انا حامل بشهر التاسع وبكرية وفي عندي شوية اسئلة

[mno]

الله يسهلك
كريم ميبو للجرح وممكن تستخدمينه للحلمه عند تشقق اقري نشره الي في العلبه

نفس الاساله ومتاااابعه معاكي

[كيك توفي]

مشكورة واللة يعطيكم العافية ياحلى حوامل

[دروووب]

مرحبا حوامل مشكورات على المعلومات الجميلة انا بعدني بالشهر الرابع بس استفدت من معلوماتكم وتجاربكم وان شاءالله ما راح انساها لما اكون بالشهر التاسع والله يسهل لك ولادتك يا كيك توفي وحاولي تبعدي الخوف لانه ما راح يساعدك ان شاءالله بتطلعين بالسلامة والله يرزقنا الذرية الصالحة ويسهل ولادتنا أمييييييييييييين

[روح ملائكيه]

هههههههههههههه والله ذكرتيني بنفسي لما ولدت طفلي الاخير
ظليت ميته من الخوف رغم اني حامل ثالث مره!!!!!

شوفي اختي انا عمر ابني 4 شهور ونصف الآن وراح ارد على اسئلتك حسب خبرتي وبحثي في النت ..


ايش الاشياء اللي ممكن تاكلينها بالشهر التاسع وتسهل الولادة؟
اختي حاولي ماتاكلي اشياء الا لما تحسي بالطلقات لأن بعض الاطعمه تاخينها بداية التاسع وهي الواجب تاخذينها اثناء الطلق مثل التمر ...
ولما يصير عندك توسع حسب كلام الدكتوره اخذي زيت الخروع ملعقه ممزوجه بكاسة عصير برتقال اشربيها في الليل.
كم المدة اللي ممكن اخصصها للمشي وضروري يكون يوميا؟
يعني حسب قدرتك ابدي بساعه وكثريها كل يوم شوي ..بس لا تنسي المشي يعمل على التوسع مما يسهل الولاده.
كيف اعرف انو ابتداء الطلق معاي وكيف احمية؟
تبتدي عندك آلام اسفل الظهر وآلام في البطن وتأتيك آلام في اسفل البطن كل فتره انتي احسبي وشوفي كل ماتقصر مدة الآلام اي تتقارب يقرب موعد الولاده...بس انتبهي فيه طلقات كاذبه لازم ماتروحي للمستشفى من اول الم انتظري ..واكلي تمر وادعي واقري آيات قرأنيه واستغفري كثيرا...وتحركي اي امشي وهدئي من نفسك واتنفسي بعمق وانتبهي الاضطراب مايهل ولادتك بل يأخرها..
لما اولد كيف اخفف الم الجراحة ايش المراهم اللي تنصحوني فيها؟ هالموضوع مرة مأزمني
انا في المستشفى اعطوني مرهم اسمه ميبو احطه على الجرح طبعا بعد تنظيفها وتجفيفها ..وبالنسبه للتعقيمات فيه كثير بس فيه تجفف المنطقه الحساسه مثل بيكاربونات الصوديوم ..انا اخذت بيتادين الخاص بالجروح وما بعد الولاده لون علبته اخضر بلاستك طبعا تحطي منه شويه في طشت كبير وتقعدي فيه تقريبا ربع ساعه والله انا قعدت في البانيو والماي دافي يعقملك الجرح وحتى من تتشطفي(عفوا) خففيه واستعمليه ..
هل في تمارين معينة اسويها فترة اول الطلق تساعد على فتح الرحم ؟
اي طبعا عندك الشهيق والزفير موجود موضوع كامل في الشهور الاخيره وعندك تدليك اسفل الظهر راح يسهلن ولادتك.
هل في تمارين معينة تنعمل بعد الولادة فترة النفاس تشد البطن وترجع الوزن مثل ماكان ؟
انا كنت امشي واعمل اعمال البيت وشد البطن فيه انه تربطي بطنك رابع يوم بقطعة قماش تلم بطنك من الاسفل وفيه من يستعمل زيت اللوز ويربطها تصير البطن انعم وتنلم اكثر..
واي نصايح عندكم كتبوها تكفون واللة حدي متوترة احس اني بروح اموت مش ولادة
شوفي اختي اول شي لا تفكري بالولاده ولا تعصبي كوني هااااادئه وربي يسهلها عليكي..
انا بحمليّ الاول والثاني ماحسيت بأي طلق وولدت وربي سهلها عليه بس بحملي الثالث لا اختلفت وحسيت بطلق وكل ماتجيني آلام ولاده زوجي يقولي يلا نروح للمستشفى اقوله لا ..لأني كنت مصممه اروح واني فووول هههههه وفعلا اول مارحت للمستشفى كان عندي توسع 6 سم بحيث الدكتوره كامت تصيح عليه ورأسا دخلوني لصالة الولاده وبخلال 45 دقيقه ولدت والحمدلله..
ربي ييسرها ويسهلها عليكي ياااااااااااااااارب

اختك ام شوق