فضفضة بس

[سيدة العمر]

المشاركة الأصلية كتبت بواسطة leemona

شكرا لجميع البنات... انا مقدرة موقفه بس بحس انه موهالاحراج الكبير ... من يومين بدات اخذ الحبوب وصفلي ياهم الدكتور حبوب التهاب المهم لسا اول حب اخذتا عالريق هو وصفلي ياها عالريق المهم العفو منك تقلب معدتي وكل مااشرب ماء تقلب فقط ماء بدون اكل وهو احتار معي ساولي كاسة شاي لسا ماشربت نصها قلبت بعدا بساعتين قالي شكلك اتحسنتي لازم تكلين شي جبلي مهلبية اكلتا رجعت قلبت بعد شوي عملي زهورات رجعت شربتا وقلبت تعزبت كتير بهاليوم ماتقبلت معدتي ولا شي حتى المي المهم كل ماتقلب معدتي اتعب واروح انام وافيق متحسنة شوي بس ارجع اشرب مي او اكلت من الشغلات اللي ذكرتن ترجع تقلب وهكذا
المهم انا نايمة وسمعتو جنبي عميبكي بكييي شديد وياعلى قلبي تقطع قلبي عليه قمت بسرعة شو حبيبي ليه زعلان قالي مرشح يعني مزكم ماعم ابكي وكانت الكهربا مطفية بس هو كان عم يببكي والله مو بايدي طيب وتقطع قلبي وصرت اعمل حالي اني شفيت مشان ماحسسو اول مرة بشوفو ببكي من وقت ماتجوزنا

عارفة انا قربت ابكى من كلامك ودمعت عيونى... انا زوجى هيك ماببين احساسه بالمرة وهالشي كتير بيضايقنى..
انا اتمنى انو مرة بس يبين لى ضعفه وحزنه ولله غير احطه فوق راسي
بس هو دايما مكابر علما انو هو الى عنده ضعف شديد وانا شفت الموووووووووووووووت عشان اجيب بيبي
وكل مااروح عند طبيب وافحص ارجع ابكى واندب حظى لانو هالشي انا بعتبره اهانة وحساس كتير
الواحدة يلا يلا جوزها ترضى
برضه اتمنى انو يكون قريب منى ويفضفضلى او حتى يحسسنى انو مقدرنى ومقدر تعبى والف مرة احكيليو هالكلام بيضل يقولى يعنى انتى مش عارفاه؟ منتى عارفه هالكلام..
حكتلو محتاجة اسمعه طيب!!!
لا اله الا الله!!!
بخصوص موضوع العينة.. ياستى ازا هو خجلان يعملها بالبيت وانتى خدى العينة ووديها لاقرب مركز تحاليل طبيبة خلال نص ساعه..او هو يوديها انا هيك زوجي بيعمل
مش ضرورى يعمل هناك..فعلا ولله احراج لكن وضعنا احنا لما نروح لاطباء محرج اكتر وبرضه بنتحمل... فهما لازم يتحملو عشانا شوي!!

[ماعدت اهتم]

الله يرزقك حبيبتي ويسهل امورك عاجلا غير اجل قولي ابي عيال منك ابي طفل يشبهك ساعدني وخليني اساعدك عشان نقدر نصير اب وام ونحقق حلمنا وخبرية قولي احنا ان شاءالله مافينا شي لاكن لازم نسوي الفحوصات ونعمل بالاسباب والرزق من الله.

[اميرة الحنان]

يا عمري انتي والله حاسة فيكي طولي بالك وزوجك الله يعينو حاولي معاه من غير الضغط واكيد يروح معاك بس اعذريه اكيد نفسيتو تعبانة بس هم الرجال ما يبينو مثلنا والله كريم و ان شاء الله يرزقك ويرزقنا جميعا ..................امين يارب

[جورية شامية]

قريت موضوعك و تأثرت بحالتك كتير وقريت كل مواضيعك
الله يرزقك الذرية الصالحة عن قريب ياااااااارب
حابة فضفض معك ...
انا صرلي متزوجة تلت سنين كنا مأجلين فكرة الولاد لأنو عم كمل دراستي
بس دايما بعمل تحاليل و بتابع حالي ودايما طبيعي الحمدلله
صرلنا فترة عم نحاول وماعم يصير حمل ..طلع معي هرمون الحليب و اخدت دوا ورجع طبيعي الحمدلله ..
بس زوجي ماكتير متحمس لفكرة الحمل هلأ بسبب الظروف وبقلي خلينا نأجل أكتر مامنعرف شو بصير
بس انا صرت خايفة كتير ... و عنجد وانا عم اقرا تجربتك صرت ابكي و خفت اكتر
ادعيلي ما احتاج هالعمليات أمانة عليكي
عنجد صار عندي هاجس اني مارح احمل مابعرف ليش يمكن لأنو ماعم حس انو هو متلي بدو ومشتهي بعرف انو هو بدو واكيد بدو بس ماعم يساعدني ابدا وبدي سنة لاقنعو يعمل تحليل ... الله يهديه والله مزودها عليي كتير

بدي اسألك من خبرتك شو التحاليل اللي ممكن اعملها اكتر اتأكد انو مافيني شي ..

