تجمع حوامل ليبيا

[saly.me.91]

بنات بالله عليكم ركزو معاي شن رايكم بعد مانجيب انشالله ف سبوعي ندير بدلة صغيرة ولا صدرة مفتوحة شن رايكم اما احلى وشن اللون الدارج او الاحلى مع العلم ان صدرتي الاولى وردية فالتركواز

[ام قصى محمد]

شوفى حبيبتى والله ما نذكر الفتره بس شهور ممكن 6 او 7 يعنى مش واجد
بس اظن هذا يعتمد على حاله الراجل ومدى التزامه بالوصفه
بس من جد يشرب فى عصير الفجل مسكين الله يشفيه ويرزقكم

[ام قصى محمد]

سالى سامحينى بس مافهمتش شن تقصدى
وما جاوبتينيش انتى فى الشهر الكم

[ام قصى محمد]

امس مشيت لمحل مواعين جايب حاجات تهبل زى المعدات الى تستعمل فيهم منا وفى قناه فتافيت اتخوخمت عليهم بس للاسف كنت ما شيه مع امى ومش دايره حسابى نشرى بس قلت لى رجعه لما نمشى نشرى توا انصورلكم حوايجى

[saly.me.91]

ماتضحكيش عليا انا فالشهر الثالث ونسأل على لبستي في السبوع بتاعي يختي

[المتفاااائلــــه]

المشاركة الأصلية كتبت بواسطة راية

ماشاءالله عليها متفائلة بجديات عنده حق راجلها يحزر عليها لو كنت اني راجلها راهو لبستها خمار تبارك الرحمن عليها جميــــــــــــــــــــــــــــــــلة وأمووووووورة ......
المهم اني ماشية وعندي علم انها جاية اليوم ...اني في الاول قريب ساعة واقفة على رجليا مش لاقية مكان والحق في مكانات يفضو مرات لكن قلت الاولى للحوامل تلقيها بطنها قدامها حرام تقعد واقفة المهم لين تعبت ولقيت مكان فاضي في التركينة مشيت قعمزت و كانو مجموعة يهدرزو ومتفائلة كانت بحدا اللي مقابلتني وقعدت تهدرز زبطتها اني على طول بالاخص لما قالت قارية تقنية طبية قلت هي هذي اكيد ونبي نكلمها وتحشمت في الاول لكن بعدين كلمتها جيتها قلتلها اني راية هي دارت هكي و قلتلهازبطك من بكري وقعدنا نضحكو وهي هذي القصة بالتفصيل مش عارفة خيرني عالتفصيل

صحيتي يا راية وانتي عويناتك الحلوات على خاطر هكي شفتيني حلوة وحتى انتي ماشاء الله عليك روحك مرحك وشكلك جوك حلو .... والله آني اللي صارلي اني مشيت وماكانش في زحمة هلبة فقعمزت علي كراسي يجوا في التركينة ومش مقابلة الباب يعني مش قدام اللي يخش ويللي يطلع وقعمزت حدا نساوين هدرازات فشديتها هدرزة ولقني وخلاص ... وشكلي كان صوتي عالي لدرجة ان راية سمعتني وآني نهدرز وعرفتني ... ولكن ماكلمتنيش ... وبعدين ضبحوا عليا وخشيت للدكتورة وطبعا الدكتورة اول ماحكيتلها على الدورة اللي تأخرت وبعدين كيف جتني وجتني شويييية ويوم اللي مشيت كانت شبه وقفت قالتلي يمكن يكون حمل ودارتلي الجهاز ... لكن لا حمل ولا حاجة ... وبعدين قالتلي ديري تحليل حمل ... ومشت ودرت تحليل حمل بعد مادرت التحليل ونستنا في النتيجة ونستنا في راجل بش يجي ونخلص التحليل ونرفع الواصل للمعمل بش يعطوني التحليل آني مقعمزة وتجيني وحدة اتبص عليا وتقولي " كيف حالك وبعدين نقصت صوتها وقالتلي آني راية .... طبعا جتني مفاجأة وفرحت بيها في نفس الوقت وقلتلها اهلا وسهلا وكيف حالك .... وفي نفس الوقت كان عقلي مشغول بالتحليل اللي املتني فيه الدكتورة ومش الدكتورة بس حتى اللي كانوا مقعمزين في جنبي حكيتلهم ووحدة كبيرة شوية قالتلي هادي يسموها " التوراية " وحتى بنت حماتي هكي صارلها وطلعت حامل ... ففي اللحظة اللي جتني فيها رااية كان عقلي مشغووووووووووووووووووووووول هللللللللللللللللللللبة ونخمم ... فالحق آني متحشمة معاها هلبة ومانحسش في روحي عطيت للموقف حقه ... يادوبي قلتلها زعما مافيش كرسيين فاضيين نقعمزوا حدا بعضنا ....وقايلتني من النت ان امها بتجي معاها ولا سألتها على امها ولا نضت ولا سلمت عليها ولا شيء ... والله متحششششششششششششششششششششششششششششمة لكن عقلي ماكانش فيا .. المهم بعدين شويا وضبحوا علي راية وآني قعدت مقعمزة ... وبعدين شوية وجي راجلي وخلصت التحليل ومشيت للمعمل ... والحمد لله يااااارب ان النتيجة نيجيتف ومافيش حمل .... هادي الدورة هكي وخلاص هااااااااااااااااااااااااابلة حاااشاااكم ووليت للدكتورة بش نوريها التحليل لقيتها مشت لحالة مستعجلة خشيت وسألت عليها راية لأنها كانت من الحالات اللي في الحجرة كيف ركبت الدكتورة وقالتلي انها شوية وبتنزل طلعت قعمزت مع راجلي في السيارة شوية وبعدين خشيت للدكتورة لأن عندي تحليل وقالتلي ما فيش حمل " في خاطري عارفاته وشفته " قالتلي هكي توا اول ماتجيك الدورة الشهر الجاي تعااااليلي على طول بش نبدوا العلاج .... قلتلها ان شااء الله وقالتلي هادي اللي جاتك شوية تعتبر دورة .... " في خاطري عارفتها " الله غالب ... وطبعا كنت موريتها تحاليلي اللي مدايرتهم وقالتلي التحاليل ممتازات ... مش عارفة امالا شني هم الدورة هادي .. التحاليل كويسات والمبايض كويسات والرحم كويس والدورة تجيني شوية مانعرفش علااااش .... يااارب ارحمني برحمتك ياارب وفرج عليا هوا هذا وروحت طبعا والسيارة كلها وآني نقلب في الموقف كيف صار مع راية ومش راضية على اللقاء كيف كان .... من الهم اللي كنت نفكر فيه والله جاني شوية امل الله غالب ....


