تجمع حوامل ليبيا

[راية]

السلام عليكم ..

ام نوزة ان شاءالله لاباس عليها نوزة وهما السنينات هكي يديرو يسخفو الصغار كيف يطلعو في سنونهم زعمة شن كان شعورنا وقت ما كنا زيهم

سالي كيف حالك ان شاءالله تمام

ام وسونة واني نقرا في الصفحات راجلي شاف صورة الكيكة جي خاطره فيها شوي درتها وتوا كيف طابت طلعتها تبرد ان شاءالله تجي باهية اني ندير فيها قبل بس توا درت طريقة متع ميمونة ولخبطت فيها شوية من عندي لان معنديش حليب حكة كبيرة عندي وحدة صغيرة بس والباقي درتها بحليب البودرة ابصرررر كيف بتجي

[ام وسونة]

صحة الكيكة ياراية اكيد حتطلع حلوة منك لكن نبي

نشوفها صوريها مالياش علاقة ههههههههههههه

[راية]

شكلها طلع يضحك بجديات بعد ما قلبتها قعدت نضحك ..ام وسونة معنديش الوصلة متع الكمبيوتر للاسف منقدرش نحط صورتها

[saly.me.91]

الحمد لله يا ام وسن كيف حالك انتي وبنياتك التلاتة

[saly.me.91]

تمام ياراية كيف حالك انتي وحال زوجك ويسلمو ايدياتك ع الكيكة



أايوته انتي اللي فلتي شارية كاب من لكي انت بالله عليك نزليلنا صورته لو سمحتي وقوليلنا بقداش لان خاطري في كاب بالك نشري

[ام وسونة]

هههههههههه يعطيهالك ياسالي من بنياتي التلاتة

فاولتيلي يارب من فمك لباب السمي اني عندي وسونة بس

[ام وسونة]

أرادت ان تـصـالـحـه فـقـالت لـه : هيـا ابـتـسم كـي اطمـئـن انـك قـد رضـيـت ... فـابـتـسم لـهـا وهـو يـقول فـي سـره

!... ((لـم أرضا بـعـد ولـكـن تـبـاً لـقـلبي كـم يـحـب ارضـائـك)

[ام وسونة]

هههههههههههههههههههههههههههه

[ميمونة]

ام وسونه تبارك الرحمن عليك توشيطه اليوم شورك مش صقعانه

رايــــــــــــــــــه اكيده طلعت حلوة من ايديتك ماقولتيش علاش ضحكتي انقلبت هيا او لا

[ميمونة]

ههههههههههههه

ام وسونه يعطيهالك ضحكتيني مازال البنت سروالها ياريت تحصلينا صورة فالحه انت