ابي علاج للبلغم واكلات تزيد من وزن الاطفال الخدج

[نبضات خجوله]

السلام عليكم ورحمة الله وبركاته

كيفكم ومبأاارك عليكم الشهر

انا بقولكم قصتي مع بنتي واتمنى تساعدوني واللي عندها تجربه وخبره تقول تفيدني ونفيد غيرنا
انا ولدت بنتي باول يوم بالثامن وورنها كان 800 غرام وبقت بالحضانه ثلاث شهور لحد ماصار وزنها كيلوين والحمدلله طلعت والحين لها اربع شهور طالعه ووزنها ثلاثه كيلو و700 غرام والحين عمرها الحقيقي خمس شهور وعمرها من الولاده سبع شهور واحسها حيل صغيره وكل من شافها يقولي شكلها تو مولوده تكفون ابي شي يسمنها انا اعطيها حليب اس 26 واحيانآ اعطيها موية التمر والدكتور قال ابدي لها بالاكل وماعرف ايش اعطيها وخايفه عليها مره والحين لها شهرين معها كحه وبلغم بالحيل بس تبكي ترضع وتستفرغ من البلغم ابي شي يروحه الدكتور يقول مافيه غير البخار وانا مابي اكثره لها
تكفون مالي بعد الله الا انتم اللي عندها خبره تقولي للبلغم وابيها اكلات تسمنها والسيريلاك وش ابدا به بالارز ولا القمح ادري بالحيل زودتها وتحملوني اول طفله لي وماعرف شي وربي يحفظها لي ويحفظ لكم اطفالكم
وجزااااكم الله الف خير