تجمع حوامل ليبيا

[أم أجنادين 80]

السلام عليكم
كيف حالكم يابنات
متعفلقة متعفلقة قريب ننفجر
اهلا ام الاء حتي انا من الزاوية

[أم أجنادين 80]

ميمونه ام وسن ليبيا قلبي شن الاخبار
وين باقي البنات رغوده ويقين وجماعة الصبح كلها

[أم أجنادين 80]

وينك يايقين كل دروسك راحت هباء منثور
قبل شوية في الخدمة لاقتني طابة في المكتب هيا اتخرجت
قالتي كيف حالك وشن مافيش حاجة قلتلها لا قعدت تقصقص علاش وخيرك
وانا نعجت ياويلي ياويلي
حتي طالبة اتفلحت فيا وانا قعدت ساكته
بالله شن دخلها هيا
بعد ماطلعت نزلوا دموعي مش غبيه والله غبية

[أم أجنادين 80]

ام وسن ماشاء الله علي بنوته ربي يخليهالك تتربي في عزك
وان شاء الله ربي يبعثلها اوخي ولا اوخيه
لكن شفتك في الصورة ايدك طالعة صح ههههههههههه

[عيون زوجي]

السلاااااااااااااام عليكم ورحمة الله
كيف حالكم يا بنااااااااااااات
ام اجنادين....الله غالب يا احبيبه ما اديريش في بالك والطيبه والعفويه عمرها ما كانت عيب بالعكس ميزة خير من لو كنتي خنايسيه ومسمومه الله غالب ما طلعتيش فالحه زي يقين انبصر اعليك
ام الاء.....هلا وغلا ومرحبتين بيك بيناتنا معانا ام اجنادين وام رغد من الزاويه اتشرفت بمعرفتك وربي يخليلك بنياتك واسمائهم يهبلوا اكيد هما حلوات وقمورات ما قلتيش شنو مواليدك
انا ام سارة من طرابلس عندي بنت وولد وربة بيت ومواليد1982
ميراس.......انا خفت منك ما حبيتش انبرر فرحت توا انك طلعتي اتبصري الحق سئلت كذا مرة بس مهما يكون مقصرين معاك لانك الخير والبركه
ميمونه.......كيف حالك اليوم وحال العيله وقداش يوم مازالوا عالفرج النهائي
ام روفيده...هلا بالغاليه كيف حالك وحال اوليدك انا توا كيف بديت بالتورته قعده ما كملتش قلت انلمكم وانخش اندور فكرة للتزيين بعجينة المرزبان
ماتنسيش صورة تورته متاعك باش انا الليله انزل صورة التورته متاعي
ام وسونه........ماشاءالله لاقوة الابالله اتهبل هالوسونه ربي يحفظهالك عليها دم يهبل حرام اعليك تتضربي فيها ويلي عنده وسونه يزعل لو ماكتبش حمل الشهر الفات اكيد بالدعاء ربي يرزقك باخ ليها والحق هي بالدنيا ماشاءالله
بنسئلك ريحة ايوفوريا كم سعرها تاخدي فيها

عجبتني ما استخدمتهاش من قبل
يقين.....وينك اليوم وكيف حال هالسنفور مشاغب (فروتي) معاك وشنو غداك
ايه........وينك البارح مخليه مكانك
اميرة التجمع....كيف حالك اليوم وبخصوص الكريم فريش موجود بس الحلو بس والمارشيمللو ما قابلنيش انا كنت اندور نبي شكلاطة حلويات ماركة اجنبيه وتكون 70% كاكاو ما لقيتش ونبي قطاعات عجينه اللوز يلي تعطي اشكال الورد والاوراق قالوا من غادي فيه مشيت ما لقيتش ممكن اليوم نمشي للعالميه نعرفه وفيه واحد تاني جهة الترسانه تو نعطيك نعتته محل كبير وبضاعته هلبه(فالحه في التورتات وداسه اعلينا باهي باهي)
ام ناريز...الله غالب يا اوخيتي ربي يفرج عالحاج ويريح راجلك واهله عندهم الحق بابا العيله غالي وانتي ريحي نفسيه راجلك بالكلمه واخلاص وصحيتي على مشاعرك الحلوة انتي اوخيتي
ووين صورة عشي يوم الجمعه ؟؟؟؟(وحده ما تنساش)
ام رغد....وينك خشي لقينالك وحدة تخدم نفس مجالك ام الاء خشي اتعرفي اعليها وهدرزي اعلينا

[ميمونة]

ام اجنادين ربي يهدي هالناس وخلاص هيا شن دخلها المهم
وسعي بالك وربي يبشرك بالحمل عاجلا غير اجلا

[ميمونة]

عيون كيف حالك وشن قصة الطورطه سفهتوني انا درتها مره بس جتني مش حلوة بالله عليك نزلي الصوره والطريقه والخطوات اوكي

بالنسبه لفرج القريب الاسبوع الجاي انشاءالله نكمل عدتي

[عيون زوجي]

هلا ميمونه.......شنو غداكم قبل مش عارفه شنو انطيب؟
التورته خاطري انديرها يا حنه سهفتني بنت حماتي من عمرك انتي تقريبا بدت ادير في التورتات في الحوش الصغيرة ب 35 والاكبر منها ب45
قلت اني نجربها في حوشي والخطوات ساهله ونفتك من الشري ونكسب صنعه ومنعه( سنع ودلع)
نجربها وانزلها لاني لو جت حلوة بنشارك فيها في المسابقه هههههههه
لو لا لا....

[الاء 2002]

اهلين اختى دانا كيف حالك وربى خليك صغارك ويحفظهم وربى كمل عليك الحمل

[عيون زوجي]

نستأذنكم ماشيه للكوجينه لما انكمل انخش انطمنكم سلااااااااااااااااام....