ساعدوني ابي رايكم

[سماء الاحساء]

الله يسهل أمورك يارب وتولدين بالسلامه صج الوالد يبي لها مقابل خصوصا اول مره

[ريمو&]

شوفي دام بيتك قريب من بيت امك حلو اجلسي في بيتك واذا على البرد خذي غرفة حطي على الاقل دفاية علشان ماتتعبي

وأمك كل يوم ترسلك اكلاتك دام بينك قريب منها

والله صعبه أبوكي يطلع امه وأبوه علشان بنته وابوكي ولدهم الوحيد واذا قصدك عماتك ممكن ظروفهم ماتسمح لهم رجالهم ممكن رافضين

لو انتي مكان أبوكي توافقي بنتك تقولك طلعي جدي وجدتي عن احد ثاني والأحد الثاني هذا مايبغى امك وابوكي

للوحده النفاس تحتاج بيت يدخله هواء هادي مافي إزعاج

بيت امك إزعاج كيف ترتاحين اساسا راح تكون نفسيتك تعبانه من الولاده

الله بسهلها عليكي*

[o فرح عمريo]

الافضل الك ضلي في بيتك بترتاحين اكثر وجيبي وحده من خواتك تعتني فيك ع الاقل بس الايام الاولى
لكن لو كنتي محتاجه جدا لمن يوقف معك
روحي بيت اهلك على الاقل لمدة اسبوع
وبعدها ارجعي بيتك وان شاء الله ربي يقومك بالسلامه
ودي

[عآشقة الجنآن]

الله يجزاكم خيـــــــــــــر على ردودكم وعلى نصيحتكم الرائع وان شاء الله راح احاول مااكون ثقيلة في بيت اهلي
احاول اجلس كم يوم وارجع بيتي اذا ماارتحت هناك
اما عن موضوع جدتي فـ أمي قالت لي لاتقولي شي لا لابوك ولا لغيرها
لو تروح تروح لوحدها ومهما كان هذا بيت ولدهم الوحيد احتمال تروح اسبوع لبنتها الكبيرة واسبوع لبنتها الصغيرة
وان شاء الله مااكون حمل ثقيل عليهم
اما عن بيتي حماتي ماتجلس في بيتها يعني انا وهي ساكنين فوق تحت
هي محتاجتني اكثر مني فما اعتقد انها راح تطلع عندي وتلبي طلباتي صعب عليها اصلا انحرج منها لانها ام كبيرة في السن
زوجي راح يسوي العملية لما اولد يقولي تكوني بعيدة عني احسن لي واحسن لك واذا احتجتي شي اخوانك مايقصروا وانا ودي اهتم فيه واكون جنبه بس هو يقولي لا خليك بعيدة عني ها الفترة
الله يقومني بالسلامة وكل الحوامل يارب ويقوم زوجي بالسلامة ان شاء الله
واشكر كل الاخوات اللي دعوا لي وربي يرزق لكم ماتتمنون

[M0ra]

خليكى ف بيتك افضل لكى ** لان امك الله يعينها عندها ما يشغلها و لن ترتاحى عند بيت امك
ربنا يعينك