أمنيتي أرضع بنت اختي ولكن !!

[احساس أنثى]

ليش ترضعيها الحب يبين باي طريقه لكن نصيحه كتير يرضعوا قرايبهم وهما اطفال وبس يكبروا ينسوا هالموضوع ويتزوجوا الاطفا يلي بالرضاعه ولما يبان الموضوع يتطلقوا يعني انتي قيسيها ... االايام مابتخلي الواحد فاكر كل شي ... هادي وجهة نظري ويمكن زوجك هاد ييلي حابب يوصلك اياه والهل اعلم

[ورد الياسميين]

انصحك ماترضعيها يمكن من حبك لها تصير زوجه ولدك ومابيكون فرق سوا اشهر او سنه يعني احي عادي

[أم ريهام]

سبحان الله كل هذا اعتراض على شي الرسول عليه الصلاة والسلام لم يعترض عليه

وهو نفسه عليه الصلاة والسلام كان راضع من امرأة غير امه؟!!!!!!!!!!!!!!

يا اختي توكلي على الله واستأذني زوجك وأبوها هم أهم شي وتوكلي على الله

وكيف بالله يحبها وهي خلاص اخته

اهم شي تتبعي أوامر الدين وهو التشهير بهذا الرضاع وتسجيله ومحاولة أنكم تربطون بين الرضيع واهل المرضع كاخوة

واتركي أي كلام لا يمت للدين بصلة

ولا تنسي اهم شي انك تستخيري

[sweet moon]

مافيها شي

رضعيها بالعكس شي حلو

انها لاكبرت يكون لها اخ بالرضاعه

اعرف ناس ماشالله علاقتهم ببعض حلوه عيال خاله وعيال عمه

راضعين سوا ماشالله عين الله تحرسهم

وسالفه المستقبل والزواج ماعليه يعني كيف بيحبها وهي اخته

بلاش تفكير عقيم !!!

وبعدين هم اهل اكيد بيشوفها كثير

مو مغتربين وعايشين بدول عشان مايشوفها الى بالسنه والسنه

في تفكير صراحه غريب بقوه !!

اختي رضعيها وسوي اللي يريح ضميرك

لاتستشرين باحد بشيء مو غلط او حرام

[توجان القمر]

السلام عليكم اخواتي
انا اللي مستغربته من الموضوع اساسا ردودكم انتم الكل استنكر عشان المستقبل ومن هالكلام
حبيبتي انا جدا معجبه بحبك لبنت اختك بس شرعا مايجوز الا لضروره وهو ماشرع الا للضروره
يعني كل وحده حبت تسوي لبناتها اخو قالت ارضع ولد كانت صارت لخبطه وهذا مادعى له الدين انها للضروره فقط
كأن الام لاتستطيع لمرض او لموت الام لاسمح الله ومن هالضروف فقط
وحبيبتي ممكن تتأكدي من شيخ رغم تأكدي من معلوماتي بحكم دراستي دراسات اسلاميه

[شوق وحنين]

أم ريهام..
بالضبط هذا الي قاعدة أفكر فيه ههههههه تعرضت لهجوم ومب فاهمة ليش!

سويت مون..
تسلمييين يالغالية..
المشكلة اني ما نزلت الموضوع استشارة ولا سألت (هل تؤيدون أو لا تؤيدون)..
أنا نزلت الموضوع (كيف أقنع زوجي اني أرضع البنت)
لكن الظاهر ان سؤالي ما كان واضح

توجان القمر..
مشكورة على هالنقطة مع اني أول مرة أسمعها ان لضرورة لكن باسأل ولا يهمج :)

أم ريهام
سويت مون
توجان القمر
بردتو قلبي يالحلوات

[شوق وحنين]

زووووجي وااااااافق

أنتظر اللحظة المناسبة عشان أفاتح اختي بالموضوع

[ليلى الحلوه]

أنا ضد هالشي و بقوه ههههههههههههه والله أسولف بس داخله عرض عيبتني المشاحنات فحبيت اشارك بالنسبه لموضوعج خلاص إنحلت مشكلته ومبروووك البنوته هع...

[شوق وحنين]

المشاركة الأصلية كتبت بواسطة ليلى الحلوه

أنا ضد هالشي و بقوه ههههههههههههه والله أسولف بس داخله عرض عيبتني المشاحنات فحبيت اشارك بالنسبه لموضوعج خلاص إنحلت مشكلته ومبروووك البنوته هع...

ههههههههه يحليلج والله

ان شا الله الله ييسر وتتحقق لي الأمنية وأبشركم..

[:: Galaxy ::]

ولييييييييييييييييه تحرمي ولدك من بنت ممكن تصير عروس له بالمستقبل هههههههــ
يا حبيبتي هي في النهاية بت اختك يعني مثل بنتك و زود
خلي الامور تمشي على طبيعتها بدون رضاعة