تجمع حوامل ليبيا

[يقين]

رغوده وينك حبيبتي غير ان شالله مش الصلوعا مانعك من النت
ام قصي وينك مغطسه وكيف حال بنوتاتك الحلوات
ام محمد يا غبيييييني شكلك معاش خشيتي عليشان الصور البايخات اللي نحط فيهم اني اسفه كانه منهم
شرقاويه كيف حالك ان شالله كويسه
متفاااااااااااااااااائله وينك يا احبيبه غايبه علينا من يوم كيكه الكراميل معاد خشيتي يا الكيكه وجعتكم يا حني عيناك فايهما تختاري

[يقين]

كتبت كل اسم بروحه باش ننتقم ماللي امبارح سهرانين واني نتقطع من المغص

[أم أجنادين 80]

صباح الخيرات علي الجميع
آيه ان شاء الله ألف لابأس علي بنوتتك
يقين شني لاباس عندك مغص من الحمل ولا شني كليتي
ميموا كيف حالك وخيرها صاحبتك صار ماعجبهاش المنتدي قوليلها رح تجي رح تجي
ام وسن كيف حالك وحال وسونه
تموره وين هالغيبة احبيبه انا شفت ردود البنات انك دخلتي ان شاء الله نتلاقوا ليك وحشه
رغوده جارتي الحبوبه اليوم خدمة ولا مكسده في الحوش
تعرفي انا نايضه بكري مشيت لمصرف الجمهوريه زحمه زحمه رجعت بخفي حنين
اول مره نمشي بنسحب فلوسي بروحي من حظي القيت زحمه هلبه
يارب امته تتنظم الأمور ,,,,
عيون كيف حالك يادكتورتنا خساره ماتخدميش الباين عليك بروفيشينال ربي يحفظك
شن صار في الحنايه كلمتوها ,,,
سالي شن اخبار حملك ,,
ليبيا قلبي كيف حالك وحال نوزه ,,
رايه , أم قصي ,هاتو,أم قصي , ام روفيده , شرقاويه كيف حالكم
سامحوني لو نسيت وحده منكم

[أم أجنادين 80]

النت اليومين هدوا كل شويه يفصل
انفكر اندير غداي كسكسي بالبصله
امس مشينا لسوق الثلاثاء حسيت ان بضاعته ناقصه وقرقارش فيها لبس حلو حلو
وبعدين تغدينا في مطعم تركي في زاويه الدهماني ,,,
عيون انتي من الفرناج صح حتي مشينالها أمس

[يقين]

سالي كيف حالك ومانعرفش علاش الايميل غلط خلاص باهي توا اني انضيفك

[يقين]

اماجنادين صباح الخير والله اني مريضه من امبارح صايره فيا حاله ونتعصر البارح نحساب روحي نموت واليوم ان شالله ماشيه للدكتوره

[أم أجنادين 80]

سلامتك ألف لابأس عليك
ان شاء الله خير

[يقين]

الله لايوريك باس وصحه غديك يا غاليه

[يقين]

هيا نستاذن ام اجنادين بنحمي بنتي وبنلود علي حوشي نتلاقوا ان شالله بالسلامه حبوبه

[الاء 2002]

صباح الخير
ممكن تقبلوني صديقه في المنتدى