شكر لكم جميعا شكرا لكونكم اخوتي لم تلدها امي شكرا لانكن وقفتو بجنبي ودعيتولي وكنتم معي بوقت حاجتي شكرا لجميع الردود.............
لكل من باركلي بحمل اختي الله يباركلكن يارب انا عندي 4 اخوات متزوجات واخ اصغر مني تزوج من سنة وعندو بنوتة ماشاالله تئبش قلبي ماحلاها وكل واحد فيهن بعد عرسي حملو وجابو وكل مرة افرح من كل قلبي اصلا بنات اختي حبيباتي وبنامو عندي ومتعلقين فيني وفي وحدة انا ربيتها وبتقلي ماما بس طبعا رجعت لامها وقت صارت بالمدرسة يعني انا مستغربة من طالبة انتساب عمتقلي العين ومالعين يااختي كلامك على راسي بس انا مقهورة عحالي وبكتب لافضفض وكاتبة الله يتم عليها وفرحتلا والحمدلله ماعانت وهالاخت بالذات روح قلبي وبالاخير بتجيني طرطوشة حكي يعني هي الكلام اللي خايفة اسمعو..متل كلام برا .عكل حال ماشاالله وتبارك الله وذكر الله بيهدي النفوس والحمدلله على كل حال وشكرا لدعائك الي والله يسمع منكن باقرب وقت يارب
تسلميلي يارب .. حنان الامومة... انا اخر من شهرين عملت عملية تنظير وقالي الدكتور مروان خلص ان شاء الله يصير حمل بهالسنة يعني كاني متزوجة جديد ماصار بعد سنة منعمل تلقيح صناعي او طفل انابيب وانا ها عم استنى مرء شهر بعد عمليتي واجتني الدورة وماكنت متوقعة الحمل لانه ماصار بيني وبين زوجي اي لقاء خلال اول 20 يوم بسبب العملية ولما كان عميكشف علي قالي في اباضة وانفجرت وامورك تمام بس ماصار لقاء وهالشهر عطاني كلوميد قالي بس مرة خدية قال متل بوش للمبايض حركهن وعملي 4 ثقوب في مبيض الايمن كنت اعاني تكيس خفيف بسبب استخدام الكلوميد سابقا فقالي لازم جرعة تنشيط وحدة بعد العملية ورحت يوم 16 قالي صارت الاباضة وانفجرت لحالها وهي عم استنى باقي 10 ايام لدورتي....وقالي الدكتور مافي داعي ترجعيلي خلص استني سنة
الله يسمع منكن ويتقبل واطلع حامل هالشهر
فضفضة تانية معليه اتحملوني اليوم
ماعمبعرف ليش الناس بفهموني غلط يعني انا لحالي بهالمدينة بعيدة عن اهلي واخواتي صرلي 5 شهور وعمبحكي مع اخت زوجي عالسكايب وبحبا كتير قلتلها حاكي جوزي وفرحيه هيك كم نكتة او هيك كلام حلو حاكيه ونسيه اشغليه شوي لانه زعلان شوي قالتلي خير قلتلها اختي حامل وزوجي تأثر وغص شوي هو ماقلي شي حرام بس انا حسيت انه صار بعالم تاني وماعاد ابتسم حتى ومابيهون يزعل المهم راحت حكتو شو قالتلو ..... بتعرف اخي شو ...بنت خالتي ولدت اليوم قالها زوجي ليش كانت حامل قالتله اي صار عندها ولدين.... وبنت خالتو تزوجت بعدنا
يعني ماشاء الله تبارك الله مشان ماحدا يقلي عمنحسد شو بدنا بالعالم بس هو بدايق انه بشتهي يصير عندو بوبو ويملينا حياتنا متل كل هالعالم
بس شو بتفسرو موقفا والله انزعجت منها يعني اندمت لاني ضعفت وحكتيلا ..... اه بس ادايقت وبكيت عمقلها هونيا على اخوكي وفرحيه بتقوليله مادري مين ولد ومدري مين حمل.... بس لما فتحت المنتدى وقريت كل هالردود وهالادعية تفائلت ودعيتلكن الله يعطيكن مراد قلبكن واللي بتتمنوه وشكرا لاصغائكن
03-10-2013, 02:11 AM
رد: مقهورة
M0ra 
.gif "hwaml9")
اللهم انقطع الرجاء إلا منك وأُغلقت الأبواب إلا بابك فلا تكلني إلى أحدٍ سواك في أمور ديني ودنياي طرفة عين ولا أقل من ذلك وانقلني من ذل المعصية إلى عز الطاعة ونَوِّر قلبي وقبري وأعذني من الشر كله واجمع لي الخير كله يا أكرم من سئل وأجود من أعط
.gif "53")
جديد منتدى منتدى علاج العقم و تأخر الحمل
العرض العادي
