هااااااااااااااااااااااااااااااااي بنات كيفكم ان شاء الله بخير ....
قلت حد ركونه نايم احكيلكم كيف متى جاني الطلق....
يوم الجمعه كان اخر يوم لي بالتاسع وكان عندي موعد عند الدكتوره ورحت وقالتلي ان على حسابهم هم اني قد دخلت الاسبوع الاربعين من ثلاث ايام ولا ما ولدت من هنا لاربع ايام بيعطوني طلق صناعي بصراحه مره تنكدت وزعلت وخفت بس انا جلست اهدي نفسي واقنع نفسي اني ما بمشي على حسابهم بمشي على حساب دكتورتي اللي بالسعوديه ومع كذا كنت لسى قلقانه متضايقه اني لسى بكريه وفي غربه وما احد معي من اهلي غير زوجي واخاف يصيرلي شي يعني جلست اهوجس
المهم الساعه 10 قمت اصلح عشاء لي ولا زوجي همبرقر وبطاطس مقلي وتعشينا وانا ولا حاسه باي شي بس مضايقه ولما صارت الساعه 12 قمت انام انا وزوجي طبعا قبل ننام لازم نجلس نسولف شوي المهم لما صارت الساعه 1وربع جاني ألم من قوته كنت توي بدخل بالنوم الا واقوم واصيح وزوجي حبيبي فديته خاف علي وقام يصيح وش فيك قلتله مدري احس بألم في بطني مره قوي قالي مثل الدوره قلتله لا غير ومره قوي قال يعني طلق قلت لا ما اتوقع هم قالوا الطلق مثل اللام الدوره بس اقوى قال طيب وش ذا اللام قلت ما ادري وانا اصيح شوي اختفى عاد انا لمى اختفى قلت احسب يمكن يرجع ثاني شوي بعد خمس دقايق الا والالم نفسه يجي واقوم اصيح وابكي من قوته لدرجة اني ما اقدر اجلس وشوي واختفى ورجع بعد خمس دقايق الين عدت ساعه وهو يجي ويروح كل خمس دقايق لما جات الساعه ثنتين وربع زاد وشد لدرجة اللي بالعماره سمعو صوتي وانا اصيح وزوجي بعد عمري شوي ويبكي علي مو عارف وش فيني ولا هو قادر يسوي شي قالي اقولك قومي البسي بوديك المستشفى قلتله اخاف انه مو طلق قال عادي بس نطمن انا قمت اخذ ملين احسبه مغص امساك وانتوا بكرامه واروح الحمام ولا فاد وما عاد قدرت اتحمل وصرت طايحه بالارض من الالم مو قادره اوقف لبست ودق زوجي على التاكسي وجاء والله بسرعه ورحت المستشفى وانا اتعاصر من الالم واحس بشي من تحت بيخرج انا والله افكر معي امساك ما جاء في بالي انه طلق انا على حسب كلام الكل انه مثل الدوره بس اقوى المهم خلوني اشيل كل ملابسي وركبو جهازين على بطني وجات الدكتوره حقتي وكشفت علي من تحت وقالتلي الرحم مفتوح سته سانتي لازم ننزلها في غرفه الولاده الين يفتح عشر الحي ن ما بنسوي شي وصارت الساعه اربعه وانا لسى اتألم وادعي واصيح وزوجي جنبي يقرأ على وماسك بيدي حليله كم عضيته ههههههههههههههههههههههههههه جات خمسه وكشفت و قالت باقي نص سانتي ويفتح عشره بس الحين بفتح كيس المويه ولما فتحت الكيس عاد هنا انا خلاص قلت بموت وزوجي يقول اذكري الله والله يابنات اني رحمته كان مره خايف وده يبكي فديته بعد 10 دقايق قالتلي يلا كل ما تجي طلقه ادفعي خذي نفس طويل وادفعي لمده عشر ثواني اخذت تقريبا اربع طلقات وخرج راس حبيبي ركونه بس والله عذاب حتى خرجت الراس بس كنت اقول في نفسي تحملي وادفعي ثواني وولدك يكون بيدك اصبر نفسي يعني وفعلا خرج وراح الالم مرررررررره تقولو ما كنت اطلق سبحان الله وشرف ركونه الدنيا ونورها فديته حبيب امه...
ادري خووووووووووووفتكم بس ودي احكيلكم والله يارب تسهل على كل الحوامل ويولدون بالسلامه هم ونوناتهم ....
01-20-2011, 03:01 AM
رد: تجمع حوامل شهر صفر 1432ه
كآبتشينو 
.gif)
جديد منتدى إستفسارات مرحلة الولادة
العرض العادي
