ديوانية البحرين - دردشة حوامل البحرين - البحرينيات

[شمس الصباح]

سلام

احلام ام شخبار هنوي الحين اني في الناصفة اناصف بروحي مع ولدي جم بيت وبعدين احوم بالسيارة مع زوجي ما اروح بيت عمي الا في الأخير اخلي ولدي يناصف ويسلم على جدته بس هالمرة لان عمتى تبغي تشوف ملاك مسكينة جت البيت علشان تشوفها ولكن ملاك نايمة وما رضت اقعدها من النوم ومشت

بخصوص تفصيل الملابس اني افصلهم في المنامة عند محاري خياطة وايد روعة ونظيف اخذ من عنده القماش ولخياط ولكن شكلي هالمرة بروح سوق واقف يمكن اشوف محل زين

يالله اخليكم ما اقدر اكمل كلامي ظهري احسه بينكسر ما ادري ويش فيني قاعده اتعلل من شي لشي

[طفلي حياتي]

هلا شموس
على طاري الظهر مو اني ولا انتين الاحظ كذا وحده تطري الم العظام وتوها امس روز سول
اني قاعده تصيدني اشياء غريبه جسمي يتكسر من الالم ورجايلي ماقدر اشيلهم وظهري مثل العجوز واليوم واني نايمه الصبح صادني الم ذكرني بمرضى السكلر بعيد الشر عنا جميعا الم قوووي عدل قمت اصيح منه ولا ادري ويش السالفه..... ياربي تفرج لينا جميعا وتيسر امورنا يارب ... شهر رمضان ع الابواب ونبغي طاقه

[طفلي حياتي]

ام بنين نبغي قهوه وغيبتش طولت
ام احلى قمر وين القدوووووووووووووووع
ام الساده سافرتين لو بعدش اذا هنا سوي الجاي وتعالي
فلونه امشي بلعي ببلاش يالكريهه مالش حل ولا تطبين
حبيبة حسوني والفتاة الذهبيه وام علوان وووووووووووووووووووينكم؟؟؟؟

[Roze]

هلااا شحوالك


طفطوف اتصلتين واني اشيل السامان من السياره
ماعندي نت في الشقه وتوي داشه بيت ابوي
بنين طعموها يوم الاحد وصخنت وقعدت اعابلها
خفت الحين وافتكيت

ويش برزتون للشهر الفضيل
شرايكم
نشجع بعض نكمل ختمات ونرسل كل يوم لامام في شهر رمضان الفضيل

[rose soul]

اوووه اخيرا بينتووووووون

مشكورة فرح..ان شاء الله باجر راح ابتدي معاها
طفطف و ام بنين وشموس..شخباااركووم؟؟
ام بنين خوش فكرة صراحة خلنا نطبقها

[rose soul]

اي بنات ما قلت ليكووووم
بشورة متعلمة من ترضع تطلع اصوات وتلحن ههههه
لازم في كل رضعة
مادري ليش تسوي جذي

[طفلي حياتي]

هلا بيكم في بيتنا الدافي اللي ضمنا حوامل ويستضيفنا واحنا بيهالنا
ان شاء الله اقدر اكون وياكم لو باليسير لاني في هالشهر الفضيل احاول ارسل كل ما اقراه لوالديني رحمهم الله تعالى.... ربي يحفظ ليكم اهاليكم ويحفظ لينا يارب
وش ناويين من تجهيزات تاخذون؟
اني عن نفسي ريلي ابو اكل صحي وماياكل هالسوالف باقلل كمية مشترياتي لان كل سنه يتم وايد وحرام اتحير فيه ..... وانتون؟؟

[طفلي حياتي]

ههههههههه روزاتي خخخ هم جديه اذا مستانسين بس بنتي للحين ما وصلتها المعلومه
يمكن ع الشهر الخامس هيهيهيهيهي
اسبوع الياي تطعيمها والله يستر يقولون ابو4 شهور ثقيل والستار ربي

[rose soul]

طف طوف.. هههههههههه يعني مستانسة تكون
لا ان شاء الله ما يصيدها شي..انا بشور يوم في الرابع ابرتها اهون ما قامت صيح وايد بس حزة الابرة وبعدين سكتت
بس صخنت يومين..هذا شي طبيعي لا تخافين..لازم يصخنون ..علييش بالادول كل اربع ساعات..وبعدها يصيرون حصان
لا تتخوفين ولا شي


اي بسألكم بنات
اللي جربت طلق صناعي
وينج يا ام السادة؟؟
كان عندي رقمج والحين مادري وينة
مرت اخوي متخوفة عدل..عطوها طلق صناعي..طاف موعدها .. وحجم البيبي صغير يقولون..ومخوفينها عدل..ونفسيتها زفته كلش داااااااون
من تخبرني شلون الطلق الصناعي؟؟هل هو نفسة الطبيعي؟؟نفس الألم
بلييييييز ردو علي ضروري

[طفلي حياتي]

هلا روزاتي
ماعليها شر مرت اخوش وان شاء الله تتسهل
ام الساده ماعطوها طلق صناعي لان جتها الولاده قبل لا يغزونها الابر ههههههه
اما بالنسبه للطلق الصناعي على ماسمعت انه مؤلم اكثر من العادي والله اعلم ان شاء الله البنات يفيدونش