تجمع رعاية المولود من حديثي الولادة إلى شهر 3

[ياهم ربي كبير]

المشاركة الأصلية كتبت بواسطة يارحيم

زنوب ياحلوة فترة سنة بين الولادة والحمل الثاني مناسبه انا ناويه على سنة ان شاء الله.. ياحبيلك تراك ما تعتبرين اخذتي منشطات!! لما تقولين منشطات يجي بالبال ادوية وبعدين فترة سبع شهور يعتبر جدا طبيعي!! اللي يعدي سنة وهو يحاول كل شهر هو اللي ممكن يكون مشكلة وممكن مايكون.. حتى لو تروحين دكتور وانتي ما صارلك سنه تحاولين يقولك كملي سنة بعدين تعالي لي.. وكيف تقولين زوجك عنده ضعف؟ لو عنده ضعف كان ما حملتي خلال سبع شهور كان قعدتي سنة وسنتين واحتجتي علاج بعد.. انا قلتلك عن الماش انه مفيد بس مو انا اللي قلتلك انه يسبب ضعف.. وترا لما يقولون شي يسبب ضعف مو معناتها اي احد ياكله يسبب له ضعف.. وبما انك حملتي بطريقة طبيعيه وبدون تدخل طبي وباقل من سنة تعتبرين انتي وزوجك طبيعين مية بالميه

انا ما جتني اخت نفاس ولا دورة ولاشي.. وماعندي اعراض غير نقص الحليب وافرازات غريبه مو متعوده عليها!! بنتظر اسبوع واحلل ان شاء الله.. بس بغيت اسألك عن الرضاعه كيف ولدك رفض صدرك فجأة اذكر كنتي ترضعينه من صدرك وبعدها ياخذ الصناعي اسمتريتي على هالنظام؟ ولا وقفتي الرضاعه من صدرك وبعدين بغيتي ترجعينها ومارضى؟ اعذريني على الفضول بس ودي استفيد من تجربتك لان ولدي صاير ما يشبع من صدري وافكر اعطيه بالرضاعه بس خايفه يرفض يرجع لصدري..

هههههههههه لا لا ياقلبي الميرامية تعتبر منشط للمبايض
بس انا ماكنت ادري الخلل مني ولا منه ، والماش (الحين عرفت اسمه) في حد كان يقولي انها تسبب ضعف للرجال وقتها ، حسبتك انتي هههههه ، بس فعلا لان زوجي كان مدمن عليها ، والحين لو نبي نحاول بعد سنة بنبهه يوقف الماش .. وعندنا الاطباء يقولون 6 شهور هي اللي تعتبر طبيعية مو سنة هههههه انا بالسويد وبانجلترا قالولي كذا ، بس كنت مستعجلة ع الحمل هههههه وزوجي ماكان راضي يحلل او يجرب اشياء طبيعية كان معند ، انا اللي جربت ميرامية واناناس وخرابيط ثانية بس الحمدلله بالنهاية حملت ..

لا مافي مشكلة اسئلي ع راحتك يختي ..
الشفاط شريته عشان الحليب مالي ماكان يكفي ، ونور كلما ابغى ارضعه يرضع شوي وينام بدون ما يخلص ، عشان كذا قل حليبي ، وقلت ازيده واحاول اوقف الصناعي واعتمد على الطبيعي ..
وطلبت من زوجي يشتريلي شفاط ، جربت اشفط اسبوعين واعطيه اللي شفطته وحليبي ماشاءالله كثر ووصل كل مرة اشفط 150مل ومرات 180مل وما احتاج اسوي رضعه صناعيه عشان اكمل عليها ، بس الحين اسوي 30مل صناعي اكمل عليهم لان صار الحين يشرب 210مل ماشاءالله..
المهم ، جربت ارضعه بعد الاسبوعين من صدري ، والولد صار يبكي ومنرفز قلت معقولة رفض صدري ، جربت مرة ثانية وثالثة ورابعه لين خلاص اقتنعت انه رفض نهائي واستمريت على الشفاط ..

