دردشة حوامل مصر - دردشة بنات مصر - تجمع حوامل مصر ‏

[ام انس المصريه]

بت يارنا هعمل بوصيتك هدخل استحمى كده وانظف بدال ماانا شكلى يقرف لابسه جلبية حيلة امها

وشعرى منكوش

[Rania Negm]

المشاركة الأصلية كتبت بواسطة malak ahmed

ههههههههههه ماشي يا رنون ** تعددت الاسباب والفرحه واحده **

المشاركة الأصلية كتبت بواسطة malak ahmed

خروجه الهنا ياحبيبتي وربنا يفرحك يارب دايما

انتي هتقوليلي عالحب انا مجربااااااااااه ومش بيبان اكتر غير لما الزوج يبعد عن زوجته زي حالاتي كده .. ببقي عامله طول الوقت زي المجنونه اللي مش هتعقل غير لما ييجي بقي

يارب هونها بقي وييجي بسرعه .. بقالو كام يوم كده بيقولي انه هيحاول علي قد ما يقدر ينزل عالولاده ان شاءالله .. ولو سمحوله هيقعد معايا اجازة طويله شويه لكن لو مش سمحولو هيسافر تاني بعد 20 يوم وييجي تاني بعديها بكام شهر ا ن شاءالله

لولولولولولولولولولولولولولى


ايه ده

آى كانت بيليف ماى آى

أنا شايفة انتى كاتبة ايه يا ملك

طلع العيب من عندى على فكرة ... لا مؤاخذة

اصل ماى هاسباند كان عامل آب ديت للاكسبلورير وايذفجأتن اللاب توب خرب فعمل ريستور فكل حاجة رجعت زى الاول

وايذفجأتن بردو ألاقى كلامك منور الشاشة

والله ووحشتينااا يا ملووووووووكة عاش من شاف خطك يابنتى

ملك أم سلمى كيفك ياعمرى .. اعتقد انتى من رواد الشهر التاسع دلووكتى . الله معك يا قلبى استمتعى والله مافيش احلى من ايام الحمل وقرفها سبحان الله

أديناااااااااااااااااا وحشتينى آخر تلت حاجات هههههههههههههههههه ياولاد انتو كلكوا بتفكرونى بايام الحمل ههههههههههههههههههههههههههههه

رنووووشة ياقلبى ربنا يسعدك ويهديكى انتى وزوجك والمجنونة الصغننة ياااااااااارب

يا شوشو اخبار المغص ايه يا قلبى ؟ طمنينى عليكى انا حاسة بيكى والله لأنى كنت عايشة بيه آخر الحمل وربك كرييييييييييم

[malak ahmed]

رانياااااااااااااااا

لا لااااااااااااااا لا لا لا لا لا لا لا لالالالالالالالالالالالا

مش مصدقه نفسي طب والله لاعيط م الفرحه .. ياااااااااه اخيرا يابت انتي ده انتي فاتك كتير اوى.. انا كنت حاسه اني مبعرفش اكتب لما مكنتيش بتشوفيني .. بس اشمعنا انا يعني

انتي بعد اخر مره كتبتي فيها سلمت عليكي انتي وكذا واحده كده وكتبت ليكي انتي بالانجلش اللي مش بتشوفي غيرو هههههههههه

اخبارك ايه يا ام حمبوذوووووو .. والواد فينه صحيح نايم ولا صاحي؟؟ بوسيهولي

[Rania Negm]

المشاركة الأصلية كتبت بواسطة ام انس المصريه

بت يارنا هعمل بوصيتك هدخل استحمى كده وانظف بدال ماانا شكلى يقرف لابسه جلبية حيلة امها

المشاركة الأصلية كتبت بواسطة ام انس المصريه

وشعرى منكوش

ده الراجل ليه الجنة على كدا

طب هقولك

اعملى زييى

اتخابثى عليه

بدل ما تقعدى تسرحى فى شعرك وتسشوريه وتخنقى فى نفسك

لما تاخدى شاور وهو مبلول انكشيه واعمليه كيرلى

اهو منكوش بردو .. ولول الراجل اتكلم قوليله انا آخر موضه وعاملهولك كيرلى

ههههههههههههههههههه انا من الشهر التامن وانا عاملة شعرى كيرلى ههههههههههههههههههههههههههههه

[malak ahmed]

شيماااااااااااااء طب والله هوريكي يابت .. انا لساني تعبني من كتر ما قولتلك طمنينا عليكي وقوليلنا عملتي ايه عند الدكتور
بس كويس اني اطمنت عليكي :))

الف سلامه عليكي .. وبالنسبه ليكي انتي وجوزك الي بقيتو عاملين زي مواقف وطرائف بتاعت زمان

ف ((( لا تعليــــــــــــــــــــــق ))) .. ربنا يهديه ليكي ويهديكي ليه يارب

[Rania Negm]

ااااه يابت يا ملك انا كمان وانا شايفة كتابتك حاسة ان الدنيا منورة ههههههههههههههههههههههههههههه

الواد حمبوزو كويس ابن ال .......... ناس الكويسين

الواااااااااااااااااد نايم من الساعة 9 الصبح لحد دلوقتى اهو المغرب هيأذن

الواد التحفة الا ولا بيصحى يرضع حتى

وابن الذين باليل كأنى برضعه قهوة طول النهار مثلااااااا

صاحيلى زنهااااااااااااااااار وحاطط صدرى فى بوئه كأنها تيتينه

عاماله اشيل واهربد فيه واجيبه من السرير ده لده ومن الاودة للصاله وهو كأنه شارب منووووووم

هيظبطنى باليل ابن الحلال الله المستعان

[malak ahmed]

ههههههههههههه حلوة حجه الكيرلي دي يا رانيا

حجه البليد ايييييييييييييييه ؟؟؟؟؟ ههههههه ضحكتيني يابت

انا بقي ببقي موزه اووووووووووى وجوزي هنا ولما بيسافر بكون شبه ظريفه هههههههههههه

مش للدرجه دي .. بس اكيد الواحده بتهتم بنفسها اكتر عشان جوزها امال يعني هتتزوق لمين لامها مثلا ؟؟؟

[MALAK2010]

رانيا ازيك يا جميل عامله ايه
انا فى التاسع الحمد لله قربت افقس بس انتوا قلقتووونى من الولاده
وحلوة اوى فكرة الكيرلى دى ههههههه
بس فين النونو وحماتك نيمتيهم ولا ايه هههههههههههههههه

[دودى اشرف]

انا جييييييييييت

رانيا ازيك يا قمر ... عاملة ايه وازى النونو ... الف مبروك مرة تالتة ... انا باركتلك كذا مرة وسلمت عليكى كذا مرة لكن شكلك مش بتاخدى بالك منى اهىء اهىء اهىء وازى القمر الصغنن

[malak ahmed]

يابت قولي بسم الله ما شاءالله .. هو لا كده عاجب ولا كده عاجب

سبيه ينام عشان يكبر بسرعه ويظبطك بقي لما يكبر ضرب وعض واللذي منه ههههههههه

انا مش مصدقه اني بكلم رانيا .. ياحواوة يا ولاد