ههههه .. ان شااء الله استمتعتوا بقصة ماقبل النوم ... هه

[المتفاااائلــــه]

المشاركة الأصلية كتبت بواسطة ام وسونة

نتلالالالالالالالالالالالالاقو

متفائلة لوخشيتي احكيلنا عالقصة كيف تلاقيتي

انتي وراية والله لازم نسمع منكم الزوز ههههههههه

حكيييييييييييييييييييييييييتها ......

[المتفاااائلــــه]

المشاركة الأصلية كتبت بواسطة ام روفيدة

[size="7"]
السلام عليكم ورحمة الله وبركاته
كيف حالكم كلكم إن شاء الله اتكونوا في خير ونعمة
[ يقين الف مبروك الحمل وربي يعينك على المسؤولية وربي يرزقك بوليد ايونس اخته ويكون سند ليها في هالدنيا اللهم امين
ميمونة الف الحمد لله على سلامة امك وبوك وحج مبرور ودنب مغفور وسعي مشكور اللهم امين ويارب تعولي على عرسك عن قريب ويفرحوا بيك امك وبوك كيف ما فرحتي برجعتهم
متفائلة ربي يفتح لك ويرزقك بالحمل السليم المعافى اللهم امين وحتى اني صار لي نفس اللقطة اللي صارت لك هدا الشهر حتى اني تاخرت عن موعدها 5 ايام ضنيت إني حامل لكن اليوم جت وربي يعوضنا الشهر الجاي اني وإنتي وكل متمنية اللهم امين
راية ربي يرزقك بالحمل السليم المعافى اللهم امين
هناء ربي يسهل عليك وتجيبي وتنوضي بالسلامة اللهم امين
عيون كيف حالك وكيف حال محمد وسارة إن شاء الله تكونوا بخير ونعمة
م اسيل الف الحمد لله على سلامتك وسلامة البيبي وبارك الله لك في الموهوب لك وشكرت الواهب وبلغ أشده ورزقت بره اللهم امين
ليبيا قلبي كيف حالك وحال ناريز وربي يسهل لبوك امره في العمل ويحفظهولكم من كل شر اللهم امين
ا م وسونةكيف حالك وكيف حال وسن يارب اتكونوا بخير ونعمة وربي يرزقك بالحمل السليم المعافى في القريب العاجل اللهم ااااامين
البنات الجدد نورتوا التجمع ويارب اتفيدوا وتستفيدوا وتعينوا بعض على طاعة الله
ميراس كيف حالك وحال عويلتك وشن صار في قرصة الدبانة إن شاء الله توا احسن .

آآآآآآآآآآآآآآآمين ياا أم رفيدة ربي يستجيب ياااارب لدعاك .... وتشرفت بمعرفتك ..

