دردشة حوامل أهل جدة - دردشة بنات جدة - تجمع حوامل مدينة جدة

um yuseef · 11-24-2012, 01:59 AM

صباح الأجواء الباريسية

كيفكم مع المطره ؟

أنا سمعت عن المتحدون انهم ما يصبرو على اللي تتولد اتاخرت يقرروا لها عمليه دوغري

و مدري أنا باتابع في الدولي و مره مرتاحه معاهم

~LaDy~ · 11-24-2012, 03:07 PM

R4m

Almasa

اول مابديت اتابع بالاطباء عند د.حنان سالتهم في استدعاء..قالولي ايوه ..

سلامات نتابع عند دكتوره ونرتاح عندها وتجي ثانيه تولد ..الموضوع نفسي احس ..

********

ام يوسف

تسلمي على تجاوبك ..

هالتجمع صاير بارد ومايتحمسسسسسس!!

حبيت اسالك عن الدولي انتي بتامين والا بدون ..لان انا ماعندي تامين..

وعند مين تراجعي ؟! وايش جنسيتها ؟! و د.سما ناظر ايش جنسيتها سمعت عنها ؟!

افكر اولد فيه ..

ومشكوره مقدماااااااا

um yuseef · 11-24-2012, 05:07 PM

هلا حبيبي

ايوا أنا على التأمين بتراجع عند الدكتورة هبه سليمان

مرره عسل و مريحه بس مشكلتها مواعيدها مو بسهولة لما قلتلهأ قالت لانو تواجدها غالبا في الولاده

اممم ماعرف دكتورة سما ناظر

mariam mohammd · 11-25-2012, 02:15 AM

حبيبتي التوزيعات من الهنداويه اشكال والوان حتى زينه الباب يسويلك هيا تجننن واسعارهم مقارنه باللي برا رخيصه
المفرش في الخيمه عندك ومركز الحبيب و محمود سعيد
زينة المستشفى اناا حاحط فلين عند الباب عليه اسم بنوتتي وستاند جوا شوكلاته اخذته من الجونا ب500
ومخدات ورديه عالسريري ولحاف وردي خفيف برضو
وانا عشان ولادتي في حكومي الغرف مشتركه فماابغى اكثر وابالغ بالتزيين

هذا اللي اعرفه ياقمررر ادعيلي اولد باقي كم يوم واعوشر

um yuseef · 11-25-2012, 02:49 AM

فين في الهنداويه لانو بصراحه ماعرف فيها حاجه

ربي يسهل عليكي بصحه و عافيه

r4m · 11-25-2012, 02:26 PM

Lady
انا ترى سالت الدكتورة هدى بنفسها اخر موعد من اسبوعين يعني واكدتلي
اننو. مافي استدعاء وفي بنت هنا هيا اللي قالتلي عالشي دا اول مرة حصلها بولادتها

مافي غير ادعي بالسهاله واللي فيلو الخير بولادتي ويارب يكون بوقت دوام هدى

ام يوسف
اولما توصلي الهنداوية اسالي اي احد فين محلات حاجات المواليد والزينة بيدلوكي ع طول
وعموما هيا في النص تقريبا قريبة من محلات الكلف ولوازم الخياطة ومحلات الخردوات وكدا

بالنسبة للحاف المره هادي مالي نفس اجهز وافكر مع التعب
بولدي الاول سويت ع مستوى واخترت ابيض وتركواز وازرق
دحين مدري

um yuseef · 11-25-2012, 03:33 PM

r4m

أنا لانو بكريه فلسى عندي خلق و مزاج أعمل و أعمل

يمكن في التأني اكسل زيكم

مشكوره حبيبتي

mariam mohammd · 11-25-2012, 06:21 PM

شفتي بنك الراجحي اللي في الهنداويه لفي من اللفه اللي قبله
كل المحلات اللي حتكون عاليسارك توزيعات
نصيحه
لا تستعجلي بالشراء دووووري ورتبي افكارك بعدين حددي ايش تشتري

انا برضو زيك بكريه
بنات كيف اسعار بيتي الصغير في السرر والمفارش

um yuseef · 11-25-2012, 11:06 PM

اكيد مريومه ماراح اشتري دحين لساتني أول السادس

بس بجمع أفكار و محلات

بيتي الصغير رحت عشان أعمل مفرشي و سرير البيبي

بس طلب مني اطبع لو الصور عشان يوريها المصنع و يحددو السعر

ساجدة لربي · 11-26-2012, 03:57 AM

السلام عليكم

اخواتي انا عضوة جديدة انا من جدة بس حاليا بامريكا حملت اول مرة وسقطت بالثالث وهذي المرة اسأل الله العظيم ان يتمم لي وكل مسسلمة يارب استودعت الله مافي بطني

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM