امي ماتكلمني من اسبوع عشاني طلعت مع زوجي وانا نفاس!!!

[ليلى الحلوه]

واضح إنه هلج غلطانين بس حبيت أعلق على شي بسيط لما قلتي إنه منظر زوجج مب مرتب ليش هو كم عمره سنه وله سنتين؟!! خليه يدبر عمره ويعتمد على نفسه وبعدين معروف الحرمه النفساء ما تشتغل حتى لو شي بسيط طبعا أتكلم عن إلي والده طبيعي فكيف إلي والده قيصري؟!! القيصري ثلاث أشهر المفروض ما تتحرك والمفروض ب هالمرحله هو يساعدج مب إنتي لإنج ما تقدري عالبيبي بروحج صعب جدا... وأمج الله يهديها تفكيرها منحصر على شي واحد لو منج أطنش وبالتوفيج...

[كلي فدآه]

المشاركة الأصلية كتبت بواسطة ليلى الحلوه

واضح إنه هلج غلطانين بس حبيت أعلق على شي بسيط لما قلتي إنه منظر زوجج مب مرتب ليش هو كم عمره سنه وله سنتين؟!! خليه يدبر عمره ويعتمد على نفسه وبعدين معروف الحرمه النفساء ما تشتغل حتى لو شي بسيط طبعا أتكلم عن إلي والده طبيعي فكيف إلي والده قيصري؟!! القيصري ثلاث أشهر المفروض ما تتحرك والمفروض ب هالمرحله هو يساعدج مب إنتي لإنج ما تقدري عالبيبي بروحج صعب جدا... وأمج الله يهديها تفكيرها منحصر على شي واحد لو منج أطنش وبالتوفيج...

اهلا اختي هو مو مقصر يههتم بعمره ومساعدني من هالناحيه
وبالنسبه ان النفاس ماتتحرك بالعكس يا اختي من قاله انا الحمدلله من عاشر يوم وانا مافيني الا العافيه وقايمه بولدي بشكل كامل ومافكرت ارجع لبيتي الا وانا متأكده اني بعافيتي الحمدلله ومهم اساسا اتحرك على كلام الدكتوره عشان لايصير تجلط لاسمح الله

[*شفق*]

اختي انت عملتي صح 100 بالمية
بس ايضا ارضاء الوالدة شي مهم جدا
صح امج غلطانة بس من رأيي روحي بوسي راسها وكوليلها انج مو صغيرة وتعرفين الحرام والحلال

[*شفق*]

فعلا اختي والله اني كمان ولاداتي قيصري والحمد لله بعد 10 ايام اشتغل طبيعي واغسل ملابس واطبخ الحمد لله
وطبعا مثل ماقلتي الحركة والمشي جدا مهم لالتأم الجرح ثاني يوم من العملية لازم الوحدة تمشي حبيبتي تفكيرك عجبني وجدا صائب
سوي الي يقوله عقلج بس اهم شي امج ترضا عنج بالتوفيق يالغالية

[مي &]

انتي مو غلطانه وماعليكي من احد

[إنبثاقة أمل]

ياقلبي انت ما عملتي شي غلط

بالعكس هالشي صح مو لازم نحط حواجز وحدود بهي الطريقه

هدا زوجك وحلالك واعملي الي عقلك بحكيلك

احيانا نصائح امهاتنا مو كل شي بتمشي مع الازواج

يمكن مشت مع اختك ومعك ماراح تمشي لانك ادرى بزوجك

المرأه الزكيه هي الي بتعرف شو زوجها بده وبتعمل هالشي الي بسعدها

الله يسعدكم ومايفرقكم عن بعض

ومع هيك امك ماتحكيلها تفاصيل حياتك واحكيلها الشي الي مابدايقها وبتحسيه بفرحها

هيك بتكوني كسبتيها وكسبتي رضاها وانت مشيتي ع الشي الي بريحك


موفقه

[هتووف]

ماشاء الله تبارك الله محظوظ زوجك فيك والله يخليكم لبعض .. وأمك مايسوى تزعلينها أبد وهي من حبها لك تبي تشوفك مرتاحه

لأنو استوقفتني جمملة بكلامك ثيابه مو مرتبه وياكل من مطاعم .. انت اللي تعبانه ومسويه عمليه تفكرين تروحين تخدمينه فكري بنفسك أنت أولى أهتمي بنفسك وصحتك وحاولي تو ضحين لأمك وجهة نظرك وانك مرتاحه ولاتقولين هالموقف لزوجك ابد

[ليون :)]

ي قلبي كل اللي تسوينه صح ومافيه كلآم
امك الله يهديهآ نظرتهآ غير
وبالعكي الله يجزآه خير زوجك اللي جآ ودورك ذا دليل انه مايستغني ف لذلك ماعليك من كلام اهلك
لايأثر فيك خلي كذا علاقتك مع زوجك مستمره وربي يسخركم لبعض

وربي يهدي امك
ولا تعتذرين وصكي الموضوع لانك ماسويتي شي غلط ومع الوقت بتنسى

[mnrm]

لا حبيبتي انتي غلطانه اولا انتي نفاس وقيصريه وطفل جديد عليك بالحياة اهم شي صحتك كلها 20يوم ومخلصين النفاس ويش لحاقه عليه وزوجك خليه يأكل عند اهلك وفي مغاسل رجاليه يغسل ملابسه ماهي مكلفه عليه بشي والا اغسليه ملابسه عند بيت اهلك وخليه ينام عند بيت اهلك عادي مافيها شي اهم شي صحتك بعدين شلون يرضى يطالعك من بيت اهلك ونتي نفاس وعمليه انا مع امك وخواتك لأنهم خائفين عليك وكلامهم صح انتي تفكر ين فيه وفي اكله وهو مفكربصحتك وراحتك

[حبيبت عمر]

حبيبتي انتي ماغلطتي ابدا وتفكيرك سليم ميه بالميه لاتهتمي لاي حد سوي واجبك اتجاه امك واتركي كل شي لله صراحه عجبني تفكيرك وحبك لخصوصيه بيتك ماشاءالله عليكي الله يكثر من امثالك وانتي ماعليكي غلطه الوحده ضروري انه يكون لها خصوصيه فبيتها عيشي حياتك حبيبتي وارضي زوجك وطنشي كل الكلام يلي مامنه فايده وانتبهي على صحتك موفقه حبيبتي