[المتفاااائلــــه]

المشاركة الأصلية كتبت بواسطة ام وسونة

وخيه ام روفيدة تسلمي يارب ويحفضلك وليد ويرزقك بالحمل

وخيه ايوتة كيف حالك وحال صغيويرتك

وخيه ميمونة حلو الفستان بس مازال في احلى واني عندي

هلباااااااااااااا تفصيلات حتعجبك صدق

وخيه ام ناريز ضروري تنزليلنا الطريقة بليز

وخيه يقين ووخيه عيون وينكم غياب ميراااااس اين انتي

وخيه تمورة والله مشغولين عليك حاولت نتصل بيك بس

ماباش يشدلي الخط ربي يجعل المانع خير

وخيه متفائلة حتى انتي سجلناك غيااااااااااااااااب وين هربتي

بالقصة وخشي قوليلنا شن صار مع الدكتورة

وخيه هاتو كيف حالك وحال عويلتك والنونو

ونبي نسال على وخيتنا ام سعد من عنده عليها معلومة

وخيه سالي ربي يرجعك لبيتك وانتي في احسن حال

وتشوفي صغارك وتفرحي بيهم بين ايديك يااااارب

وخيه ام اجنادين كيف حالك وبصدق اني نحب الصور زي ماهما

بدات متع العرس مانضيفش عليهم شئ الا ادا كان زدتهم كويلتي

لالا بالله عليك ماتخصمي مني .... والله عندي ظرف ههههههه

[المتفاااائلــــه]

المشاركة الأصلية كتبت بواسطة عيون زوجي

السلام عليكم
كيف حالكم ومنورات ومتهنيات دوم مش يوم يارب
ايه..كيف حالك وحال ايوب واسيل وسلمك نشاده ان شاءالله ما تفقدي غالي نتلاقوا الليله ان شاءالله
ام اسيل..مبروك الف مبروك ويتربى في عزك ودلال بوه وليك شهوووووووور ما خشيتي اتخشي بكلمه ونص خلاص يوسف خدي وقتك كله
ام روفيدة......الحمدلله على سلامتك ومستاحشاتك ومخليه مكانك كبيرررر لانك زي الرقيب الديني للشات متاعنا وانحبوك وانحبوا نصايحك وكيف حال اوليدك حازم صح....وكيف حال اهلك في بوسليم وناسك في الزنتان وامتى مروحه ولا مازال
خشي مرة مرة وما تقطعيناش بكل ويارب يرزقك بالحمل السليم يارب ويهون اعليك غربتك
ام وسونه...مبروك على بنت اختك تسلم ايدياتك عالسلايط والخبزة عقبال نفاسك يارب يردوهولك فيه وكيف حال السهيرة وسن
ميمونه...كيف حالك اليوم ووين مغطسه شنو اديري خشي هدرزي عليا خيرلك
ليبيا قلبي.....ربي يعقد عسلك انتي وسلفتك ووين صور العزومه وصور ناريز ايهبلوا ماشاءالله اعليها
ام اجنادين.....ماشاءالله شادتها دروس فوتوشوب وتعليم للبنات متعودة عالتدريس وبالك واسع انا خلوقي ضيقات واستيعابي بعد التخرج صارلها انهيبيشن
رغوده....خيره القمر زعلان عادي اتعودي عالوضع وانتي خشي فضفضي وخيري جو وانتي ما علقتيش لما قتلك نعرف نجلاء ساسي وبنات اخوتها لانهم صيدلانيات زيي وقروا في الفاتح سابقا
يقين.......وينك التجمع من غيره بلا ضحه وروح كيف حال فروتي والنونو خشي يا احبيبه
ام قصي........شنو هدا قفطانك بكل بكل قصير كيف عولتي بيه بس حلو وكيوت وكيف حال فيوزه وجنى ويارب الشهر الجاي تشد معاك
سالي......كيف حالك والحمدلله عالسلامة يا غاليه وشنو دارولك التراساوند اليوم ولا لا ويارب تشوفيهم بين ايدياتك
رايه ........ماشاءالله اعليك تحكي باسهاب زيني ما تستاهليش اتقصقيص زي حالاتي انتي احسن وحدة ويارب يرزقك بالحمل السليم
اميرة التجمع........وين هالغيبه والا ما تبيش تكون وحده مننا تعرفك؟؟؟امممم؟؟ هههههههههه خشي احكيلنا شنو قالتلك الدكتورة وقصة تعارفك مع رايه
ميراس........كيف حالك وحال وليداتك وحال رجلك توا طهور ان شاءالله
هناء خالد......وينك غياب
تمورة........طمنينا اعليك والله انشغلنا
هاتو........كيف حالك وحال رتال والنونو تمام ولا بدي يتعب فيك
ام محمد..........وينك غياااااااااااابك طول
راجيه.......كيف حال بنياتك ووليدك وليك مده اعلينا ان شاءالله المانع خير
سامحوني كان نسيت حد من التعب لاني نايضه من صلاة الفجر وتعبانه

ماااااااااااااااااااشاااء الله عليك يا " عيون " ماتنسي حد الله واحد عليك .... لكن شني الإتهامات الخطيرة هااااااااااادي آني خشيت يااااستي وحكييييييييييييييتلكم ... على طول هكي ...... هههههههههههه