دردشة بنات العراق, دردشة حوامل العراق , تجمع بنات العراق

[فوفو العراقية]

هلو حبي ام نورهان
حياتي مي الطفل صافي وبدون اي لون
وينزل مثل نزول الدورة بحرارة وتدفق
بس مابي لون ابد
والماي الينزل علينة هسة بس بياض يعني خابط ...
بس انتي تكولين ماي مائل للخضار
ترى هذا هم ممكن يكون ماي الطفل
لان اكو ينزل شفاف
واكو بي خضار
ديري بالج

ولو ينزل ويا الماي مادة مخاطية ف هذا عادي
بس اتوقع ولادتنه مبكرة تصير اني ونتي
لان هالمي الدينزل اعتقد المحيط بكيس الجنين بين الرحم والكيس
ولما يخلص راح تبدي تقلصات الولادة وممكن ينزل دم او مي الطفل
هذا الي اعرفه
بس والله وقت وحده تصير بيها الحالة تصير تشك
وتتوقع كلشي راح يكون سبب الولادة المبكره.
الله يعدي هالفترة على خير
والله اني جهاز دقات القلب كلش فادني
لان لولاه لازم اروح مستشفى وطمن ههههههههههه
طبعا كلش ضروري للحامل.

[ام نورهانه]

والله يافوفو ماادري اني ينزل يوميه عليه يوم ينزل على كولتج خابط ويوم لا بي حرورة وخضار وهيج نزله وحده بحيث الكوتكس تنترس رأسا ابدلها ومينزل بعد يعني اني مراقبته تقريبا بين يوم ويوم او كل يومين مو سوه الله الي يستر والله اني هم متوقعة ولادتنه تصير مبكرة وكلشي بيد الله اووووووووووووف شوكت نولد بالسلامه ونخلص وبلا عراقيل استغفر الله ياربي

اني بعد تقريبا اسبوع وادخل الثامن وكلت بس ادخل اروح اسوي سونار ملون واطمئن على وزن البيبي وعلى الماي مالته والله يسهلها علينه ان شاء الله

[فوفو العراقية]

والله اني كمت ماعرف حتى اشكد علينة ههههههههههههه
شو كلمن يكول شكل
واكولج انتي حضرتي شغلات البيبي؟
يعني تجهيزات؟

اني حضرت بس بقت شغلات سطحية وبسيطة
وماكثرت غراض لان كلت تجيني هداية وبعد الولادة هم اطلع وشتري ...
وانتي روحي بعد اسبوع اطمني

وانتي بيا اسبوع جبتي نورهان؟
ولو اكيد البجر تكون غير
اني محمد جبته 42 اسبوع وجنت ماخذه بي تثبيت عالخامس
ورنا جبتها على 38 اسبوع واخذت بيها تثبيت بداية السابع
وانوار جبتها على 35 اسبوع لان جان بيها سكر وحجمهة اجة 3.290 ونزلت ورة اسبوع كيلو ونص هههههههههه
يعني يمكن هالمرة اجيب عالسابع نهايته والله اعلم
كل مرة اجيب ابكر
ورجلي بطران
يكولي بس تجيبين ورة هذا ابنية وخلص ماريد شي بعد
لان اتمنة بنية تجيني

كلتله ماحب الشقة اني ولو تريد طفل بعد روح اتزوج احسن الك والي وطلكني وعوفني اربي الولد الي متحبه
كال لالالا اشاقه وياج براحتج شوكت ما جبتيلي بنوته موافق المهم تجي
لسباله هية بيدي لو كوترة ...
ميدري بس السكر شلون هاد حيلي ههههههههههه

[ام نورهانه]

اني نورهان جبتها تقريبا على الاسبوع ال 35 لان كانت عندي التهاب مجاري وصعد الكليتي وصار عندي تقيء واني اصلا عندي نزول من السابع وذبيت دم من الثامن كالو هاي سدادة الرحم وكعت فأخذت ابر الرئة وانطوني مثبت ومطولت اسبوعين وجبت

وهاي الي مطمني ان ماعندي نزول بيها بس الفرق اني بنورهان كلشي مذبيت لا ماي ولا شي الا بالثامن وراها راسا جبت بس هاي من بدايه الحمل واني اذبذب وهذا المضوجني
واما على الرياجيل كلهم هيج ميعجبهم شي اذا عنده ولد يريد بنيه واذا عنده بنيه يريد ولد واني كلت اذا نجحت من السادس اسويله طفل على الحساب واخلص اسد حلكه بلكت لان اني هم ضجت كلت خلي اكمل دراستي واخلفهم واحد وره الاخ علمود يكبرون سوه واتفرغ الروحي شويه والنفسي وبعد اعزل المحل مالتي

[فوفو العراقية]

ام نورهان
والله ياقلبي الله يعين كل ام وزوجة هههههههههه
شغلة الحمل والولادة انكس شي
اني زوجي يخاف علية كلش
ولانه مشايف شيصير بالولادة
لما يجي وياي متاكده ماراح يخليني احبل بعد
لان يحبني حب مو طبيعي


اكولج
اشرايج نتواصل على ايميل ؟
لان حالنة ووقتنه بفترة الحمل واحد
هههههههههههههه وشمايصير عندج ورة يومين يصير بية هههههههههههه
جهاالنة متفقين علينة.

