ديوانية البحرين - دردشة حوامل البحرين - البحرينيات

[فرح عمري]

السلام عليكم يا احلى امهات ولا يزعلون الحوامل هههههه

شخباركم وش مسوين عساكم بخير

متباركين بهذا اليوم والله يعودنا عليه بحال احسن من ذا الحال يارب العالمين

[الفتاة الذهبية]

السلام عليكم ورحمة الله وبركاته


متباركين بالمولد

وان شاء الله استانستووون

انا ناصفت حق بنتي ولكن وصلنا البيت وبنتي سايحه من الحرررر

خخخخخخ


واخيرا نزلت الصور ع الاب توب
وقلت براويكم اياهم طبعا مال رحلتنا الى الامارات


اول شي بحط لكمم صور الاكواريم في دبي
وهوو طبعا كله اسماك حتى فوق راسنا نطالع نجوف اسماك



























طبعا باقي الصور شخصية ما اقدر احطهم

نجي الحين الى حديقة الحيوان الي في دبي

رحنا 3 حدائق حيوانات وحده في العين و وحده في الشارقة و وحده في دبي
بس الي في العين كنا تعبانين ما افترينا فيها والي في الشارقة مكيفة وممنوع التصوير
وهذا الحين بحط لكم صور حديقة الحيوان الي في دبي













اتمنى يعجبكم

[الفتاة الذهبية]

احلام ام ع طاري الكهربه

قلت يوم الجمعه الناصفة في مدينة حمد دوار 22
قلت بروح من يوم الخميس وببيت للجمعه وبناصف حق بنتي

لا رخت ولا جيت بندوو الكهربه في مدينة حمد من الساعة 12

للصبح جت الساعه ست وما شغلوهاا

اتصلت في زوجي ومرر عليي
وبنتي صارت من الحر ماليها حل

وجى ليي زوجي وجيت بيت عمي
واتصلت الى بيت ابوي العود الساعه 5 المغرب
اجوف شغلوو ليهم الكهربه الا يقولون
توهم مشغلينهاا يعني لو قعدت هناك جاان خست
هههه والفريق كله على هذا الحال

ويوم اتصلوو الى الكهربه
جوو وحفروووو في الفريق
عشان كيبل محترق
خخخ حالة

[rose soul]

السلاااااااام
شخباررركوووم؟؟
انشغلنا بالناصفة
متباركين حبيباتي..كانت ايام حلووووووووة
وباجر بعد عندي رحلة خخخ
بنروح برجة..وبودي بشورة تغير جو بعد..بعلمها ع السباحة من الحين خخخ
..
فتوت يهبلووون الصورة..جان صغرتيهم خذووو الصفحة كلها هههه
..
فلووونتي وينج مالج حس مووووووووووولية؟؟
ان شاء الله تكونين بخير ام نوارة وحشتينا

[فرح عمري]

عليكم بالعافيه على السفره

هذي الايام شغاليين ع الكهربا الظاهر يبون يسوونه مخلل ههههههههههه

اني طلعت مع بنتي اول بيتين مت من الحر رجعت ههههههههه

بعدين رحت ويه عمتي الماتم وتربعنا وكان الله غفور رحيم

[أحلام أم]

مساكم الله بالخير
متباركين بالمولد والقرقيعان ربي يعودنه وياكم بحال أحسن من هالحال
الفتاة الذهبية
عليكم بالعافية شوقتيني أروح دبي ماعمري رحتها صعب مع الأولاد كلش ربي يحفظهم الصورة عجيبة الله يعودكم
إنجان جيتين عندنه إحنه بعد ناصفنه قبل بليلة ،ألحين صاير في البحرين المناطق اليديدة كلهم يناصفون قبل بليلة وليلة المولد في قراهم الأصلية يروحون يناصفون بس صدق حرررر
أني مارحت أناصف عدل بس أدورفي السيارة مع خواتي من بره بره ساعات أنزل للبوفيهات وساعات أناصف بيت بيتين هنوووي مايستحمل أناصف به وغفصة بعده على الفراش أشيلة هههه
مشكله الكهربة تنقطع في هالحر عجل لوتشوفين ديرة زوجي أغلب البيوت تحتهم وحدات كهربة تستعجبين كل بيت له وحدة تشغل كهربته
الله يلطف بحالنه وحال الناس في هالحر
روز سول
عليكم بالعافية روحة البرجه وتحملي ببشورة ورحلة سعيدة
وربي يعودكم على ليلة الناصفة بالعافية
فرح عمري
هلا بالغياب ،أني بعد بس تحت هالمكيفات متربعه ومكيف السيارة ليلة الناصفة إن شاء الله نعوض في ناصفة شهر رمضان

