بنات المغرب أجي نتجمع كيف كنا

[siham-it]

khti chocho yssawal fik lkhire w rbah je vais tres bien aussi ma belle saloumti
ache khbarek ache khbare anoussti ???? o kif ghada m3a tamara dyal tahwal
sanouna ache khbare jamila dyalna wache katkbare chwiya ????i
amirti amourti hbiba dyali makrahtchi nji na3tikbisou kbireeeeeeeeeeeeeee kbireeeeeeeeeeeeeeeee ya banouta dyali
janati hbiba kif raki kif b9ite ??????? mamak mabaghach dkhole tamana 3lik
hanan ya hanan rahnaba9ine natstanawe natija dyal teste

[ام اية]

سلام عليكم البنات كيف بقيتو لاباس اختي سناء تبارك الله على لغزالة ديالنا تبارك الله عليها الله يحفضهليك من العين
اختي ليلى عندك العق درتها قبيحة وغبت عليكم هد المدة والله توحشتكم ولتكن غير ضروف بنتي مرضت موراسبوع جاتها الكزيما الله ينجي وليداتكم وتجلطت كلها وانا معاها فطبيب ودوايات حتى برات الحمدو الله ودابة راها مروحة مسكينة والكحة قاتلاها
هدي اصعب مرحلة فتربية داك شهور الاولى ولاكن نحمد الله كتنعس لي فليل معنديش مشكلة فسهير
اما خوتتها كيحماقو عليها قتلينها مسكينة بالبوسان راني معاهم بذباز واخى اية صغيرة كتغير شوية كنا انا وباباها كنفرحو بيها ودابة غير منال اوا جاتها شووية اما الهزان كاع مكنخليهم يهزوها باقي صغيرة وغدي تفرع ونتيا كيف بقات الكتكوتة كبرت شوية
اختي حنان كيف بقى العزرى لاباس ونتيا كلشي مزيان شفت لبنات كيسولو على طيست ديال الحمل واش حاملة ولا شاكة الله يدير لي فيهالخير
اختي سهام كيف بقيتي وكيف بقات سلمى تبارك الله كبرات ولات عروسة مشاء الله
اختي شيماء كيف بقيتي وكيف بقى سي اناس شنو اخباركم نتمنى تكونو لاباس كامليين
لبنات واش كين شي خبار جديدة انا معرفهاش قلوها ليا باش نعرف شنو اخبار بشرى اخر مرة كانت غدي دير عملية وسهام شفتها دايرة شريط الحمل واش حاملة

[ام اية]

اختي دنيا وخديجة كيف بقيتو لاباس توحشتكم بزاف كيف بقاو كتكوتات كبرو وشنو جديدكم
هيام معرفت واش باقيا كذخل ولا لا وشيماء كيف بقيتو وكيف بقى العري وحنان وضحى وام سعد وليلى وسناء كلكم توحشتكم بزاف

[ام اية]

انا الحمدو الله مشا مني سكر درت تحاليل وقلتلي طبيبة كان غير ديال الحمل ومزال مدرت شي وسيلة ديال الحمل دايرة غير العزل
الله يستر عاد غدي ناخد موعد من عند طبيبة باش تقلي اش ناخد واخى انا رافضة الكينة لانها كتغلضني

وبغيت نسولكم البنات لولدتو بالعملية انا مزال كتضرني بلاصت الفتيح واش عادي

[sanae1987]

اهلا وسهلا ختي شيما ربي يخليك ويحفم ليك الكتكوت ديالك
سهام الكبورية راه غادا وكتكبر بسلامتها وكتبدل سبحان الله راك عارفة الدراري الصغار فاش كيتزادوا ماشي بخال الايام الاهرى ياك تتي هانية بيخير فركوسة والكريشة كلشي بيخير? امضرا لقيتي الراحة في دارك ?
نوال ربي هلية اهتي ويخلي ليك بنياتك والحمد الله على سلامت البنوتة منين حلتها الكزيمة وهي باقة صفيرة

[huyam]

salam bnat lblad twHchtkom bzeeeeeeeeef
li waldo mabrouk 3lihom wli mazal allah ysahal lihom wli kaytsanaw rahmat rbi allah ykramhom

[sanae1987]

اهلا وسهلا ختي شيما ربي يخليك ويحفم ليك الكتكوت ديالك
سهام الكبورية راه غادا وكتكبر بسلامتها وكتبدل سبحان الله راك عارفة الدراري الصغار فاش كيتزادوا ماشي بخال الايام الاهرى ياك تتي هانية بيخير فركوسة والكريشة كلشي بيخير? امضرا لقيتي الراحة في دارك ?
نوال ربي هلية اهتي ويخلي ليك بنياتك والحمد الله على سلامت البنوتة منين حلتها الكزيمة وهي باقة صفيرة

[sanae1987]

بالنسبة للكينة انا الطبيب مللي رعت يحيد ليا الغراز خرج ليا سيرازيت ديال الرضاعة ولكن انا ان شاء الله نهر نقطع الرضاعة غنقطع الفانيد وندير الحساب ويربي يقدرنا عليه

[sanae1987]

الله يبارك فيك اختي هيام اش هبارك هانية?

