زوجي كتوم بليز وش اسوي

[نبض قلب حمني]

اهلين

انا بصراحه متزوجه لي تقريبا 8 شهور ونص
والحمدلله حياتي حلوه ومرتاحه فيها

لكن في شئ ماهو عاجبني
زوجي كتوم مره يعني انا وحده احب ابين له اللي بقلبي قد مااقدر عكسه هو
صحيح يصارحني بحبه وكذا بس مو مثلي واذا قلت له قال والله اني احبك
وموشرط اقولها لك انتي شوفي انا وش اسوي لك وبتعرفين كل هذا من كثر حبي لك

وانا مااشك بحبه لي والله ادري انه يحبني
بس المشكله
انا ماقلت له كذا الا ابيه يتعود شوي شوي انه يتكلم معي عن اللي بقلبه اكثر

يعني انا اذا جيت من بيت اهلي والا كنت طالعه ورجعت ومضايقني شئ
والا بقلبي شئ جلست عنده وتكلمت معه وعلمته عن كل شئ وريحت نفسي

هو ابد مايتكلم حتى اذا جاء من الدوام احاول اساله هاه وش سويت اليوم
يقول لي عادي ماسوينا شئ مثل كل يوم
اوقات اقول له احس بقلبك شئ تكلم قول لي وش فيك يقول لاتحاتين مافيني شئ


انا لين هنا وماقدرت اتحمل اكثر صراحه

بيوم من الايام كان الوضع بيننا تمام والجو حلو خذته للغرفه
وقلت له بقول لك شئ

انا بصراحه تاعبني كتمانك ابيك تتكلم معاي اكثرر ابي احس اني قريبه منك اكثر
اساعدك بمشاكلك وتساعدني ابيك تعلمني عن ظروفك عشان اقدرها
ابي اعرف كل شئ عنك انا زوجتك وابي اصير قريبه منك
انا مو عاجبني هالوضع انا اذا شفتك كذا مااقدر حتى اصارحك واتكلم معك لاصار بقلبي شئ لازم انت تتكلم عشان انا اقدر اتكلم ... والخ

قال لي والله مو مني غصب عني والرجال بطبعه كتوم ومايحب يتكلم
قلت له اي بس انا غير زوجتك لازم تتكلم معاي

قال لي في اشياء ومشاكل مااحب اتكلم فيها تجي لحالها وتنتهي لحالها

قلت له اوك بس حاول على الاقل تسولف معاي اكثر
قال لي اوك


وصحيح هو بدا يتكلم معاي شوي وكذا بس انا ابيه يتكلم لي عن كل شئ بحياته
مو عاجبني وضعي كذا انا ابي اعرف كل شئ ابي اوقف معاه بكل صغيره وكبيره
ابيه يتكلم معاي اكثر عن اللي بقلبه
بس كيف ماني عارفه بصراحه مادري هو عشانه يشوفني صغيره مايتكلم معاي مادري لان انا عمري 18 وهو 29
تكفون اللي عندها حل تساعدني

وبلييييييييييييز لاحد يقول لي جد هذا طبع الرجال وتعودي عادي
لاني سمعتها كثير ولاهي عاجبتني بصراحه