حبيباتى سيدات ليبيا تفضلو لأعرف ما حالكم

[أم أجنادين 80]

سامحوني كل كلامي مش مرتب


وافكار داخلة وطالعة

بنقعد حايرة بين زوجي واهله

يبيني نواصل وفي نفس الوقت انا مش اجتماعيه

بالاضافة الي ان المواصلة بيصير فيها هلبة مواقف زي السلام زي يدخلوا ولاد ويطلعوا

[أم أجنادين 80]

ان شاء الله الف لاباس علي بوك حبيبتي جيجي

حتي عمتي تعبانه

حاشاكم عندها جهاز في راسها مدايره دكتور اجنبي كبير في البيعة من فترة سنين

لانها كانت ديمة ترقد بطريقة غريبة القوا عندها ورم او كيس يطلع في ماده

الدكتور دارلها عملية ودخل جهاز يمص الماده وكل فترة لازم يسحبوا منه الماده

بس توا حتي مع السحب بدت تتعب

وعمتي الكبيرة مشت معاها امس قالت ماعرفوش كيف يتصرفوا والجهاز نزل لتحت ودار حفرة

والله وجعني حالها شديت روحي قدامها حتي مانبكيش

وتوا يجروا يبوا يطلعوها لالمانيا ماحصلوش ناس علي قد حالنا لاواسطه ولاغيره

ربي يشفيها ويخليها لصغارها يتاما بوهم متوفي

وراس بنيه عندها كيف متزوجه

[أم أجنادين 80]

طبعا نفس الحالة جيجي امس ولا دكتور موجود

[أم أجنادين 80]

جيجي سلفتك ماعندها خوات بنات

يباتوا عندها

وهيا معقولة ماتقدرش تتحرك

[أم أجنادين 80]

صحة الحنه سوسو لريومة اكيد طلعت حلوة علي رجيلاتها

عجبتني لبستك بجد هنيئا لك

تعجبيني

بس سؤال

هل فيه تعليقات علي لبستك ؟؟؟؟

[أم أجنادين 80]

مـــــــعقولة جيجي سلفتك مقالتش تفضلي

والله المفروض محولتلك منها لاني اتجي وتنظفي واتطيبي تحسبك في ابسط شي

[أم أجنادين 80]

والله ياجيجي مايحسك الا اهلك وخواتك

صدقيني

هوا صح كله احتسبيه عند ربي

بس حتس زوجك عنده حق عليك والباقي مش مفروض عليك

وانتي حامل كيف حتي يخلوا فيك تتحركي وهما يتفرجوا عليك

والله والله كان نحمل الا لما نقعمز طول الوقت وندلع ههههههههههه " هدا ليش ربي مارزقني " من كلامي البايخ

[أم أجنادين 80]

حتي انا زيك جيجي غير هكي انقول

بس والله مانقدر نلقي اي شخص ينظف ونقعد نتفرج عليه

لما نمشي لحوش عمي ونلقاهم هكي

نبدا تعبانه وانظف في حوشي ومع هدا لازم انعاون

رغم ان اخر مرة مشيت لحوش قريبتهم اللي سيقنا معاها الحوش

الايام اللي بعدها جاني وجع في ظهري قوي

واكثر من مرة انقيم معاهم في حاجات ثقيلة ومانعدلش رغم ان حناي ام امي

نقوللها ماما كبيرة

تقولي معادش ترفعي الثقيل مش راح ينفعك حد

مانقدرش غير ليلة الموسم رافعه مع حماتي البساطات

[أم أجنادين 80]

حتي انا مانحبش من يتجمل عليا

رغم اني عارفة حماواتي راح يقفولي لو صارتلي مناسبة بجد بجد

خصوصا حماتي الكبيرة نويرة نويرة تبارك الرحمن

بس كان سخر ربي وحملت ودرت لمه بنجيب من ينظف ويغسل

[أم أجنادين 80]

انا هدا اللي نعرفه سلفتك المفروض موتيه روحها بكري

واخده حار وفي الفريز حاطاته ووموتيه فاصوليا في الفريز

حتي ماتعب حد معاها

اللي مايبيش يتعب عليه وعلي فلوسه كل شي واتي