تجمع لحوامل شهر جمادى الأولى 1433

[سما الدنيا]

كيفكم كروشات اشتقت والله كيف هالحمل معاكم ...الحمد لله حاسة الشهر السابع بسرعه مر عليه ضايلي اسبوع وافوت الثامن يا رب يتمملنا عخير ويسهل ولادتنا يا رب

[((ام ليان))]

صادقة دوبي صحيت من النوم سويت سلطة اكلتها والحين خلاص ما اقدر افتح عيوني
ان شاء الله كلها اربع ايام وادخل الثامن

[أم رزاان]

مساء الخير يالغوالي

كيفكم كروشات .. وكيف المفاعيص والكروشات :)

وسلامتكم الف سلامة عليكم ياااارب .. آجر وعافية إن شاء الله

الحمد لله هانت يابنات مابقي شيء .. والمدة الباقية بتعدي بلمح البصر :)

سرووءة الله يعطيك خيرها يالغالية ويكفيك شرها
وكويس إنك جبتي وحدة تساعدك لآن خلاااص الوحدة
يادوووب بتتحرك .. والله أنا عندي الم بالحوض واحس به
اكثر وقت ما اكون نايمة واتقلب احس عظامي بتتفكك !!

[Om KHaled]

http://forum.hwaml.com/t91015.html#post1843267

كروووشـــات تعاآآآلو شاركوااا معانا

[أم رزاان]

أنا مسجلة معك يالغالية
وإن شاء الله اليوم او بكرة برسل لك مشاركتي :)

[يمكـ دروبي]

مساء الخير

[أم رزاان]

مساك سعادة يالغالية

وين الكروشات اليوم ؟!

كل هذا بسبب البرد :)

[متغربه]

يمك دروبي.. أم رزان..
كيفكم يالغاليات.. أنا والله متجمده من البرد، الدرجه عندنا تحت الصفر وأنا وعيالي كلنا مساخين.. لي الحين حوالي عشر أيام والتنفس عندي صعب والنوم قلق.. طبعا أنا رافضه آخذ أي علاج لأني بصراحه أخاف من العلاجات وقت الحمل.. مو مشكله أتحمل شوي وأن شاء الله تخف السخونه شوي..

[متغربه]

أم رزان.. بشريني وش أخبارك أنتي وهالشغاله.. وش سويتي؟؟

وين باقي البطات اليوم وأمس ما فيه أحد، عسى المانع خير أن شاء الله..

[أم رزاان]

هلا قلبي متغربة

الله يشفيك ياااارب ويعافيك أنت واولادك
يالغالية ترى لو معك حرارة مو حلوة عالجنين
روحي للدكتور وهو ادرى بالشيء اللي يناسبك
والحمد لله الخوف من العلاجات كان في الشهور الأولى
الآن إن شاء الله ماتضر بشيء .. بس اهم شيء الحرارة لا تسكتي عنها !!!

وبالنسبة للشغالة
طلعتها من الغرفة وفضيت غرفتها وخليتها للغسيل والكوي بس
وطلبت منها تطلع تنام في الصالون فوق
اعطيتها فرشة بدون سرير
وقلتلها تنامي في الصالون وفي الصباح تلفي فرشتك وتحطيها في المستودع
وقفلت كل الأبواب ودخلت نشارة الغسيل في غرفتها القديمة
وما اعطيتها وجة بالكلام .. اكلمها برسمية
واليوم جاتني وأنا كنت متسطحة عالكنب في الصالة تحت
وفجأة صارت تبوس في يديني وارجووولي
وتقول ماما سامحيني خلاص والله ما اعودها أنا آسفة وتبكي
أنا في شيطان في عقلي بس دحين خلاص والله آخر مرة !!

قلتلها طيب روحي شوفي شغلك يصير خير إن شاء الله !
واليوم تشتغل مثل الساعة

بس وربي خلاص احس طابت نفسي منها !!
بس ايش اسوي لازم اغمض عيوني هالفترة حتى اقدم على وحدة جديدة
ومجرد ماتقرب تجي الجديدة حسفرها على طول !