دردشة حوامل أهل جدة - دردشة بنات جدة - تجمع حوامل مدينة جدة

[~LaDy~]

ام يوسف من عيوني..

بس اكمل الاغراض راح اكتبلكم الافضل والاجمل والاجود ..

ياانا انصدمت وانا اقضي هههههههههه وتفاءجات مفاءجات ..

[مهره الدنيا]

[خوخة عبودها]

السلام عليكم

اول مرة ادخل التجمع

فديت جدة واهلها راجعه لها ان شاء الله مدينتي حبها يجري بدمي

حبوباتي ابغى مستشفى كويس طفشت وانا ادور ولا يكون غالي مرة ولا مو كويس

وما اشوف الا عالم شغاله تمدح من هنا وتجي ناس تسب من هنا

لانو بعد فترة برجع جدة ولا عارفه فين اتابع واولد ان شاء الله

اختي قبل ولدت بالطبي الدولي بس كانت على التأمين

وصاحبتي وزوجة اخويا كمان جربتو وجربت الالماني

بس ولا وحدة قالتلي انها ماتألمت او نوموها او شئ زي كدا

[محبتكم نينو]

المشاركة الأصلية كتبت بواسطة شمس الحلوة

السلام عليكم
كيفكم بنات
انا سجلت قريب في هدا المنتدى وتوني اللي انتبهت انو في تجمع لبنات جدة
باذن الله باتواصل معاكم ....
بسالكم ياحلوات مين ولدت في الطبي الدولي قريب عن سوسن عبد الدايم ....
وجزاكم الله خير

انا متابعة معاها حملي ربي يسعدها مريحة وطيبة
لما أولد أقولك كيف ولادتها
باقي لي مشواااار شبه طويل
دعوااااتك

[محبتكم نينو]

يناااسي عليهم الكروشات

احم



أنا عضوة جديدة ومن أول وأنا أتابعكم تقريبا من تسعه شهور واستفدت منكم كثير ربي يسعدكم



الموووهيم

سبق أجهضت وانا بالشهر الخامس بسبب فيروس سايتولي ميجالو وطبعا رعب على الآخر والحمدلله فاللي جاها وجابت البيبي سليم تطمني وتفرح قلبي.. وربي يعوضني في ولدي المفقود ويجعله شفيع لي وطير في الجنة...

والآن ولله الحمد حملت للمرة الثانية واجتزت المرحلة الأولى ودخلت المرة الثانية في الحمل وادعي ربي يتمم بخير
فدوبي تمهيدي أمومة يعني الحمدلله والشكر مدري عن شي وأول مرة خخ فياليت تفيدوني بتجابكم وخبرتكم متى أبدأ في التجهيز للبيبي ولنفاسي وايش هي الاحتياجات الضرورية وغير الضرورية

ووو أنتظر ردودكم الشافية بفارغ الصبر....

[احلى ماما ~]

الله يسعدكم دخلت التاسع الححمدلله وممكن اي يوم اولد ف التاسع وباقيلي مفرش سريري وسرير البيبي باقي ما اشتريته وكمان ابغى شياله ومدس وشنطه تكون حلوه وراقيبه سنتر بوينت كل اشياءه وردي وسماوي ماعجبتني وعند كل اللي حملو ومن زمان ماغيرههها نفسها اللي تعرف محلات فيهها الاشياء اللي ناقصتني لا تقصر

[um yuseef]

اتحفينا ليدي عشان نتهيأ نفسيا من بدري ههههه

العضوات الجداد معانا نورتو و ربنا يسهل اموركم


احلى ماما ~

مالك الا تشوفي التاجرات عندهم تلاقي اللي تدوريه ان شاءالله

[um yuseef]

بنات مين تتابع في فتيحي و تأمينها التعاونية

[~LaDy~]

خوخه

الله يعوض صبرك خير ويفرحك بشوفة البيبي يارب..

اذا تعرفي جنس البيبي .. استغلي التخفيضات الي راح تجي ..

وقبل لاتروحي نصيحه اكتبي كل شي بورقه والعدد الي تحتاجيه ..

وانتي تشتري اشطبي .. لاننا حريم ونحب السوق واشياء البي فتنه ماشاء الله ..


************

احلى ماما ..

نفس اشيائي الناقصه تقريبا ..

مدحولي ماماز اند باباز في ستارز افينيو ..

ومحل كبير بالصيرفي الدور التاني جنب ستي ماكس اسمه الوان الطفوله ..لسا مارحت بس كم وحده دلتني عليه فقلت اشئر عليه ..


************

ام يوسف

الهرم وماادراك مالهرم .. هذا كنز بس يبغاله تنبيش..

وحده مدحتلي الكوافيل القطن ولاول مره ادخلو .. وانصدمت انه مغشوش ومضحوك علينا بالسوق ..

زوجي يقول اتاري الزحمه مو عبث ..

[um yuseef]

ابشرك أخذت صدمتي

تعرفي اني دوبي داخله البيت من الهرم

أخذت 3 بربتوزات و كوفلله ب 70 ريال فقققققققط

الكوافل عندهم مره حلوه و اسعارها احلى

بس ماقدرت اكتر لحد ماعرف بنت او ولد عشان اخد راحتي