ساعدوني في تنظيف بيتي يالسنعااااااات

[Didi]

اذا انتي ما تنظفين لأنك مستصعبه التنظيف عندي لك كم نصيحه :

انتي كل يوم فيك فيك توقفين بالمطبخ نص ساعه عشان تغسلين صحون الغداء والملاعق
وفيك تنظيفين الفرن بجيف < يجنن هالمنظف ! وكلها في فترة قصيرة من نص ساعه الى 45 دقيقه وانتي منتهيه ..
وخصصي لك فوطه للفرن وفوطة لطاولة المطبخ وفوطه لتنشيف المواعين ..

انتهينا من المطبخ روحي الصاله نظفي زبالة الصاله وشيلي الوسخ ان كان فيه قراطيس طايحه ولا مناديل ورتبي كنبه الصاله وان كان عليها مخدات صغيرة وعطري الكنبه بعطر للأثاث وتلقينها في هو سنتر ..

هالحين بعرفك على صديقي المفضللللللل أسمه Pledg بليدج البخاخ اتعب وانا اقووولك يلمع لك الاثاث ويشيل الغبرة ويخليها تطول على ما تتجمع الغبرة مرة ثانيه . وفيه منه منظف للسيرراميك سائل خطيييييير جداااا جدااا ويخلي السيراميك يلللق وريحته تههههبل !!



طريقته : جيبي سطل ماء وعبيه للنص وحطي مقدار غطاء واحد من بليدج السائل و جيبي فوطه وامسحي فيها ارضيه كل الطابق ..


وبالنسبه للغسيل المتراكم ارسلي اللي تقدرين ترسلينه للمغسلة و ابدأي وحددي لك يوم بالأسبوع خليه خاص للغسيل والنشر و يوم للكوي ..
واشتري مكواة بخار سررررريعه جدا وسعرها مناسب تلقينها في اكسترا وهي احسن شيء لكوي ثياب الرجال . وتقدرين تكوين وانتي تطالعين تلفزيون .

هذة المكواة مناسبه وسريييعه في كوي الملابس الداخليه تقدرين تحطين اكثر من قطعه بنفس الوقت !



وهذة المكواة حلوة لفساتينك الحرير وجلابياتك وثياب زوجك مررة تجنن ومريحه ولا فيه اسهل منها .




واذا رحتي سنتر بونت لا تنسي تشتري :



فواحة ..




ابجورة , تعطي البيت جو رومانسي جميل .



حبيت اقولك شيء اضافي , اذا اهتميتي في بيتك اكثر زوجك بيحب البيت وراح يحبك اكثر ..
اذكر مرة قال لي زوجي ان ه صار يكرة يروح الاسراحه لأنها ازعاج ويحب يلجس في البيت لأن الجو هدوء وفيه اريحيه و ريحه حلوة كمان ..
حاولي تحسسيت زوجك انه حياته بعد العزوبيه تغيرت وصارت مرتبه اكثر و جميله وانتي بكسلك هذا ماتحسسينه ان فيه فرق كبير بين الزواج والعزوبيه من ناحيه التنظيم والتنظيف. !

[ام منيره2]

ماشاء الله البنات ماقصرو معاك والباغي عليك وخصوصا لينا فصلت لك النظافه الله يسهل عليك الولاده وتقومي بالسلامه وتقومي بيتك وطفلك لان الام المراه هي خيمت البيت الله يوفقك

[عمري فداء ولدي]

مشكورين خواتي اللي ردو ,
ومشكوره ياممنوع شباب ع النظام حسيت ان المسئله سهله ,
وشكرا لك ام جيانا ع المعلومه وباذن الله راح اطبقها ,,

انا اللحين خلصت المجلس مجلس الرجال بالكامل وغرفة الطعام وغرفة النوم بس باقي السيراميك والمطبخ خلصت الغسيل باقي امسح الفرن والدولاب والارضيه والثلاجه نظفتها تماما وغسيل الملابس غسلته باقي ملابسي حقت البيت والله يعيني ع الباقي ..
وياااااااارب اتسنع وفعلا ماااادري كيف راح يصير البيت بعد البيبي وانا بهالحاله , هذي نتيجه عبطي عند اهلي ماكنت احب اشتغل وابتليت في بيتي وماعندي من يساعدني ,, الله يقويني بس ,,

[~قموووره~]

ايوه خليكي كدا سنعه مشااء الله عليكي عيني عليكي بارده

كملي كله البيت انجزت الكثير باقي القليل الله يكون في عونك حبيبتي^^

[سيدة الغرام]

ماشاء الله البنات ماقصرووووووووووووو معاكي ياقلبي
انتي حاولي تنظفين بيتك بالاسبوع مراتين من رغم ماعندك عييييييييال
وحاولي تنظمين جدول انا كذا احب انظم جدول ترتيب البيت زي الغسيل والكوي
وغسيل البيت

الله يسعدك ياااااااااااااارب ويوفقك

[noni]

اللهم لا حسد بس انجزتي الكثير
هاااااانت

[lilian]

شوفي حياتي انتي عندك نقص حديد
لان المديد اذا قل بيجيب خمول وكسل
افحصي وشوفي

[memaya]

المشاركة الأصلية كتبت بواسطة lilian

شوفي حياتي انتي عندك نقص حديد
لان المديد اذا قل بيجيب خمول وكسل
افحصي وشوفي

ااااااااااااااااه والله انا كنت بعانى من نقص الحديد وكان مسببلى كسل مش طبيعى بس الحمد لله كان الهيموجلوبين 7 والمفروض يكون 12 بس دلوقتى بقيت 11 والفرق فظيع نشاط ورجعت مثل اول والحمد لله

وبالنسبه لصاحبه الموضوع حبيبتى تعوذى من الشيطان و خلصى غرفه غرفه يكون افضلك

[همسة ذوق]

الله يعينك حبيبتي والله كلنا مالنا خلق بس غصبن عننا لازم يكون البيت نظيف عشانك قبل زوجك انتي اللي جالسة اغلب الوقت ...هادي فكرة لحمام نظيف يوميا جيبي إبريق وعبي فيه موية وحطي صابون العملاق مررررررره روعة هذا الصابون قليلة بحقه روعة مطهر ومنظف وخفيف عاليد وريحته روعة وأشتري فرشاة تكون يدها طويلة ودخليها داخل الإبريق وحطيه بمكان مايبين يعني مثلا وراء المغسلة وكل ما تدخلي الحمام الله يكرمك وحسيتي إن الحمام وسخ المغسلة مثلا او الأرضية اشطفيها عالسريع ونفس الشي السيفون الله يكرمك بس انتبهي بالفرشاة الخاصة تبعه بس صبي على السيفون وحترتاحي كذا من الحمامات...الطريقة مرررره سهلة ودائم خلي الإبريق فيله هاذا الخلطة..سامحيني طولت بالكلام بس أبغى أفهمك ..

[همسة ذوق]

وصراحة أنصحك بالعملااااااق والله من يوم ماجبته أستغنيت عن اغلب المنظفات صرت أنظف فيه الأرضية الحمامات المطبخ أخففه بالمويه وأحطه برشاش ريحته مثل المطهر بدل الكركبه وعلب المنظفات الكثيرة بس انتبهي من التقلليييييييد ريحته وع..