تجمع حوامل ليبيا

[المتفاااائلــــه]

المشاركة الأصلية كتبت بواسطة عيون زوجي

اميرة التجمع.......عقبال عندك يارب يرزقك بتوم فهو الحي الرزاق ادعي يا اوخيتي وما توقفيش
رح نحكيلك قصة حقيقيه ورح احلف باش تصدقي صاحبتها بنت عم بوي والله على ما اقول شهيد
اتزوجت ولد عمها وما حملتش بعد سنه حملت وجابت بنت حاشاك متشوهه ثقب في القلب وقصور كلى ومشاكل ليها اول بلا اخر قعدت بيها في الطبي شهور بعدين ماتت
سافرت لتونس ومشت لعيادة في مصراته الكل اكدولها بعد التحاليل انها وزوجها عندهم جين او شي مش عارفه شنو يسبب تشوه وموت الاجنه اما في حالة طلاقهم وزواجهم بناس تاني عادي
راجلها وهي ما صدقوش وقالوا كدب وحملت وجابت بنت الحمدلله الذي عافاني بما ابتلاها به حتى اطرافها ناقصة وشكلها مسخ قعدت شهور وماتت
خلاص تعبوا من الطب وسريبه وتوجهوا للطبيب الشافي ربي العالمين
قالت انهم داوموا على صلاة الفجر جماعه وقيام الليل والدعاء في الثلت الاخير من الليل والاستغفار ليل نهار
ما تمت سنه حاليا عندها زوز صغار زي الورد طبيعين كاملين وحلويين العقبال عندك

يااارب اللهم اعنا على ذكرك وشكرك وحسن عبادتك يااارب العالمين ..... ربي يعيننا على عبادته ياااارب .... وربي يعاملنا برحمته ولطفه وغفرانه ويرزقنا من اوسع ابوابه ...





يابنات قولولي كلكم النت اليوم عندكم يلبز والا آني بس من امبكري يفصل ويقعد فترة فااااااااااصل وبعدين يرجع شوية ويفصل ....

[المتفاااائلــــه]

المشاركة الأصلية كتبت بواسطة hatoo

ensha allah rabee yarzqeek 3n kareeb ya motafa2ela

إن شااء الله يااارب " هاتو " ربي يستجيب .... شنو شكلك عندك مشكلة في الكيبورد امتاعك ..

[المتفاااائلــــه]

المشاركة الأصلية كتبت بواسطة عيون زوجي

بنسلكم امي دارت شغاله مصريه تجيها يومين في الاسبوع من الساعه 2 الظهر للمغرب فقط بس كل شي اديره حتى الموكيت والسجاد تغسله
ولما سئلتها قداش تاخدي فالتلها اعطيني شهريا وانتي وضميرك
منو تعرف قداش تاخد الشغاله في الشهر وهي تخدم يومين في الاسبوع بس

تعرفي الشغالات يفرقوا ... قبل المغربيات كانوا ياخدوا حتى 25 خااصة اللي تجيك ديما وتعرفك ... وتوا تلقيهم الأغلبية ياخدوا بين 30 بين 35 .... واللي تبدا جاياتك اول مرة وبتتشرط عليك مرات تطلب حتى 50 المرو الأولى لكن عمري ماجبتها شغالة ال50 ولو آخر شغالة في الدنيا تجيني قريب ال10 والعصر تقولي عندي صالة وتقبض 50 ...

بالنسبة لماما تجيها مغربية يومين في الأسبوع لكن ماتقعدش للمغرب بعد العصر شوية والا مع العصر تروح تاخد 30 وكان خدمة هلبة 35

[عيون زوجي]

متفائلة النت كويس عندي......شنو مشكلتك
وشنو ردك عالمسابقه

[عيون زوجي]

مشكورة عالرد يا احبيبه ما تخافيش انا لما تكون عندي بيهم لزوم نتفق معاهم بشكل وبعدين يتشرطوا وبقواوا ماتوقعناش هكي ويضحكوا عليا والله مرة في يوم خدت 80 دينار

[ميمونة]

صباح الخيرات عليكم من ساهر معاي

[ميمونة]

والله ياعيون الشغالات حكايتهم حكايه جبت 2 مغاربه في اللمه المشكله يغسلو في الماعين بس المرش وخدوه 80 دنيار وقبل متفقين علي 40 شوفي بكل بدوا يتشرطوا -وفي مغربيه تجي كل اسبوع يومين تاخد في 35 يعني في الاسبوع 70

[راية]

فدييييييييييييييت من النت من بكري نكتب ويفصل ونكتب ويفصل عارفة توا هالرد هذا حيوصل لكن الردود الكويسة اللي كتبتها قبل موصلتش

[ميمونة]

هههههههه رايه عادي شورنا انا وياك بس السهرانين

[راية]

ميمووووووو مرحبتين عسولة اني شوية وخلاص نطلع كان خاطري نفتح من بكري بس النت حالة وخلاص ... ان شاءالله امورك تمام

متفااااائلة مفيش داعي للحشم عادي هو اصلا الموقف مفاجئ وبالاخص قصة التحليل زي ما قلتي لخبطاتك فعادي حبوبة اني مقلتش خيرها ولا شي ...

بكري كتبت رد طويل ورديت على كل وحدة تقريبا بس توا خلاص دماغي معدش يجمع وقريب نرقد ..يلا تصبحو على خير جميعا ونشوفكم في احسن حال غدوة بإذن الله