[M0ra]

الله يهديه و يكرمك و يرزقنا جميعا الذرية الصالحة ان شاء الله

[leemona]

جورية شامية انشالله يارب مابتحتاجي اي شي والله يرزقك بالذرية الصالحة ..نصيحتي انه لازم تتطمني على حالك.. لانه كل الدكاترة بقولو لو ماحصل حمل خلال سنة من الزواج لازم تعملي الفحوصات ولاتخافي وكلي امرك لله وانشالله مابصير الا كل خير ومعك حق بهالظروف صعبة بس مثلا انا سافرت عن اهلي كنت منشغله معهم ومع صديقاتي ام هلا بعدت وقاعدة بالبيت والله حسيت بالملل وصرت افكر ليه عمضيع عمري وانا عم انتظر.. وخاصة وقت اخي الصغير تجوز واجتلو بنوتة وبعدا اختي اصغر مني كمان تجوزت وهيا حامل عقبالك يارب صرت احس حالي وحيدة والكل مشغول عني وانا لحالي وبمطرحي والعمر عميجري مع اني رحت عفكرة على كتير دكاترة واكدولي سليمة بس بعدين رغم ظروفنا الصعبة قررت اعمل طفل الانابيب ورحت على مشفى الشرق وبعدين كتبت شو صار معي طلع معي مي قصة وقصة ولو ماتعالجت كانت الالتهابات المزمنة سببتلي عقم مستحيل علاجه يعني منيح لحقت حالي ..نصيحتي الك قبل ماتعملي التحاليل خلي زوجك يحلل لان في كتير اسباب للمراة تمنع الحمل واحسن ماتتكلفي لانه التحاليل كتيرة بينما الزوج تحليل واحد بيثبت منه ولا لا...اصلا حتى اول دكتورة رحتلا طلبت اول شي تحليل للزوج ثم بدأت فيني... ولو زوجك طلع سليم لازم تعملي كل التحاليل طلبيها من دكتورتك قوليلا بدي اعمل جميع التحاليل هيا مكلفة بس بتتطمني على حالك ولو في شي بتتعالجي وبتحملي ولاتستني.. في وحدة بعرفها يقلولا استني واستني وبالاخير بدا تعمل طفل انابيب قلولها تأخرتي مابتزبط هلا... بنفس الوقت بعرف وحدة حملت طبيعي وجابت ولد وتوفي بالمشفى عدوى سحايا وبعدا حملت خارج الرحم فشالولها الانبوب كلو لانه انفجر وقالولها مستحيل تحملي الا بطفل الانابيب وعملتا بحمص احسن مركز ورجعت 4 اجنة وماصار حمل بكيت واكتئبت وحاولت الهيها معي مشاوير واسواق تاني شهر من عملية طفل الانابيب الغير ناجحة سبحان الله حملت طبيعي بدون اي شي ولا دكتور استغربت وولدت ..وهلاحامل كمان بيبي تاني طبيعي . عمقلك هالقصص لانه كلو بيد الله بس اسعى ياعبد وانا اسعي معاك.. انتي صرلك فترة روحي على دكتورة ولازم هي تطلب تحليل من زوجك او اطلبي منها تكتبلك تحليل السائل وتطلبه من زوجك وقولي لزوجك مارضيت تعطيني شي لتعمل التحليل حطيه تحت الامر الواقع ... عنجد انا بحمد الله انه هداني اروح لهالمركز مع اني تعبت من العملية والادوية وخصوصي انه لحالي ماحدا معي وتعبنا ماديا بس الحمدلله كشف حالتي ولحقت حالي وعم اتعالج وهلا الدكتور قالي كل شي صار سليم بعد التنظير وقالي اتركي حالك سنة انشالله تحملي طبيعي ماصار حمل رح اعمل طفل انابيب... يعني كل هالسنوات ولسا بدي استنى وانتظر من اول لجديد بس بقول اللي الله كاتبه بصير وانشالله يصير الحمل بوقت مناسب ووكلي امرك ل الله والله يرزقك ويرزقنا يارب

[جورية شامية]

leemona عنجد شكرا حبيبتي وانشالله ناوية ارجع عيد تحليل هرمون الحليب و اعمل زيارة للدكتورة الاسبوع الجاية بإذن الله