[ام اية]

دابة نعاود ليكم قصة ولادتي نهار 25 فشهر 9 كان عنطي موعد مع طبيبة قلتلي لا مولدتيش فهاد تاريخ اجي اوا مشيت انا والوليدة وقبل منمشيو دوشت وشفت صيقانا انا وديال بنتي اش نقصهم وصيقنا دار ورتبناها المهم مشيت دخلت عندها وشفتني وقالتلي كاع مبين عليك الولادة والوالدة مبلعة والبيبي طالع الفوق وزيد كبير اوا بدا مسلسل الرعب طابت مني تحاليل باش نجيبهم لعدا ليه اوا طلعنا انا وراجلي فطنبيل كنهضرو قالي هدي باينة بغيا تفتح لك من هضرتها وقلتلو لمكتاب مكتاب وانا كنت حاسة براسي غدي نفتح المهم داك ليلة طار لي نعاس بتخمام فصباح مع 7 نوضت بناتي وطيبت الفطور وكنت كنلبس الاية وانا نعس بداكشي نزل فخطرة بحال بيبي حشاكم وفيقت الوليدة وقلتلها هشنو قلتلي صافي غدي تولدي ان شاء الله فيقت راجلي قالي سولي بعدا على تحاليل واش دريهم ولا لا هكذاك درت سول طبيبة قالتلي ضروري تحاليل وجبيهم واجي اوا مشيت لتحليل قبل لفطور عيدولي دم وقلولي سيري فطري ورجعي تاني نحيد دم وكل هد المدة وانا دايرة لكوش لان كان كينزل مني الما
المهم مشينا لدار وفطرت مزيان وكان اخر مرة نذخل دار مكنتش عارفة غدي نولد هد نهار المهم مشينا جبنا تحاليل ودخلتهم لطبيبة وقالتلي مزيانين وقلباتني قالتلي الوالدة مفتوحة سنتيم ونتيا سقيا نزلت قلتلي المهم مخسكش تبعدي يمكن تولدي فاي لحضة قلتلها نمشي نبدل الحوايج ونجيب لخاسني باش نعس خرجت من عندها لقيت عكوزتي جات وقلتلي ياله نشوفو طبيب عمومي با شنشوف اش يقولو بعدا راجلي رفض قالها لغدي يقلو قالتو طبيبة وبقينا معاه حتى بغى قلنلو غير نسول ورجعو مشينا لطبيب وراكم عارفين طبيب الدولة كيف داير الوسخ وروينة المهم شفنا وحدة وستقبلتنا مزيان وقلبتني وهو الما خضر ينزل قلتلي هدشي خانز ماعرفت يمكن تولدي بالعملية وانا نخرج كنجري عيات معانا نوقف معاكم كتقلب على تدويرة اوا رجعت عند طبيبة ومقلتش ليها راني مشيت عند طبيبة الدولة وراجلي مشى يجيب الصيكان وذخلت عند طبيبة وقلبتني وهو يهبط الما خضر وهي تخلعت وغوتت عليا قالتلي من فوقاش وهدشي كينزل معاك دابة تذخلي البلوك انا تغلعت وخرجت كنبكي وكنرجف وراجلي مزال مجى ذخلوني الغرفة وبدلولي حوايج ودارو تخطيط البيبي وانا كنبكي معرفت كيف جاني هد شي المهم ذخلوني لبلوك وانا نشوف داك شي ونزيد نتخلع كلسوني ودرولي ليبرا فضهر وشحال خايلة ودارو واحط ريدو وانا كنحس وكنشوف ضلهم وهو كيفتحو فكرشي رعب والله عمري ولدت بالفتيح وبالبنج نصفي كتشفي كلش المهم شوية وانا نسمع لبكي ديال بنتي بحال لكتخنق مسكينا
انا محسيت بوالو غير كنشوف شوية وهما يجيبو ها ليا بستها وشفتها تبارك الله كانت منفخة وزنها 4 كيلو 300
اةا منين سلاو لبسو ليا الحوايج وطلعوني المصعد والعائلة او واحد شفتو راجي فباب الغرفة تم باقي العائلة كانت معمرة الغرفة تبارك الله خرجوهم وهزوني لبلاصتي وقدولي سيروم ودخلو العائلة سلمو عليا وبقاو حتا الوقت متاخر وداك ليلة كاا منعست بالحريق كل شوية نصوني على فرملية تضرب لي ليبرة ديال الحريق وصباح الحمدو الله خفاف لحريق هدا مكان اصعب حاجة داك الوقوف بعد العملية صعيب بزاف ولولدت بالفتيح راها كتعرفو ههههه