تجمع حوامل ليبيا

[يقين]

ايوته وينك كيف حالك وحال صغيويرتك وشكلك غاطسه في الدوره ان شالله ربي يوفقك ياااارب

[شرقاويه]

صباح الخير عليكم كلكم وانشالله كلكم اكويسين معلش مش عارفه اخباركم عشان ماقريتش الي فاتني \ بايباي توا نبي ننزل انسوي الغدا

[ramaa]

مساء الورد .. علي الحلوات كيف حالكم وشني اخباركم انشاء الله تمام
نبي نسال علي مسهلات الولاده وتكون مجربة لاني بكريه ومحتاجة لكل معلومه وانا قريب نخش شهري

[ramaa]

وينكم ياحلوات مفيش حد :-)

[عيون زوجي]

صبااااااااااااااح الخير
يقين شرقاويه كيف الحال وشنو الجو وربي يدوم فرحك يا يقين
راما كيف حالك
الجو اليوم احسن وادفى من امس ومقعمزة مدايرة جنبي طويسه كابتشينو قبل نبي نشربها مع يقين لكن هالحلوة طلعت

[عيون زوجي]

ام قصي ...قدر الله وما شاء فعل اسمعي خشي عالنت وابحثي عن طريقه الحمل بولد لانه علميا لازم يوم معين للجماع وحميه غذائيه مهينه وتقعمزي في اميه قلويه فيها بيكربونات الصوديوم وربي يسخرلك الحال
متفائله مشكورة احبيبه انا خشيت عالنت وتحديدا موقع زاد المسافر دارولي جدول رحله يوم لشارع الاستقلال وفي المساء بنمشي لمولات يلي جنب الفندق يلي حجزناه اسمه فندق تيتانيك بورت هوتيل ( Titanic Port
Hotel وقريب لبعض المعالم كالمولات والبحر ومول قالاريا يبعد 1 كم وجواره مطعم اسمه قليك (Gelik ) .. ونقدروا من هذا الفندق زيارة حديقة فلوريا الجميلة 4 كم وفيها مطعم جميل وأسعاره مناسبة ... والفندق مش بعيد عن مول أوت ليت 212 تقريبا 8 كم ..

[عيون زوجي]

هادي صور للاوت لت 212 وقالوا انه مش زحمه ومليان محلات لمختلف الماركات واسعاره معقوله

[saly.me.91]

عيون كيف حالك ربي يهنيك بهالسفرة الحلوة وماتنسيش اتصوري وصوريلنا حتى سارة وتمشو وتجو بالسلامة ياااارب


بالنسبة للاخت راما حتى انا بكرية وماعنديش فكرة انشالله البنات يفيدوك

[ام وسونة]

السلام عليكم كيف حااااااااااااالكم في هالصقع

[saly.me.91]

ام وسونة شن الجو شوفي صندوق الوارد ابعتلك رسالة