اختي تكلم شاب. .مصيبه وشلون احلها ؟

[شـوآخـي]

حبيبتي لاتسكتين هذا عاااااااااااااااااااااااااار

كلمي امج خليها تسنعها وتضربها وتكسر راسها بعد

عشان تعرف ان هذا الشي عيب

والله يهديها يارب

[مشاعل الدوسري]

رجعت نسيت أقولك كم شغله
انتي بلاول خذيها بلسياسه و بلمحبه و قولي لها انا قلت لك
و نصحتك مو انا اللي اراقبك الله نجاك مره مرتين
و و مررات الله و اعلم المره الجايه ينجيك
و لا تفشلين في اختبارك و تنفضحين ..
و اذا مانفع الكلام و الحوار بلتهديد مانفع
قولي حق امك و هي تتصرف عشان تكسر
رأسها لان في بنات ما تفيد معاهم النصيحه
و لا السياسه و يستغلون الثقه الجديده
و الصراحه اللي تكون منهم تكون كذب
لانها ودها تستغل هذا الموضوع لصالحها ...
و ذكريها بكم قصه ..
بقولك ايها حقيقيه ماهي من نسج الخيال ..

المهم
او قصه حق احلى بنت ماتطلع
و لا تروح و لا شي ابد يا حليلها ما تطلع الا مع اهلها

و ان اطلبت اطلبت القليل و داااااااااااااااايم

تقعد بغرفة النوم و الجوال ما يفارق اذنها ..
طبعا بشريحه اهلها ما يدرون عنها ..
كانت بس تدق تزعج العالم اذا طلع واحد
قالت غلطانه اسفه لو ازعجتك طبعا بمياااعه ..
و هيك شغلات بس كانت تكلم على التليفون
اكثر من 100 واحد تعرفهم بس على التليفون
و الله ما امزح ..
المهم في البدايه كلام عادي سوالف الحياه
تدريجيا صار وحشني صوتك
و بعدها صارت اهات و تناهيد الين وصل الموضوع الى مكالمات جنسيه ..
تزوجت البنت و عندها طاقه جنسيا عاااااليه جدا ...
لكن ما استمتعت في الواقع لما عاشرها زوجها
ما استمتعت لان هي وجدت و جربت الذه بلصوت فقط
عن طريق المكالمات ..
طبعا عانت كثير تقريبا سنه الى سنتين
يمكن و هي تعالج من هذا الموضوع ..
هذي هي نهاية مكالمات تليفون فقط سنتين
تقريبا ما استمتعت مع زوجها مع انه حلالها ..
لكن هذا عقابها من ربي لان قبل كانت تستمتع بلحرام..

القصه الثانيه :
وحده في عرس اخوها كانت اجمل من العروس في ذيك الليله ..
و هي متزوجه و عندها عيال لكنها تخون زوجها
و تكلم الله و اعلم اذا مارست الجنس و لا لا ..
لكنها في النهايه خاااااااااااينه ..
بعد زوج اخوها الكل رجع يمدح في جمالها
ما ابالغ الكل يقول متغيره ..
ثاني يوم المعروف يسون حفله يسمونها
الصباحيه هي اغلبها تكون عشاء الاخت
أطلعت مع خويها .. و زوجها شافها

و قعد يلاحقهم من كبري الى كبري
الين اوصلو زحمة الكورنيش و مطارده زوجها يطارده
كويس ان ما سببو حوادث للناس المهم تتوقعون شنو صار فيها ..

صار لها حادث هي مع خويها ..
اصدمو عمود الاناره خويها قدر يطلع من السياره هي الحديد سكر على رجلينها ماتقدر تطلع
شوي شوي دخاان بانزين يقطر مين شافها و هي تحترق اقاربها و جيرانه و يدرون انها متزوجه ..
هب زوجها واقف كان معاهم يحاول يطلعها ..
شوي الا السياره تحترق و هي تحترق و ماتت بانفجار سياره ..

كانت نهايه جدا لا وصف لها مدري
قبلها بيوم مدح على جمالها و التغير اللي هي فيه
ثاني يوم الا بنفس اللحظه الله يخلي البيبي
وصل الخبر عند الجيران و الاقارب و الصديقات
ان فلانه ماتت وهي تحترق .. كانت مع خويها و زوجها
كان محبوس بلسجن لان هو اللي تسبب بلحادث
المفروض ان مايلحقهم بطريق عام ابد مهما
كانت الاسباب بعدها ماندري شصار في زوجها ..
و و خويها كان في المستشفى و على باب غرفته شرطي
هذي هي موتت الخاينه ..

القصه الثالثه :
وحده حبة لها واحد و سوالف و طلعات و كلام حب
و فوق 8 السنين مكالمات
طبعا كانت تطلع معاه لما كانت تروح بيت عمها و خالها بنات عمها
و بنات خالها يخبون عليها و يضبطونها
و من بيت صديقاتها كانت تروح تنام عند احد صديقاتها
تفهم امها انها بتنام عند صديقتها فلانه ..و هي طالعه معاه بشقته ..
بلنهايه اتزوجها بفترة الملكه

ماااافي اجمل منه بعد الزواج مااااااااااااافي احلى منه شهر عسل ..
مدته 3 اسابيع ب 3 دول يا هنيالها .. رجعو بعد شهر قلب عليها و عطاها الاسطوانه
جوال مافي طلعه من البيت مافي الا معاه او مع امه او خواته ..

مافي انترنت بعد فتره حط لها النت لكنه مراقب ..
و خلفت منه قالت ممكن ينسى و يهدى ..
مافي فايده و خلفت ثاني مافي فايده
منعها تروح بيت عمامها الا معاها تسلم و ربع ساعه
و يطلعون لكنها تقعد مع بناتهم لوحدهم لا تخيلو و نفس الشي بيت خالها ..
حتى بيت اهلها ياااادوب بلحسره تروح ..
هذي نهاية حب كبير و ثقه و طلعات و رومنسيه
ثقه عميه و دوون اي تفكير في المستقبل ..
نتيجتها انحرمت من كل شي من صحباتها
بنات عمها بنات خالها بيت اهلها جوال انترنت
كل شي يؤدي الى صلة الرحم ممنوعه منه ..
لكن للامانه مدللها في بيتها ملكه ..
و عند الناس ملكه لكن
باين على وجهه الحزن و الذبول و الابتسامه المصطنعه
أول ما نقوله اخبارك انشالله بخير و ربي اوقات تبكي
و اذا بكت تقول ما ابي حد يدري اني بكيت ما ابي الخبر يوصل لزوجي .. .