتك وفضلك

[nadeensameer]

اشربي ميرمية بنزل الهرمون

[أم حمودي وعبودي]

في شي يمدحوه لإرتفاع هذا الهرمون بس طعمة كثير صعب

القسط الهندي

[أم حمودي وعبودي]

علاج ارتفاع هرمون fsh في الدم

ممارسة التمارين الرياضيّة بانتظام .
الابتعاد عن التوتّر.
تناول خلطة عسل النحل مع حبّة البركة.
التركيزعلى تناول الخضروات وخاصّة البروكلي والجزر.
تغيير نمط الحياة اليوميّة.
الحرص على تدفئة الجسم بتناول شاي الأعشاب الدافئ أو ارتداء الملابس التي تقي الجسم من البرد.

[بنت مكه20]

اليوم كلمت بنت جارنا تسأل في المستشفي عن حالتي
قالت لي اول شي لازم يكون التحليل ثاني أو ثالث يوم بالدورة وبس
انا سويته بعد الانتهاء من الدورة باسبوع ...
ثاني شي لازم أكون صلي وانا لما حللت كنت مفطرة وآكله وشاربه مويه
كمان مايصلح يعاد التحليل في نفس الساعة أو اليوم أكثر من مره وانا طلبت الدكتورة أعيد 3 مرات



اش رايكم من اللي كلامها صح .... انا احترت

[Afnan_ka]

حلوه دي المبايض توقفت على كيف اهلها الدكتوره
صدقيني هالدكتورة ماتدري فين ربنا حاطها جايبه معلومه من كيسها
اول شي الحمل بيد رب العالمين لاهيا ولا غيرها يقدرو يحكمو. انو حتحملي او لا
تانيا احب اقولك انو دي الدكتوره للاسف شكلها مشتريه شهادتها بفلوس مادرست الطب ولاتدري عن حاجه

حبيبتي هرمون fsh زيو زي اي هرمون بالجسم يرتفع وينخفض حسب النفسيه لاتصدقيها لما تقولك ماحتحملي خييييير ياماما

شوفي انتي اول حاجه تعمليها تغيري الدكتوره الفاشله اللي تتابعي عندها وانا من اول متابعتك وعارفه قصتك معاها ورديت عليكي قبل كدا وقولتلك غيري الدكتوره لانو كلامها معاكي مرا مايدخل العقل

ولاتخافي الهرمون بيتعدل زيو زي ماتعدل هرمون الحليب بس حاولي تعدلي نفسيتك وتحبي نفسك وعيشي حياتك وصدقيني ربنا حيكرمك وعليكي بالصدقه بنيه الحمل حتشوفي العجب

وان شاءالله المرا الجايه تبشرينا بحملك ياااارب

[أم حمودي وعبودي]

بما أنك بنت مكة حاولي تحصلي تحويل على مستشفى الملك فيصل التخصصي بجدة
هناك عندهم خبرة بكل الحالات على عكس طبيبات النساء والولادة الي خبرتهم محدودة بمتابعة الحمل والتوليد وغير كذا مع الأسف أكثرهم فاشلات بعلاج تأخر الحمل وبيعملوا علينا تجارب

[بنت مكه20]

هذي الدكتورة غير عن الأولي
بس سبحان الله ما ارتحت لها من يوم شفتها وبعد بكلامها تحطمت وبالقوة قدرت أقوم من الكرسي

ومن كلامكم حسيت انه ممكن يكون في علاج وان الأمل لسى موجود

البردقوش لازم يوميا كوبين والا كوب يكفي

[ردينة عمر]

حبيبتي اكيد غلللط التحليل لاااازم يكون تاني او تالت يوم الدورة غير كذا النتيجة مابتكون هي المطلوبة ومابتعطي نتيجة صحيحة
وثاني شي لازم تغيري الدكتورة وتروحي لمركز مختصصص
والحين خليك مستمرة على البردقوش لو الكوب كبير تبع الكابتشينو فواحد بيكفي ولو كوب شاي صغير فخذي اكتر من كوب .. وكمان انصحك بالمريمية وفيك تخلطيهم مع بعض مافي مشاكل وانا استشرت معالجة بالاعشاب وقالت هالعشبتين نتائجهم فعالة للهرمونات .. والعسل كمان فيه شفاء من كل داء .. ووقفي تناول مغلي الاعشاب ف فترة التبويض
مووووفقة حبيبتي وكتري الاستغفار والدعاء وان شاء الله تتحقق امنياتك ويصلح لكي زوجك