تجمع لحوامل شهر جمادى الأولى 1433

[فوفو سكر]

شخباركم بطوطات
منو عندها سكر حمل ؟

[متغربه]

ريم 11.. مثل ما قالت لك أم رزان خليك على مزاج زوجك.. بس أحس الحمل يبيله فستان ناعم عريان من فوق وطوووويل.. يغطي البطن ويبرز المفاتن، أحس البنطلون ما ينفع مع الحمل.. لكن انتي شوفي ايش يبي وسويه، والله يخليكم لبعض..
بالنسبه للترمس أنا ما قد سمعت عنه ولا قد جربته.. ويمكن بعد النفاس أجربه مع اني مو الحريم اللي يداومون على استخدام شي باستمرار.. يا ختي غير الشعر أحس أنه لازم الوحده تمشي على جسمها بالحلاوه كل اسبوعين لأن مع استخدام الحلاوه يتنظف الجسم مو من الشعر بس من الجلد الميت حتى ويعطي حمره حلوه للجسم.. جربوه يالغاليات وعلمونا بالنتيجه..

[متغربه]

نبض المشاعر.. هلا بك والله والله يقومك بالسلامه ويناولك ما تبين يارب..
فوفو سكر.. أنا والله إلى الآن الدكتور ما سوى لي تحليل السكر وراح اسويه بعد اسبوعين بأذن الله..

[أم رزاان]

مساء الخير كروشات
الله يسعدكم يااارب ويهونا عليكم ويكتب لنا جميعاً
الساعة الميسرة .. اللهم آاااااامين

فوفو ياقلبي أنا عندي نسبة سكر حمل
بس الحمد لله خفيف مرة
وما اعطتني الدكتورة اي علاج فقط تقول على الحمية
وحمية خفيفة فقط

[أم رزاان]

بنات والله أني في حالة مايعلم فيها إلا الله
من فترة وأنا ملاحظة على شغالتي بعض التصرفات اللي ماكنت الاحظها عليها !!
وقلت لزوجي قال أنتي حساسة بس
ولا تسيء الظن فيها ولا تدققي عليها كثير !
اليوم لما دخلت تاخذ شور دخلت غرفتها ووجدت في دولابها جوال !!!
بصراحة لما فتحتة صعقت مكالمات ورسائل وصور وبلاوي !!

المشكلة انها حرمة كبيرة مو صغيرة عمرها فوق 45 سنة !
اخذت الجوال ووريتة زوجي انهبل معقولة هي تسوي كذا ؟!!!

هي صار لها عندي 4 سنوات ماشفت والله منها اي تصرف غير لائق
ونشيطة وآمينة لأبعد الحدود وخدووووومة مرة !
من بعد رمضان حسيت انها تغيرت
بس ارجع واقول لا اكيد أنا صرت بدقق معها

المهم يابنات بعد شوي وقبل ماتطلع من دورة المياة اتصل علي السايق
احنا عندنا سائق خاص وله غرفة في نهاية الحوش وبابها للخارج
وهو رجل متوسط العمر ورجل ملتزم مرررة وكل يوم عندة محاضرة
ورجل دين وفية خير كثير
المهم هو اتصل علي وقال ماما ابغى اقول لك شيء
بس أنا مرة خووووف ,, وابغى اقول لبابا أنا خوف كثير من بابا !!!
قلت ايش فية تكلم ؟!
قال الشغالة اتصلت علي وتقول هذا جوالي
وإذا تبغى اي شيء قول لي .. أنا اجي عندك لو نصف ساعة
إذا ماما وبابا فية نوم !!!!
وأنا ماما فية خوف من الله وخايف لو ماوجدت مني تجاوب
تكلم احد ثاني !!!!

وربي انصدمت .. اطالع فيها واقول مستحيل هذي شغالتي اللي اعرفها !!!
وللعلم هي من فترة كل مرة اكتشف انها تكلم شغالة جيرانا
وهذه الشغالة لرجل شيبة ماعندة احد
واخذة راحتها عالأاااااااااخر !!!
ومعروفه بالحارة واكثر من مرة الجيران يكلمو هالشيبة بس
لاحياة لمن تناااادي ماكانه يشوف شيء !!!

الحين يابنات وربي ابغى اتخلص منها باي طريقة ماعدة استحمل وجودها
زوجة اخوي تقول يابنت الحلال اصبري حتى تولدي
وبعدين سفريها
بس وربي مو قاااااادرة .. مو قادة اتحمل وجودها في بيتي
وأنا عندي بنات ايش يضمن لي بكرة لو خرجت او نمت ماتدخل احد عليهم !!!!

