دردشة حوامل مصر - دردشة بنات مصر - تجمع حوامل مصر ‏

[somia]

انا كان احد اهم الصفات اللي بتمناها في شريك حياتي انه يكن لابس نظارة ..
دودي متقلقيش انا معاكي للصبح الهانم بنتي ناويالي على سرة تنام على رجلي احطها على السرير تصحى وتعيط

[Rania Negm]

الله أعلم يا لولوووووووووو

ديناا أنا دكتور العيون بتاعى اللى فى مصر كان بيزن عليا فعلا بالعميلة دى

لكن اخر مرة وانا بجدد النضارة واللينسيز لما عرف انى حامل قالى بعد الولادة نعملها

وجيهان اختى فعلا نظرها ضعف بعد الولادة وبتلبس نضارتى اصلاا بتشوف فيها

-2.5

اعتقد فعلا بيضعف بعد الولادة

[دودى مجدى]

على فكرة يا لولو انا اعرف ان اللى تجيلها البيريود فى العشرة الاواخر وتعد تدعى وتستغفر ربنا بيحسبلها الثواب لان دة شىء خارج عن ارادتها والله اعلم بس انا منصحكيش الحاجات دى لانها لعب فى الهرمونات وكمان بلاش الكيمويات على قد ما تقدرى كفاية اللى بناخدها من الخضار المرشوش واستوطنت فى جتتنا

[somia]

رنا هوه انتي خريجة ايه اصلا

[رنا خالد]

انا بحب النظارات جدا بتدي وقار اوي
جوزي شكله بيها دكتور ياحبيبي ههههههههههههه
بس انا كنت عايزاه يعملها عشان يكون حر اكتر
بس بنظاره او من غير هو قمر في عيني
الحمد لله ربنا يحببنا في بعض دايما
بصي يادينا موضوع ضعف النظر بعد الحمل ده ماسمعتش عنه صراحة بس اسألك

[دودى مجدى]

ماشى يا سمية احنا مع بعضينا بس ربنا يهديلك بنتك وتنام من حق هى عاملة اية دلوقتى ومعلش بس عاوزة اسالك هى لية بتعيا كتير اوى انا ملاحظة كدة ولا انا غلطانة

[Rania Negm]

رنااااا

الفيوتشر سكووول جيهان اختى اشتغلت فيها فترة ودلوقتى عقبال أملتك بقت فى المدرسة الانجليزية فى التجمع

أنا كمان يا عيال كنت اينجلش تيتشر للأدفانسيد ليفيلز فى مودرن الحجاز

[دودى مجدى]

يا لهوى يعنى انا نظرى هيضعف يالا الحمد لله على كل شىء

[somia]

بصي يا لولو انا كنت خدتها اما سافرت عشان الحج بس رخمة قويييييييييييي تفضلي طول الوقت حاسة بالام اول يوم وحاسة انها هتنزل وكل شوية تقومي تشوفيها جت ولا لا يعني ولا طايلة ارض ولا سما وبعدين انا اعمل ايه ولا هطول اوله ولا حتى اخره

[رنا خالد]

انا خريجة كلية اداب قسم علم نفس ياسميه بتقدير جيد مرتفع يعني فاضلي علي الجيد جدا هبابه هههههههههههههه
بلاش يالولو بلاش خليكي في المضمون احسن
وبعدين دي رخصة وليها حكمه من الخالق