مشتتة ومحتارة لانه مافيني شيء 😪

[نوني الحلوة]

مساء الخير

انا مو كثيرة الشكوى والتذمر ولكن يعلم ربي بسبب حيرتي

كل شهر تزيد الحيرة عندي ذبحتني الحيرة من كثر التفكير

انا لي 8 شهور من اجهضت وبعد 3 شهور من الاجهاض رحت

للدكتورة وكشفت كل شيء عندي الحمدلله سليم الرحم والمبايض

حتى التبويض الحمدلله تمام

ودورتي اعتبرها منتظمة يعني تتاخر يومين ونادرا ماتتقدم

بس الشهر هذا تقدمت يومين

تحليل هرمونات ماسويت لانه الدكتورة تقول دورتك منتظمة

وكل شيء سليم ان شاء الله مافيك شيء وعطتني كلوميد

بس مااستخدمته خفت يسبب لي شيء

انا عندي الغدة نشطة بس حملت وأجهضت والاجهاض ماله علاقة بالغدة

والحمدلله الغدة عندي رجعت لطبيعتها

وماتوقع زوجي فيه شيء لانه حملت مرتين

قبل ًمايكون فيني غدة اول حمل أجهضته قبل لاأعرف اني حامل

وحملت والحمدلله عندي ولد وبعدها بفتره جتني الغدة وحملت بس اجهضت

وحتى الان ماحملت

انا الان مو مشكلتي الحمل نفسه

مشكلتي اني سليمة بس ماصار حمل

وحملي اللي أجهضته كان في البداية قبل لايتكون الجنين

مجرد كيس وبس لانه كان ينزل مني دم من بداية الحمل

عشان كذا ماتكون الجنين ونزل هرمون الحمل

واضطربت اشرب أعشاب عشان مااحتاج تنظيف والحمدلله نظف الرحم

لانه من الأساس مافيه جنين ليش أسوي تنظيف

كل شهر احاول اشرب شيء اقول سبحان الله يمكن يصير الحمل

بسبب هالشيء

الشهر هذا وقت الدورة شربت عشبة المدينة

وبعد الدورة راح اشرب مرامية

متردد اروح المستشفى مليت منهم

مدري ايش أسوي فكرت الشهر الجاي الشكوى لله اروح

المستشفى اشوف ايش تقول الدكتورة

مدري وضعي معقد ولا انا عقدت الوضع زيادة

تكفون شوروا علي ايش أسوي اجلس كذا انتظر الحمل يصير ان شاء الله من ربي

ولا أسعى بالاسباب طيب وش الأسباب اللي اسويها بس

يمكن ماجت على بالي

اي وحده منكم مكاني ايش ممكن تسوي

ابي أسوي شيء بس مدري ايش هو

والله وجعني راسي من التفكير
الحمدلله على كل حال