[ياهم ربي كبير]

فعلا مشاعل اختفت
لتكون بسبب اني جيت هههههههههه


ووينها بنت عمي لييتا ههههههه

[ياهم ربي كبير]

ياااااااااااالهووووي
تو انتبه لتوقيعي اني كاتبه 7.30 مساااء
بدال ما اكتب صباحا خخخخخ


بروح اعدل

[Mishael]

اهللييييين وسهليييين بالحلوييين ،، يسلمووو ربي يخليكممم ،، كنت عند اهلي وحوسه امي عازمه صديقتها وتكفلت ببعض الامور منها السمك والسلطات وحلا القهوه ، طول الوقت كنت افكر ياربي لو ان عندي عزيمه فبيتي وش بسوي انا ونقطتي هذي جننتني ،،
الحمدالله بنات مشاء الله تبارك الله بنتي بدا يخف عندها الاستنكار بس تستنكر عمتها خخخخخخخ تفشلني اذا رحت لهم ،
وشكلها والله اعلم تسنن مو متأكده بس معها سخونه غريبه وكنها تعض اصبعها

[Mishael]

ام خالد كلي حلاة طحينيه مو طحينه السايله لا القطع الحاليه من غير خبز هذي مشاءالله تبارك الله تكثر الحليب كثيير وبعد مرق اللحمه
والحليب السايل اشربي العلبه الوسط كثري سوايل ، واقري سورة الحمد يمكن احد لاحظك وانتي ترضعين ،
انا لاحظة الجيل اللي قبلنا اغلبهم مايرضعون والاحظ جيلنا الغالب يرضع فيلاحظونا وكلهم يقنعونك انو مافيك حليب

[Mishael]

حتى بنتي اذا رضعتها قدام حريم خلاص ماعاد ترضع تجننني تصير تدفني وتصارخ وهي ميييته جوع لحد مااقرا عليها الفاتحه واحد وعشرين مره ، مع
اني اروح لغرفه ثانيه واتغطى بس يعرفون اني رايحه ارضع ،،
،،
جروح بنتك مشاءالله تبارك الله نومها طبيعي بس اذا تبين تتعدل اكثر حاولي تنام من المغرب لساعه تسعه تسعه ونص بعدين تنام للفجر كذا اريح احيانن تضبط معي

[يارحيم]

والله يا مشاعل اللي حولي لا جيلي ولا الجيل اللي قبلي ما يرضع! السنع منهم يرضع ثلاث اسابيع ولا شهر وبعضهم من الولاده صناعي وخلاص.. وفعلا العين حق وجا هالشي على بالي بس وش اسوي كل ما ارضع اروح مكان ثاني والبس مريلة الرضاعه وكل شي بس على قولتك كلهم يسألون ترضعين طبيعي؟ ما ياخذ صناعي؟ ويشوفوني اروح ارضع وارجع وكذا.. باذن الله ببدا اقرا عليه الفاتحه..

انتي زين ن بنتك تدفك وتعيي ترضع عند الناس عشان يحسون ان بنتك ماترضع زين وما يعطونك عين ههههه انا ولدي بالبيت يهبل بي ويصرخ ويمعط شعري مب سهله رضاعته وعند الناس يتسلط يرضع بسرعه ويكرع على طول ويكمل ههههههه يحسبوني انصب لما اشتكي عليهم!!

انا جبت الطحينه على اساس انها من السمسم زي الطحينية بس الفرق انها ما تسمن زي الطحينيه وعلى ما فهمت ان لهم نفس المفعول بس للحين مابديت اكلها لاني ماحب طعمها شايله هم!! طيب لو باكل حلاوة طحينيه كم لازم؟ ملعقتين كبار باليوم كفايه؟ انا شايله هم انها تنفخني.. وحليب ما اشرب ايد!! مب من حبي للحليب بس للاسف بحاول بكل الطرق عسا يرجع حليبي يكثر..

يوم قلتي سلطات وسمك شهيتيني بالعافيه عليكم.. اذا قلتي نقطه عن بنتك اخق معها اتخيلها صغيره مرة وعليها شعر حلو ومملوحة:) ماشالله الله يخليها لك انا اموت بالبنات الله يرزقني بنت ياربي البسها وامشطها واشبع من حب البنات فيها..

[يارحيم]

بالنسبه لي اليوم طعمنا خلودي اول تطعيمه ولله الحمد.. صرخ وصاح بشكل هستيري!! حتى انه انخنق من قوة الصياح واضطريت اشيله وانفخ عليه عشان يتنفس.. الممرضه هجت وقالت اذا هدا تعالي.. ارتاعت هههههه قالو لي يمكن ترتفع حرارته مو اكيد والافضل اكون مجهزة الخافض عندي ونزلت من الدكتور على الصيدلية واشتريت الخافض..

