تجمع حوامل ليبيا

[عيون زوجي]

السلااااااااااااااااام عليكم
ماشاءالله انشط التجمع الله واحد
رغوووووووووووووودة....حرام اعليك سئلت اعليك اكتر من مرة
صحة التطعيمه لاحميده وبطول عمره
وقتلك نعرف نجلاء ساسي وبنات اختها لانهم دفعتي في الصيدله
يقين....الله يسلمك يا حلوة الحمدلله مشت الامور تمام والـتأشيرة بتتطلع يوم29/12 معناها السفرة بدايه السنه الجديده وان شاءالله ربي يسخر
من الاول قررت نرفع بنتي ونخلي ولدي لانه اصغير وما يمشيش والجو صقع واليوم مادرناش تأشيرة ليه لما روحت عذبني ضميري كيف بنمشي وبنغير جو وهو بيقعد مع اختي سخفني اخيه اعليا قلبي قاسي وانانيه صح
اميرة التجمع......هلا وغلا استحشناك الحمدلله جت من الواي ماكس
رايه.....شنو غداك وشنو جو الريجيم
تمورة.....طلعتي ادهورتي ولا مازال مطر ووين الصور
ام اجنادين......دسيه والبسيه في حملك عاجل غير اجل تصدقي ولا لا امي سافرت لايطاليا سنه 89 وجابت قفاطين نوم وارواب ماركات مش ليها دستهم لينا واحنا بنوتات صغار والله العظيم توا نلبس فيهم وماحدش عنده زيهم لا موديل ولا خامه
وقفاطيني لما كنت اصغيرة يلي انا لبستهم متاعات المناسبات وقعدات جدد توا ساره تلبس فيهم
ههههههههههه امي تحبني هلبه ماتعطيش حاجتي لحد حتى لخواتي
شرقاويه.....النومه ما صارش منها تو انديرلك شريط حمل
والله غالب الرزن مش بيدك انا في حملي انكون خفيفه مع اني نتفخ هلبه ونقعد انعول ونصلي عادي ليوم ولادتي ومرت خوي اضعيفه هلبه هلبه حتى الحمل مش باين اعليها من السابع تترنح وما تعولش وما تصليش الا مقعمزة
وراجلك سامحيه بس حسسيه بغلطته

[رغوده2006]

ساااااااااااااااااااااااالي تي كيف حالك ياحبيبه

[عيون زوجي]

مواقف صعبة

يشرين الموبايل (اووووووووووه بنغازي)

تردي : الو
... - السلام عليكم كيف حالك حاج سالم؟
تردي وآثار الصدمة على وجهك وتحاولي ترققي صوتك : غالط ماعنداش الاسم هذا..
- باهي سامحنا خوي!!!

موقف تاني :

تبدي طالعة انتي واختك اللي بينك وبينها اقل من عشرة سنين ..ويقولولك ربي يصون !!

موقف ازفت وحكتهولي واحدة صايرلها :

طالعة هي وراجلها لمحل دهب على اساس راجلها بيشريلها هدية..صاحب المحل يقترح عليه في حاجات وقاله :شن رايك في هادي تمشي مع سن الوالدة !!!

مواقف زي هادي تخلي انوثتك تتشقق ومشاعرك تتكسر..وتبدي خاطرك تعيطي لين تلمي عليك الناس..
ومايبردش عليك الا لما حد ينصدم انك اصلا متزوجة وعندك صغار..ولا تمشي لعرس ويخطبوك..ولا تمشي لمزين ويحسابوك عروسة..
لهذا لما تصيرلك مواقف من النوعية الاولي..احكي لراجلك مواقف خيالية من النوع التاني بش تتوزان حالتك النفسية وتحسي بجمالك وانوثتك..



منقول من صفحة الاخت فاطمة عالفيس بوك

[رغوده2006]

توه انا نستأذتكم عندي مشوار للمحلات بنشري حوايج للصغار
نتلاقوا بعدين سلااااااااااااااااااااااااااااااااااام

[saly.me.91]

حالي باهي بس مستاحشاتك هلللللبا

عيون مبروك التأشيرة ارفعيني معاك حتى فى الساكو

[saly.me.91]

غير وين هاربة ياعيوووون مش قتلك ارفعيني معاااك

[عيون زوجي]

هههههههههههههههه سالي ماشاءالله انتم 5 في 1 اي ساكو بيرفعكم
انبصر اعليك يا غاليه ياريت نقدر ناخدك معاي انغيرلك جوك وحال الربط والراحه الاجباريه

[saly.me.91]

هدي صورتي انى ويقين... شوفو الرشاقة... طبعا انا اللي عليمين

[راية]

مساااااااااااء الخيـــــــــــــر ....
عيوووووون مدرتش غذي اليوم راجلي مهناش كليت شوية خبز شعير وجبنة وفول وجو الرجيم الحمدلله ماشي الحااااال

[راية]

ساااااالي محلااااااااااك انت ويقين تهبلوووووووو لكن شن هالصورة الرمزية متعك تخوووووووف حسيته فيلم رعب