تجمع حوامل ليبيا

[راية]

مساء الفل على كل الموجودين وغير الموجودين مرحبتين بيك هاتو ....
يقين ماشاءالله على بنيتك ربي يحفظها بس قوليلي فروتي تدليعة شنو ؟؟
ام ناريز ماشاءالله عليها نوزة ربي يحفظها وشن معنى اسمها؟؟

[ღॐ آية ღॐ]

وعليكم السلام متفائلة
منورة يا حبوبة كيف حالك اليوم
هيا اطلعي بي كيكة الكريم كرميل ولا تميتوهآ
الف صحة وعافية على قلبك
نبو طريقتها ياغالية بتفصيل لو ممكن صورييهآ...

[ღॐ آية ღॐ]

المشاركة الأصلية كتبت بواسطة راية

مساء الفل على كل الموجودين وغير الموجودين مرحبتين بيك هاتو ....
يقين ماشاءالله على بنيتك ربي يحفظها بس قوليلي فروتي تدليعة شنو ؟؟
ام ناريز ماشاءالله عليها نوزة ربي يحفظها وشن معنى اسمها؟؟

مساء الانوار رآية بنرد نيابة على يقين لانها استاذنت وراجعة
فروتي >دلع فاطمة بنوتتها اسمها فاطمة ..

[ام روفيدة]

المشاركة الأصلية كتبت بواسطة عيون زوجي

السلام عليكم
كيف حالكم ومنورات ومتهنيات دوم مش يوم يارب
ايه..كيف حالك وحال ايوب واسيل وسلمك نشاده ان شاءالله ما تفقدي غالي نتلاقوا الليله ان شاءالله
ام اسيل..مبروك الف مبروك ويتربى في عزك ودلال بوه وليك شهوووووووور ما خشيتي اتخشي بكلمه ونص خلاص يوسف خدي وقتك كله
ام روفيدة......الحمدلله على سلامتك ومستاحشاتك ومخليه مكانك كبيرررر لانك زي الرقيب الديني للشات متاعنا وانحبوك وانحبوا نصايحك وكيف حال اوليدك حازم صح....وكيف حال اهلك في بوسليم وناسك في الزنتان وامتى مروحه ولا مازال
خشي مرة مرة وما تقطعيناش بكل ويارب يرزقك بالحمل السليم يارب ويهون اعليك غربتك
ام وسونه...مبروك على بنت اختك تسلم ايدياتك عالسلايط والخبزة عقبال نفاسك يارب يردوهولك فيه وكيف حال السهيرة وسن
ميمونه...كيف حالك اليوم ووين مغطسه شنو اديري خشي هدرزي عليا خيرلك
ليبيا قلبي.....ربي يعقد عسلك انتي وسلفتك ووين صور العزومه وصور ناريز ايهبلوا ماشاءالله اعليها
ام اجنادين.....ماشاءالله شادتها دروس فوتوشوب وتعليم للبنات متعودة عالتدريس وبالك واسع انا خلوقي ضيقات واستيعابي بعد التخرج صارلها انهيبيشن
رغوده....خيره القمر زعلان عادي اتعودي عالوضع وانتي خشي فضفضي وخيري جو وانتي ما علقتيش لما قتلك نعرف نجلاء ساسي وبنات اخوتها لانهم صيدلانيات زيي وقروا في الفاتح سابقا
يقين.......وينك التجمع من غيره بلا ضحه وروح كيف حال فروتي والنونو خشي يا احبيبه
ام قصي........شنو هدا قفطانك بكل بكل قصير كيف عولتي بيه بس حلو وكيوت وكيف حال فيوزه وجنى ويارب الشهر الجاي تشد معاك
سالي......كيف حالك والحمدلله عالسلامة يا غاليه وشنو دارولك التراساوند اليوم ولا لا ويارب تشوفيهم بين ايدياتك
رايه ........ماشاءالله اعليك تحكي باسهاب زيني ما تستاهليش اتقصقيص زي حالاتي انتي احسن وحدة ويارب يرزقك بالحمل السليم
اميرة التجمع........وين هالغيبه والا ما تبيش تكون وحده مننا تعرفك؟؟؟امممم؟؟ هههههههههه خشي احكيلنا شنو قالتلك الدكتورة وقصة تعارفك مع رايه
ميراس........كيف حالك وحال وليداتك وحال رجلك توا طهور ان شاءالله
هناء خالد......وينك غياب
تمورة........طمنينا اعليك والله انشغلنا
هاتو........كيف حالك وحال رتال والنونو تمام ولا بدي يتعب فيك
ام محمد..........وينك غياااااااااااابك طول
راجيه.......كيف حال بنياتك ووليدك وليك مده اعلينا ان شاءالله المانع خير
سامحوني كان نسيت حد من التعب لاني نايضه من صلاة الفجر وتعبانه