[رحمة الرحمان]

هلو بنات اشلونكم مشتاقتلكم هواي
منو جابت
منو حامل
انشاالله راح ارجع الكم عن قريب
انا هسه رجعت للمريكا رجعت ازوجي وكلشي تمام
بس راح انتقل لغير ولايه يوم 20 بشهر وبعد مااستقر ارجع احجي وياكم
سلامي للجميع

[أم أيهومي]

صباحكم ورد
هلو بنات اشلونكم حبايب اشكر كل وحده سألت على ايهومي والحمد لله مبيه شي ولو بعد النقطه الحمره ببياض العين وطمنوني كالولي عادي والحمد لله على كل حال

فله وفروحه حياتو والله حتى الجوارين ايكولون مستحيل اكو ام مثل نجلاء مداريه ابنهة الليل كله سهرانه وياه وبالنهار مااغفل عنه لحظه بس شسوي غلطة الشاطر رغم اني حاوطته بالمخاديد وغلطتي منومته بسريره

اتمنى الكل ابخير
حياتو مغتربه شكرا للسؤال حبي والكلمات الحلوة مثلج بس معرفت اسمج لحد الان اصيحلج مغتربه هههههههههههه
اني نجلاء مواليد 85 متزوجه صار اربع سنوات ونص عندي ايهومي عمره 7 اشهر واتخرجت هاي السنه ساكنه بغداد السيديه

هلووووووووو علياء حبي مشتاقيلج هاي وين جنتي ظل بالنه عليج الحمد لله علسلامه وهذا شنو الطفل الي بالصوره ايخبلل هذا طفلج تعالي احجينه مشتاقيلج حبي

[White angel]

هلوووووووووووووووو بناااااااااااااااااااتت
اني فرحااااااااااااانه كلش
واخيرا صرت عمه خلاص
زوجة اخوية الحمد الله جابت بنبوني يجنن فديت قلبه اني
ماشاء الله عليه يخبل طالع على عمته هههههههههههههه
ربي يحفظه ويخليه
اول حفيد بعائلتنه وابويه خطيه صار سنين ينتظر يصير عنده حفيد وهسه اجاه واحد والثانيه بلطريق
بعدني مكحلت عيني بشوفته اجيت من الصبح يم اهلي دا انتظرهم يشرفون
يوم الــــــــــــــــ كل حـــــــــــــــــامل يارب
ويــــــــــــــــــــوم الي الله يقومكم بسلامه ويحفظلكم اولادكم وازواجكم تــــــــؤبروني خواتي انتو
وطبعا خطاري مازالو عندي بس دزيتهم وي زوجي لان مااتحمل اني انتظر لليل حتى اشوف رضاوووي حبيبي
بنات اسالكم الديلاب الهوى مضر للحامل شي
البارحه صعدته ههههههههههههههههههههههه وكلت حجيب جان اوكف ابو اللعبه اكوله نزلني مااتحمل كالي بس هاي المره وتوكف كلت له لا نزلني زوجي يكوله بس هي بس هي عادد نزلت بس رحت للمدينة الالعاب ودمعتي بعيني مااكدر اللعب اي لعبه بس اكل شعر بنات
يمه شلون تونسنه بس لو مازوجي صعد ب الاكواب وتخربط علينه ه الدور هو الي يسوق وصديقه ميحق له يسوق ويمشينا منا ويرجعنا مناك
وبسسسسسسسسسسسسسسس هذا انباء يومي هههههههههههههههه

شلونكم حبايبي اخباركم
ام ايهومي سلامت ايهومي فديته اني وهسه شلون صار حبي بشري
ام نورهانه فوفو قموره عسوووله ساره فرووووووووووووووووحه نورااااااااااا شلونكم حبايبي ماادكولون لي شوكت تجيبيون خخخخخخخخ

[White angel]

وكللللللللللللللللللللللللللوووووووووووووووووووووو ووووووووووووش فتتتتتتتتتتتتتتتتتتتتت ب السادس واخيرا يعني
الله لاينطي ام السونار العوبه الي خربطتني وخربطت ايامي كلها

[المغتربه المتفائله]

مساااااااااااااء الورد
شلونكم بنات شخباركم
ام ايهومي شلونج شخبارج الحمد لله طمنتي على ايهومي مبي شي الله يحفضه الج ياررب
اسمي ساره عمري 20سنه متزوجه من اربع سنوات اول حمل بالشهر الثالث نهايته عايشه بالصين
تشرفت بيج حب
زنوبه الف مبروك صرتي عمه الله يحفضه ياررب ويجعله من الصالحين ويبارك بيه مرت اخوج شلون صحته الله يكومه بالسلامه
ويوم الج انتي والبنات ياررب وبعدكم اني هههههه
باقي البنات حبايب شلونكم ان شاء الله كلكم بخير

بنات عندي سؤال
انا بأخر اسبوع بالشهر الثالث وطلع بجسمي شعر واسمريت
بطني طلع بيه وكلش ضايجه منه شسويله ويروح
وعادي يطلع بالحمل لان اني ما عندي سابقا
والمشكله يطلع بجسمي شعر بسرعه
وشعر راسي يوكع بشكل فضيييييييييييع