دردشة بنات ليبيا , دردشة حوامل ليبيا , تجمع بنات ليبيا

[سورينام]

السلام عليكم...
سامحوني طلعت فجأه سروره عندهاحراره وتنقنق شورهم اللوزتين والمشكله ما اتحبش الشروبو - دخلتها بردتلها بالميه متاع الشيشمه وهذا وين ارتاحت شوي ..
عيون .. ماشاءالله تبارك الرحمن على النهير اللي حصلتيه .. ربي يحفضلك مولى بيتك ويحفضك ليه وتستاهلي الدلع وتستاهلي كل خير يا غاليه ربي ايدوم ان شاءالله ....

[أم أجنادين 80]

السلام عليكم
كيف حالكم كلكم يابنات

[ام روفيدة]

السلام عليكم ورحمة الله وبركاته

كيف حالكم كلكم يا عويلة وشن اخباركم ؟ ما شاء الله تبارك الله عليكم كلكم متجمعين اليوم ناقصتكم غير ميمونة ويقونة

[ام روفيدة]

المشاركة الأصلية كتبت بواسطة عيون زوجي

يا سيدي بن سيدي: زوزي امس خلي ندلعه ونقوووول شنبيري الغالي ماشاءاله لاقوة الابالله اعليه رفعني العشيه لكافي شوب في قرقارش اسمه فيراندا خذينا كابتشينو بالكراميل وكيكات وعصير طبيعي وادهورنا في نفس الشارع وشريت للصغار حوايج من محل بيبي شوب وبعدها قعمزنا قدام السرايا الحمرا تمشينا حرقنا ما كلينا وبنتي بدت تعيط تبي الحمام حاشاكم مشينا بيها لسوق الثلات للحمامات وبالمرة خذيت من محل العطريه وشق وبخووور خليجي وريحة جادور مش اصليه متاع يلي يعبوا فيهم وقتي وبعدها مشينا لمطعم البيت بيتك في النوفليين تعشينا عشاء تركيش وروحنا والمفاجاءة الكبرى انه جابلي خاتم ذهب خليجي ايهبل عقبال عندكم؟؟؟
وسبب :هالدلع انه نزلولهم 750 دينار في حسابهم بمناسبه عيد العمال لكل موظفين قطاع النفط واني الفالحه صرفتهم في يوم بالهني عليا
وراتحت وروحت

عيون يا غالية ما شاء الله تبارك الرحمن عليكم ربي ايزيدكم من خيره ويباركلكم في الرزق ويهنيكم وبالصحة عليكم العشاء والمشوار و حويجات الصغار و ألف مبروك الخاتم وتبلى ويخلف الله اللهم ااامين .

وربي يرزق كل متمنية الزوج الصالح ويرزق كل متمنية الدرية الصالحة اللهم ااامين

[ام روفيدة]

سورينام يا حبيبة كيف حالك وكيف حال السنافر وألف لا بأس على سرورة طهورة إن شاء الله حتى أني حزومي مريض من البارح في الليل ارتفعت حرارته ويشكي من بطنه شكله عنده مغص واليوم بدي فيه الاسهال أكرمكم الله ربي يشفيهم اللهم ااااامين .

[ام روفيدة]

أم أجنادين كيف حالك وشن أخبارك ؟

[ام روفيدة]

أم ورد كيف حالك وكيف حال أم معاد خيرها ليها فترة امغيبة ؟

[ام روفيدة]

أثري في مدادي كيف حالك يا حبيبة ولابأس طهورا إن شاء الله وربي ايثبت لك حملك ويتمملك على خير وتنوضي بصحة وسلامة اللهم ااامين

وربي يرزق كل متمنية وخاصة وخياتنا الغاليات أم ورد وأم وسونة وميمونة وأم أجنادين ويتمم حمل كل الحوامل على خير اللهم ااااااامين

[ام روفيدة]

فتاوى اللجنة الدائمة

السؤال الثاني من الفتوى رقم ( 10823 )
س2: كثير من النساء في مصر يضعن الكحل في أعينهن، إذا قلت لهن: إنها إذا وضعت للزينة حرام، يقلن لي: إنها سنة. هل هذا صحيح؟
ج2: استعمال الكحل مشروع، لكن لا يجوز للمرأة أن تبدي شيئًا من زينتها، سواء الكحل أو غيره لغير زوجها ومحارمها؛ لقوله تعالى: (( ولا يبدين زينتهن إلا لبعولتهن ))
وبالله التوفيق، وصلى الله على نبينا محمد وآله وصحبه وسلم.
اللجنة الدائمة للبحوث العلمية والإفتاء

[ام روفيدة]

فتاوى اللجنة الدائمة
س4: هل يجوز وضع الزمام على الأنف للمرأة ؟ وهل يجوز استخدام الشوذر - وهو: مادة توضع بعد الحناء لكي يصير الحناء أسود على اليد - وهل يجوز استخدام الصبغة السوداء على اليد التي تسمى بالدوج ؟
ج4: هذا السؤال يتضمن ثلاثة أمور، هي:
1 - حكم وضع الزمام في الأنـف: يجوز؛ لأن ثقب الأنـف للزينة وليس للإيذاء أو تغيير خلق الله.
2 - وضع الشوذر بالحناء ليصير أسود: والجـواب: أن السنة قد دلت على مشروعية خضاب المرأة ليديها بالحناء، وقرر العلماء أنه مستحب، وأن تركه مكروه، وإضافة الشوذر إليه لا حرج فيه.
3 - ومنه يعلم حكـم استعمال الصبغة السوداء التي تسـمى (الدوج) لكن إن كان للدوج جرم يمنع من وصول الماء إلى البشرة وجبت إزالته عند الغسل من الجنابة والحيض والنفاس وعند الوضوء. وبالله التوفيق، وصلى الله على نبينا محمد وآله وصحبه وسلم.
اللجنة الدائمة للبحوث العلمية والإفتاء