السلام عليكم ورحمة الله وبركاته اختي عيون يا احبيبة أسأل الله العظيم أن يرفع قدرك في الدنيا ومكانك في الجنة في اعلى عليين مع الصدقين والشهداء والانبياء والصالحين اللهم اااااااامين والكلام اللي قلتيه في حقي هللللللللللبة عليا يا احبيبة لأني امقصرة معاكم المفروض ما انوقفوش النصح لأن هدا معنى المحبة في الله نسأل الله الاخلاص في القول والعمل لأن العمل بدون إخلاص هباء منثورا ووليدي اسمه حازم صح وحاله الحمد لله واهلي الحمد لله كلهم بخير في بوسليم وفي الزنتان وسلمك نشادة وما تفقدي عزيز وغالي اللهم امين ااامين

[ღॐ آية ღॐ]

عيون يا غاليه وييييييييييينك تعالي بسرعة
نبيك في وصفة طبية ظرورية !!

[ام روفيدة]

ام قصي يا احبيبة سامحيني على النسوة يا غالية والله من غير قصد المهم كيف حالك وحال بناتك وزوجك يارب اتكونوا بخير وعافية اللهم امين وشن الاجواء عندكم في درنة أن شاء الله الامور هانية وبالله عليك لو كلمتي ميرنا سلميلنا عليها هللللللللللللللللللللللللللبة وقوليلها كل ما نتفكرك ندعيلك من قلبي يارب اتنوضي بالسلامة ليك وللبيبي اللهم امممممين

[راية]

شكرا اية على التوضيح نحسابه بيطلع اسم جديد اول مرة نسمع بيه

[أم أجنادين 80]

ام روفيده كيف حالك

[أم أجنادين 80]

وين خفافيش الليل عيون وأم وسن
يابنات ماعندكمش علم خيرها تمر حنه معادش دخلت

[ام روفيدة]

المشاركة الأصلية كتبت بواسطة ميمونة

ني طرابلسيه وطرابلسي يفديني بعيونه وهو ليـآ
اني طرابلسيه والشرقاوي مايرضى العيبه فيـآ
اني طرابلسيه والزنتاني يحميني ويدافع عليـآ
اني طرابلسيه والرجباني أبن عز وابن بيتيه
اني طرابلسيه والغرياني هو الشهم كان خطبني يعطوه اماليـآ
... اني طرابلسيه والمسلاتي فاهمني وماعمره وجعني بسيه
اني طرابلسيه والزاوي ينحب وهو صادق ديمه صافي النيه
اني طرابلسيه والامازيغي يتعاشر حتى من غير اللغه العربيه
اني طرابلسيه والمصراتي بعزمه وبصموده نقعد امعاه حتى بلا ميه
اني طرابلسيه والسبهاوي ابن الجنوب عنده الحب والطيبه جمليه
اني طرابلسيه والزليطني يخش الخاطر بطيبة قلبه وبالحنيه
اني طرابلسيه والترهوني نعزه من قلبي كيف ضي عنيه

(اني ليــــــــــــــبيــــــــة

اني زنتانية والامازيغي يتعاشر حتى من غير اللغه العربيه اني هادي تمشي معاي يا ميمونة


كيف حالك يا حبوبة يا فرفوشة التجمع وينك مش باينة اليوم يارب اتكوني بخير وصحة وسلامة وانسي الماضي يا احبيبة ما عاش اتفكري فيه وتكدري وتغششي نفسك وماعاش تسترجعي شريط حياتك ويجلى من عيونك النوم لأن هدا ماضي يعني خليه ورااااااااااااااااااك وحاولي تنسيه وبالله عليك حاولي تلتحقي بدورة تحفيظ قران والله تقلب حياتك للأحسن سبحان الله 180 درجة لأني حتى اني مريت بظروف قااااااسية في حياتي وما لقيت لي مخرج منها غير بكتاب الله عز وجل بعد ما التحقت بحلقات التحفيظ سبحان الله يا ميمونة اول ما تبدي تقري في الحلقات اتصيبك حالة من التعطش لحفظ كلام الله عز وجل يعني كل يوم تبدي تستني إنك تحفظي ايات جدد وتتمني إنك اتمي حفظ القران كامل في اسرع وقت ممكن وهكي تنشغلي بحاضرك وما عاد تتفكري الماضي ولا تسترجعي شريط حياتك على قولتك وكلنا في هالدنيا مرينا بظروف قااااااسية وهدا مش المهم المهم إنك إنك تتجاوزيها بجدارة وتطلعي منها إيمان بشخصية اقوى يعني كل سفرة اتعلمك الشطارة على قولتك ناسنا وسامحيني كان طولت عليك بالكلام