تجمع لحوامل شهر جمادى الأولى 1433

[يمكـ دروبي]

ماشاء الله تبارك الله ...

انا عندي نفس الوسوااااااااس ... اخاف اولد اللحين
لان وحده من قريباتي حامل معي بنفس الشهر ولدة ولاده مبكره ..

[يمكـ دروبي]

خلطة لازالة سواد الجسم بعد الولادة ..........

بعد الولاده تحرص المرأه على ان يعود جسمها كما كان
وبالذات تحرص على ازالة السواد الموجود ببعض مناطق الجسم مثل البطن والرقبه وتحت النهدين..........
وهذه الخلطه التي سأذكرها ليست خاصه لمن لديها سواد بسبب الحمل فقط لكن هي تستخدم لنعومة الجسم وترطيبه وتبييضه.
المقادير:
علبة جلسوليد وسط
ملعقة فكس
ملعقة فازلين
ملعقة نشا
عصير ليمونه
علبة كريم منيرفا(وهو اختياري لكن يفضل وضعه)
الطريقه:
تخلط المقادير معا ثم تستخدم قبل الأستحمام بساعتين .....
اما من تستخدمه في فترة النفاس فالأفضل وضعه ليليا والأستحمام صباحا

منقول طبعا ..
ناويه استخدمها في الاربعين

وش رايكم صبايا .. ومن عندها خلفيه عن هالخلطه
ياليت كل وحده تقلنا وش ناويه تستخدم لجسمها .....

[متغربه]

هلا بكم جميعا..

وش اخباركم يالغاليات؟؟ أجل اللي تحلم واللي توسوس واللي تهوجس واللي تشتكي من قوة الحركه..يا حبيلكم انتم وعيالكم والله وأن شاء الله تقومون كلكم بالسلامه.. ويا همسات لا تخافين أبد الموضوع بسيط بأذن الكريم ولا تسمعين كلام الحريم الزايد عن الولاده، كل وحده لها تجربتها صدقيني كلها تساهيل من ربك الكريم..

أنا والله ما أحلم بالولاده أبدا مع أني أفكر فيها، لكن ولا مره حلمت.. بس من ناحية حركة الجنين متأذيه منها مثلكم، سبحان الله الشهر هذا من أقوى الشهور في الحركه.. الله يحفظهم لنا جميعا..

[متغربه]

على طاري أبرة الظهر..

اليوم قابلت وحده من جنسيه عربيه لها في أمريكا 20 سنه.. وعيالها كلهم جايبتهم هنا.. المهم سألتها عن أبرة الظهر وقالت أنها دايم في كل ولاده تاخذها هنا وما قد حست في أي ولاده من ولاداتها بأي ألم حتى وقت الدفع.. تقول أني أسولف مع الدكتور ومع زوجي عادي واضحك حتى، لين يقولي الدكتور أدفعي.. والله هالأبره شي..

الله يعطينا خيرها ويكفينا شرها

[متغربه]

يمك دروبي..

الخلطات ودي أسويها بس ما اتوقع لأن ما لي إجازه بعد الولاده ألا 3 أيام بعدين لازم أداوم.. والله ودي صراحه أهتم بنفسي وأن شاء الله يكون عندي الوقت الكافي..

[أم رزاان]

صباح الخير كروشات
يمك دروبي أنا استخدم الخلطة الآكن بس بدون منيرفا !
وازيد عليها ملعقة كركم الجسم
والفكس وضعت ملعقة الشاي الصغيرة
لأنة حار وخفت منة !

وللعلم ما استخدمها دائماً
استخدمها قبل كل شووور قبله بساعة
احطها واتركها ساعة وبعدين ادعك الجسم بالليفة المغربية
وربي مفعولها فضيع !
والسمار خف كثير والحمد لله
وتعطي الجسم نعوووومة


متغربة ياقلبي عليك 3 ايام بس وربي تعب
الله يكون عونك ياااارب
اهم شيء حافظي على نفسك بالأكل
والحركة إن شاء الله ماتضرك .. الله ييسر لك امووورك يالغالية

[((ام ليان))]

الله يعينك متغربة بس مثل ما قالت ام رزان حافظي على نفسك وان شاء الله
ما يأثر عليك
اما عن الخلطات ان شاء الله استخدمها مع اني كسلانه مرررره بس استخدم كريمات
يا بنات فيه شاهي مبروم من سمعت عنه وحده من جماعتنا استخدمته ما شاء الله لا قوة الا بالله نزل وزنها بشكل ما تتصورنه سألتها تقول اشترته من الرياض محل اسمه حقول الشاي تقول مبروم وتقول تشربه بعد الاكل مباشرة ان شاء الله بدور في مكه اذا ما لقيت بقول لاختي تشرتيه من الرياض واذا جت تعطيني واستخدمه بعد الولادة

[Om KHaled]

هنا((التصووويت )) للمرشحات للفوز في مسابقة اللون الرماادي الشروط بالداخل بالتوفيق#

[متغربه]

الله يجزاكم الخير أم رزان وأم ليان والله يقومكم بالسلامه جميعا ويناولكم ما تتمنون يا رب..

الشاي المبروم أول مره أسمع عنه.. خليني أقول لزوجي يجيبهمعاه ونجربه نشوف.. بس قريبتك هاذي يا أم ليان مسويه رجيم ولا بس تشرب الشاي بعد الوجبات؟؟

[((ام ليان))]

الشاي المبروم أول مره أسمع عنه.. خليني أقول لزوجي يجيبهمعاه ونجربه نشوف.. بس قريبتك هاذي يا أم ليان مسويه رجيم ولا بس تشرب الشاي بعد الوجبات؟؟[/quote]


هي تقول اكل اي شي بس لازم الشاي بعد الوجبة مباشرة