محتارة ومررره قلقه منها حسبنا الله ونعم الوكيل عليها
مع أني اكرمتها واعطيتها غرفه لوحدها
وزدت راتبها من 800 إلى 1500 ريال
واي شيء تطلبة اجيبة لها !!
واخليها تكلم زوجها وابنها كل مابغت !!!
لكن صحيح إذا اكرمت اللئيم تمردا !!!

[متغربه]

أم رزان..
الله يعينك هاذولي هم الشغالات.. بقولك شي أحنا مشكلتنا نجيب الشغالات ونتوقع منهم يمشون عدل في كل وقت.. صدقيني كلهم فيهم شرهم خاصة إذا طول الوقت.. هم حريييييييم وندخلهم بيوتنا اكيد بتجي منهم تصرفات مو كويسه.. أنا والله كنت أقول أهم شي الشغاله عشان ارتاح قدمت وأنا بحملي اللي قبل هذا قبل 7 سنين وجت وأنا في السابع، وأول ما جت كانت زي العسل والسكر شوفي الخدمه والسناعه والأخلاق، مرت سنه وشفت منها الويل مثل ما تقولين بالضبط.. لقيت عندها جوال موزيته وفيه بلاوي.. ولقيتها كم مره تطل مع شباك الشقه مدري من تكلم في الشارع.. والله شفت منها الويل، وهي متزوجه وعندها عيال.. ترى الشغالات يجون هنا يخططون على أزواجنا وعلى بيوتنا (الله يحفظنا منهم) رحت علطول سفرتها لديرتها..

أم رزان تبين رأيي.. المشكله انتي في حاجه لها وبناتك على وشك زواج وبتجيك بنوته الله يخليها لك، وانتي اصلا تعبانه هالفتره والدكتور ناصحك بعدم الحركه.. إذا لقيتي لك شغاله بديله إلى ما تطلعين من النفاس على الأقل سفريها.. ولا اصبري وش تسوين لأن المشكله لو قدمتي ما راح يجيك شي ألحين.. شوفي قفلي كل ابواب البيت من برى وقفلي عليها غرفتها إذا كان عندها حمام خلاص، وكل صبح انتي افتحيه.. ما فيه ألا هذا الحل..
طمنيني وش يصير معاك

[((ام ليان))]

ام رزان مشاكل الشغالات كثيرة الله يغنينا عنهم بس اولد ابعدها انا جبتها بايجار شهري
الله يعيننا عليهم
ام زوجي استقدمت قبل اربع سنوات شغاله السنة الاولى مررررره طيبة وحنونه
بس عمي ما يحب الغلط تترك المويه مفتوحه وتسيبها واذا تكوي تتطول مررررره
وعمي يحب اللي تحافظ ويخاصمها وبعض الاحيان اذا عصب يضرب وهي حقدت
وسوت له عشى والله يا بنات ان جاء الصباح على طول دخل العناية المركزة كان شكله
مره يحزن بس قالوا لها توضي واغتسل وخرج بعدها بكم يوم وجلست حتى كملت السنة
الثانية يوم فتشوها لقيوا داخل الصابون لوكس خواتم لعمتي واخت زوجي
انتي كرري هذا الدعاء (( اللهم اكفناها بما شئت ))

[أم رزاان]

هلا قلبي متغربة .. أم ليان
والله يابنات أني في حالة مايعلم فيها إلا الله
تعب حمل وهمها الله يكفينا شرها
والمشكلة أني محتاجتها هالفترة
ومستحيل بلاقي بديل بس بسأل وبشوووف
لكن أنا اعرف نفسي لو ضلت عندي والله بضل في قلق دائم
وبتعب فووق تعبي !!

الله يهونها ويفرجها من عندة يالغاليات

[متغربه]

الله يفرج عليك ويسهل أمورك.. أنا حاسه فيك وعارفه همك لأن عندي بنات مثلك.. ياختي اذا ما ارتحتي مره مره نامي تحت بغرفه أو بالصاله ألزم ما عليك بناتك.. الله يعينك والله أنا مثلك أخاف كثير من هالشغالات الله يكفينا شرهم..

[متغربه]

سروؤه.. وينك أحس انك من زمان ما دخلتي التجمع.. طمنينا عنك..
أنتم تصحون وأنا أنام.. استودعكم الله يالغاليات..