رجعت البيت كان طبيعي وهادي بس متنكد يعني لو كان منسدح وغيرت وضعيته ولا حتى حاكيته يصيح تحسون النفس شانت ههههه

الحمدلله ما ارتفعت حرارته بس انا عطيته الخافض لانه خافض ومسكن بنفس الوقت وخفت ان تطعيمته تعور فقلت خليها تسكن له الالم..

اول مرة من ولدته احس بمشاعر الامومة بهالشكل.. لما شفته يتألم ويصيح ماقدرت اتمالك نفسي جاني شعور غريييب ودمعت عيوووني ما قدرت اتحمل فكرة انه يتألم تقطع قلبي!! ياربي احفظ لي اياه واجعله بار فيني وبابوه واجعل مثوا امي وابوي جناتك يا ارحم الراحمين.. سبحان من اوجد هالعاطفه بقلوبنا !!

[Mishael]

امييين ام خلودي عساك تجيبين نقطه احلا من نقطتي ويحفظلك خلودي ، شوفي حطيله كمادات بارده عشان ماتورم رجوله هاليومين ، وكل اربع ساعات عطيه مسكن نص ملي ،، كذا كان يقولي الدكتور عشان ماتألمها وفعلن الحمدالله عدة على خير ،
،،
اقرائي الفاتحه عليك وعليه بعد كل فرض صلاة سبع مرات او واحد وعشرين مره وتلاحظين الفرق باذن الله والحلاوه هي اللي تكثر الحليب اما الطحينه ماسوت فيني شي ابد ودامك ترضعين ماتأثر عليك ولا تسمنين ان شاءالله ، انا اكل تقريبا ملعقتين اول مااقوم الصباح واحيانن بنص اليوم او اخره اكل زياده ، واحرصي عالسوايل كثررررري منها ،
،،
بالنسبه للحمل انا كانت الدكتوره تقولي زوجك عنده ضعف شديييييد واللمل بالله بس زوجك مافي امل بعد الكشف ماانتج ولا واحد بالميه ، اصدمتني كنت متوقعه انا اللي عندي ضعف لان كنت ماكله مانع ، وقمت اقرا سورة البقره كل ليله علي وعليه كل ليله جزء وسبحان الله بعد شهرين حملت مشاءالله ،

[ياهم ربي كبير]

المشاركة الأصلية كتبت بواسطة يارحيم

بالنسبه لي اليوم طعمنا خلودي اول تطعيمه ولله الحمد.. صرخ وصاح بشكل هستيري!! حتى انه انخنق من قوة الصياح واضطريت اشيله وانفخ عليه عشان يتنفس.. الممرضه هجت وقالت اذا هدا تعالي.. ارتاعت هههههه قالو لي يمكن ترتفع حرارته مو اكيد والافضل اكون مجهزة الخافض عندي ونزلت من الدكتور على الصيدلية واشتريت الخافض..

رجعت البيت كان طبيعي وهادي بس متنكد يعني لو كان منسدح وغيرت وضعيته ولا حتى حاكيته يصيح تحسون النفس شانت ههههه

الحمدلله ما ارتفعت حرارته بس انا عطيته الخافض لانه خافض ومسكن بنفس الوقت وخفت ان تطعيمته تعور فقلت خليها تسكن له الالم..

اول مرة من ولدته احس بمشاعر الامومة بهالشكل.. لما شفته يتألم ويصيح ماقدرت اتمالك نفسي جاني شعور غريييب ودمعت عيوووني ما قدرت اتحمل فكرة انه يتألم تقطع قلبي!! ياربي احفظ لي اياه واجعله بار فيني وبابوه واجعل مثوا امي وابوي جناتك يا ارحم الراحمين.. سبحان من اوجد هالعاطفه بقلوبنا !!

ماشاءالله ربي يخليه لك ..
احنا بالسويد اول تطعيمة تبدأ بالـ 3 شهور
والمفروض تطعيمته كانت قبل اسبوعين بس كان محموم ومريض وقالولي اأجل لين يتعافى
وناوية اتصل فيهم اليوم واحجز موعد للتطعيمة ..