تجمع حوامل ليبيا

[المتفاااائلــــه]

المشاركة الأصلية كتبت بواسطة عيون زوجي

اميرة التجمع....شن هي المناسبه يلي مشيتيلها امس؟؟؟؟؟؟

آمس مشيت لكنة خالة راجلي ... جايبة بنية بكرتها ومدايرة لمة في الحوش ... ومتزوجين مع بعضنا بيناتنا يوم بس ... والحمد لله ... فرحتلها وفي نفس الوقت تخيلت نفسي في مكانها ودعيت قلت يااارب كمل عليها فرحتها وفرحني زي مافرحتها ... وطبعا عاد تسمعي شنو مازال مافيش حويجة .. شنو ماتبيش اديري زيها .... وووووووووووووووو ... فديدوني في عيشتي ...

[المتفاااائلــــه]

المشاركة الأصلية كتبت بواسطة ام قصى محمد

متفائله انشاء الله الشهر هذا نحملو مع بعض
هاتو وينك مغطسه شن اخبار رتولى والبيبى
عيون انا نحاول نخش يوم بيوم بس انتى فهمينى فكرتك هى لعبه او شنو

آآآآآآآآآمين يااارب

[عيون زوجي]

المشاركة الأصلية كتبت بواسطة ام قصى محمد

تعرفو انا نستاذن انطل على بناتى ونرجع فى الليل متاخر لو قدرت

لازم اتخشي باش نعرفوا رايي بقية البنااااااااااااات

[hatoo]

7`alas Ana m3akm ya 3yoon ,we ya saly rat I MN tawa she no bederi ya 3asha she no we al 7eloo she no we kalfi 7ad Bel mohema we enti a7`tari galabeia 7elwa we baseta we les El 3yal bar do we ensha Allah RAbee yasahlek ensha allah

[عيون زوجي]

تم بأذن الله فتح باب التسجيل في مسابقة احلى والذ سفرة وحاليا المتسابقات
- هاتووو
- ام قصي
- عيووووووون

الشروط للتسجيل انك اتحطي في بالك انه سيتم تحديد مدة شهر لكي سيدتي انك تفكري او تلقطي مكونات الاكله يلي خاطرك اديرها ولكي الحريه اتنزلي صورتها من اول يوم في المسابقه او اخر يوم في الشهر
والسفرة تتكون من طبق حاااااار ونوع سلاطة وطبق حلووووووووووو
وتكون فيهم فكرة ولو حتى في التقديم بس
وبعد اغلاق باب المشاركات يلي رح يكون بعد شهر يتم تنزيل كل الصور في ملف خاص وارقام محددة ويتم التصويت والفائزة تاخد شعار ووسام شيف سيدات ليبيا تحطه في توقيعها بعد ما تفتلكه ام اجنادي ( من غير شيرة ههه)
هيا منو تشارك
اميرة التجمع شنو رايك؟؟؟؟؟؟؟؟

[عيون زوجي]

اميرة التجمع.......عقبال عندك يارب يرزقك بتوم فهو الحي الرزاق ادعي يا اوخيتي وما توقفيش
رح نحكيلك قصة حقيقيه ورح احلف باش تصدقي صاحبتها بنت عم بوي والله على ما اقول شهيد
اتزوجت ولد عمها وما حملتش بعد سنه حملت وجابت بنت حاشاك متشوهه ثقب في القلب وقصور كلى ومشاكل ليها اول بلا اخر قعدت بيها في الطبي شهور بعدين ماتت
سافرت لتونس ومشت لعيادة في مصراته الكل اكدولها بعد التحاليل انها وزوجها عندهم جين او شي مش عارفه شنو يسبب تشوه وموت الاجنه اما في حالة طلاقهم وزواجهم بناس تاني عادي
راجلها وهي ما صدقوش وقالوا كدب وحملت وجابت بنت الحمدلله الذي عافاني بما ابتلاها به حتى اطرافها ناقصة وشكلها مسخ قعدت شهور وماتت
خلاص تعبوا من الطب وسريبه وتوجهوا للطبيب الشافي ربي العالمين
قالت انهم داوموا على صلاة الفجر جماعه وقيام الليل والدعاء في الثلت الاخير من الليل والاستغفار ليل نهار
ما تمت سنه حاليا عندها زوز صغار زي الورد طبيعين كاملين وحلويين العقبال عندك

[عيون زوجي]

نسأذنكم نغسل اماعيني ونرجعلكم..........سارة رقدت مش عارفه امتى بتنوض وترقد تاني ليلتي طويلة

[hatoo]

Ensha Allah rabee yarzqeek 3n kareeb ya motafa2ela

[عيون زوجي]

منوووووووووووووو فيه؟؟؟؟؟؟؟؟؟؟؟؟؟

[عيون زوجي]

بنسلكم امي دارت شغاله مصريه تجيها يومين في الاسبوع من الساعه 2 الظهر للمغرب فقط بس كل شي اديره حتى الموكيت والسجاد تغسله
ولما سئلتها قداش تاخدي فالتلها اعطيني شهريا وانتي وضميرك
منو تعرف قداش تاخد الشغاله في الشهر وهي تخدم يومين في الاسبوع بس