[طفلي حياتي]

السلام عليكم
شخباركم حبيباتي
متباركين بمولد منقذ البشريه صاحب العصر والزمان اللهم عجل له الفرج والمخرج واجعلنا من اعوانه وانصاره والسائرين تحت لوائه ... وربي يعودنا وياكم بخير وصحه وسلام ياربي جميعا
البارحه ناصفت في فريقنا في الححححححر جمن بيت بس ويى زنوب وكلمن شافها قال حرام نتفه وطالعه بها ويش اسوي في هالنتفه وتمتن خخخخ ولايفوتكم شريت ليها قرعانه (كيس الناصفه) ونسيته في البيت اففف طلعت بجيس هيهيهيهيهي
والمولد صار عجيب البارحه واليوم العصر صدددق ان المناسبات روعه وتطفي على النفسي شعور رهيب ربي لايحرمنا من هالتجمعات الروحاني يارب
فتوت حلووه الصور وان شاء الله يارب تسافرون ونسافر ونستانس
احلامممم القمر شخبارش؟ صار خاطري اناصف في سار وعندكم بس ماقدرت محد يقدر يوديني هداك الوادي
نبع الكوثر ربي يرزقش ويسخر لش ولزوجش وعيالش كل خير واتمنى تكونين شريتين للولد لاينكسر خاطره وملابس الصبيان متوفره بشكل رهيب اي شي يديد وبيفرح... الله يعوضهم بالخير ان شاء الله
روزاتي شخبارش وشخبار الاموره؟ الجماعه يخططون لبرجه ومن قالو الصبح ماقدر اعرف روحي ولابتسبح ولا شي مدام زنوب عندي فشكلي مابروح
فلونو مختفيه الكريهه ماليهال حال من الكراهه
شموستنا المنيره القمر ماتبين هاليومين لايكون تعبت من عزيمة ريلها؟؟ عسى المانع خير يارب
روز بنت بلادي ماتبين بعد .....حبيبة حسوني ويييينش
ام علاوي القمر زين سويتين رحتين الماتم اني اليوم الله وكيلش جيس وشكبره انترس من التوزيعات الله يعودنا يارب

[Roze]

هلا شحوالكم
متباركين بالمولد
البارحه ناصفت في السياره ويا زوجي وبنون افترينه ولا يعطونها ازيد من غيرها لين يشوفونها فالفراش
جنزت لي جيس شكبره اجباس ماادري شسوي فيه واقف سوقه هاليومين اليهال منبطين من الحلويات والاجباس مافي شي يغريهم
اليوم الصبح رحت لتطعيم الشهرين
وبنتي مصخنه فقيره وتبطل نص عيون ماليها خلق شي
عطيتها بندول مادري في شي اقدر اسويه لها غير البندول لو بس البندول وبتصيز زينه؟؟

[طفلي حياتي]

اهلا روزي
ماعليها شر وعطيها كل 4 ساعات لباجر وان شاء اله بتصير تمام
اني اليوم بتي سوت مقلب فيني عقب صلاة المغرب اني رايحه برا الماتم وبتي عند خالتي وسمعتها تصيح رجعت ليها حسبالي بتسكت المهم كالعاده برضعها وقت لصياح مستحيل تقبل
مارضت قمت بها وهي تزيد في لصياح بطريقه مرعبه في نفس واحد قلت لا راحت البت والكل مسينفر ومستغرب واني قتلت روحي من لصياح ..ناس تسوي شبه وناس تدرع ودوها لزوج خالتي ملا يقرا عليها وهي لالالا روااااااان واني اضرب الصدر واصيح وهم خايفين عليي لااستين وعلى بتي اخر شي بالموت قمت افتر بها واصلي على النبي واقرا ايات ونامت الحمدلله وتالي من تصيح اخاااف .. هي تسوي هالشكل متعوده عليها لكن بمجرد ما افتر بها شوي وتسكت اما اليوم لا مت من الخوف عليها
ربي يحرسهم لينه ياربي مانقدر قطعه من قلبا هاليهال

[اروي يقيني]

اهلااااا


وحشتوووني


متباركين بهالايام الفضيله


والله يعودها علينه وعليكم باحسن من هالحال


ويش باقول ايي زايده الحكه في بطني


بس بطني كلش ماطلع شي حتى قاعده واوسوس

جان مو الجاهل فيه شي الله لايقوله


ولااحس بححركه ولا شي

موعدي نهاية هالشهر ويش يصبرني

كل ماقعدت ابروحي استخليت


ادعو ليي بنات الله يثبته ليي

واشوفه في حضني ان شاءلله
يالله اكو ادن ادان الظهر باقوم اصلي انشوفكم على خخير