دردشة حوامل مصر - دردشة بنات مصر - تجمع حوامل مصر

MALAK2010 · 01-12-2011, 10:28 AM

رنا:وعدتى ووفيتى هههههههههههه
اهلا يا جميل

somia · 01-12-2011, 10:29 AM

عارفة يا ملك المشكلة انه لوحد مثلا عندك هتقومي ازاي وتسيبيه قاعد لوحده على ما ترضعي النونو .. انا بقول الخمار هيغطي بس المشكله ان في نون بيرفسوا لغاية اما يشيلوا الحاجة اللي متغطيين بيها ساعتها الواحد يعمل ايه .. البيبرونة انا ناوية استخدمها مع الشفاط وانا بره لكن مش هعرف وحد عندي

somia · 01-12-2011, 10:30 AM

والله يا بنتي وانتي كمان وحشتينا .. طمنينا الكتكوتة بتاعتنا عاملة ايه الوقتي؟؟

MALAK2010 · 01-12-2011, 10:31 AM

سبيها لله ربنا يسهل نعدى بس الشهور دى ويوم الولادة بالذات وبعدين نشوف حكاية البامبرز بتاعى ههههههههه والرضاعه بتاعتك

رنا خالد · 01-12-2011, 10:34 AM

هههههههههههه وربنا انتي تحفه ياملك جوزك يغير له حته واحده مش واسعه شويه دي ضايقيها حبتين يابنتي هو في رجاله بتستحمل الزن عشان تغير ده انتي متفائله اوووووووووي
سمسمه بالنسبه للهدوم انتي ممكن تجبيها من التوحيد والنور اللي في حلوان اكيد عارفه مكانه
وممكن تلاقي في العصر الحديث مش عارفه
وبما انك هاتولدي في الصيف فكتري في السلوبتات القطن وماتجبيش فلنات بكم جيبي نص وحماله بس حوالي 6 من دول و6 من دول
هاتلبسي في اول شهر فلنه حماله وفوقيها واحده بنص وفوقيها سلوبت قطن بكم
وبعد الاربعين هاتلبسي فنله واحده بس وسلوبتات بنص لأن الجو بيكون حر جدااااااااا في الصيف وطبعا مش هاتلبسي بناطيل هما اندرات فوق البامبرز كتري منها يعني جيبي حوالي 12 اندر عشان ساعات البامبرز بيسرب وبيبهدل الدنيا
وكتري اوي في البافتات يعني جيبي برضه في حدود 12 بس اهم حاجه يكونوا ظهره سفنج خفيف مش مشمع لحسن البفته المشمع بتبقي واقفه كده ومنشيه وبضايق النونه جبيها خفيفه اوي وماتجبيهاش ساده عشان متتبهدلش وشكلها يبقي مش نظيفه بسرعه

somia · 01-12-2011, 10:34 AM

هههههههههههههه على رأيك نخلص من تعب الحمل الاول وبعدين ربنا يسهلهالنا
رناااااااااااااااااااااااااااااااااااااااااااااا انتي فييييييييييييييييييين

رنا خالد · 01-12-2011, 10:38 AM

يابنات ايه رأيكم في التتينه اصل انا ماكنتش جايباها وكنت رافضه اديها لبنتي
بس حماتي جبتها وحاولت تقنعني انها تريحني وبصراحه ريحتني شويه من زنها
اكمل بيها ولا ايه؟

MALAK2010 · 01-12-2011, 10:39 AM

هو احنا بنشترى اندرات
انا كنت بشوفها فى المحلات بس كنت بفتكر ان البيبى بيلبس البامبرز بس

رنا خالد · 01-12-2011, 10:40 AM

انا هنااااااااااااا ياسميه ياقمرايه
ملك انتي عندك كام سنه صحيح مش قادره اسألك اسمك ايه اصل عارفه انك مش عايزه تقولي اسمك تصوروا يابنات اني بقعد اتخيل شكلكم عن طريق كلامكم واقول ياتري اساميكم ايه هههههههه مجنونه صح

MALAK2010 · 01-12-2011, 10:40 AM

هو الحفاظة بيسرب لية انتى جايبة ماركة اية
انا اعرف ماركة بامبرز مش بتسرب