ديوانية البحرين - دردشة حوامل البحرين - البحرينيات

[rose soul]

سلاااااااامي
شخباركم نفرتن نفرتن؟؟

طفطوف..ترا ما جفتها..تطرشينها لي برسم الخدمة احتجججججججج
خخخخ

تصدقون بشورة ما رقدت الا الساعة 5 وشي الصبح
قلت لأبوها خذها من عندي لا اصيح
وانا اصلا الدمعة واقفه
هههههههه قام يضحك علي يقول انزين كسرتي خاطري..ويوم اخذها قعدت اضحك واصيح صرت مينن هههههههههههه مو صاحية
وقعد يهز فيها لين نامت

[طفلي حياتي]

السلام عليكم
اللهم صل على محمد وآل محمد
ما شاء الله لا قوة الا بالله
اكي صورة فرحتي
كل يوم ليها شكل لو تبغون كل يوم انزل صوره بتستغربون والله العظيم حتى ابوها يقول ويش السالفه هههههههههه متى بيثبت شكلها خخخخ
بنتي في ريولها رعشه من يبتها للحين وحماتي تقول انه نقص كالسيوم وبتصير اوكى لكن خفت من موضوع وحده قالو ليها الدكاتره تسوي تخطيط مخ ومادري ويش وخفت حدي :(
وش رايكم امهات الخبره احلام ام وشموس؟؟
جاوبوني طلعت روحي من الخوف

[شمس الصباح]

ووووويلي مو قادرة من الحجايج بس تصيح ظهري انسكر واني احملها واسكتها ما في فايده وبعد تعب وعناء نامت ورحت اسوي اشغالي بيجون عندي ضيوف اليوم لو ادري ان بتحجج جدي جان اعتذرت يالله الله يطوف اليوم على خير

طفلوووووه شوفي على اي اساس قلتين نقص الكالسيوم اني ما ابغي اخوفش ولا شي لان ما عندي خبرة بس لو طلع بنتش فيها نقص كالسيوم لا قدر الله معناته لازم زيارة طبيب اني ولد اختى جدي ظلت تعطيه دواء لنقص الكالسيوم لين كبر والحين اكو كبر وما فيه شي لازم متابعة ودي الياهلة احسن لج ومنها انتين ترتاحين واذا لاحظتين اي شي مو طبيعي لازم توينها للدكتور هو افهم مني ومنش وان شاء الله ما فيها شي

وترى في كتب عن تربية الطفل وامراض والتطعيم يبيعونة 12 دينار وايد راح يفيدش اسمه هكذا تعتنين بطفلك منذ الولادة حتى سن الخمس سنوات ... اني جابه زوجي بس ما احتاج اليه لان عندي تقريبا كتاب مثله وخليته يرجعة من مكتبة الأيام

احلام ام اكو حفظت رقم الصفحة علشان انفذ الطبخات بس اشلون اسوي عصير تمر

[Um Amal]

سلام حوامل وأمهات ..
شخباركم ؟؟
ولدي صاده شنيتر اليوم والحالة قشرة .. إدعوا له

[طفلي حياتي]

سلام :(
ضايق خلقي على بتي سكت هالفتره اول شي حسبالي عادي وتالي سألت حماتي قالت نقص كالسيوم وسألنا دكتورة اطفال قالت عادي يروح مع الايام ونصحتني بأخذ كالسيوم حبوب
هلا ام امل شنيتر بعد؟؟؟
يعني لو بوديها المركز اكيد في يهالو هناك فيهم وجان مو يعدونها :(
مادري وشفيني نفسيتي مقلوبه قلاب عدل قلت بروح لدراز ولا رضى الحجي وانقهرت ازيد :(

[Um Amal]

هلا طفلي ..
اي الشنيتر داير هالأيام .. بس التطعيم ضده من عمر سنة ..
مع انه ممل وكريه لكن يللا على شان يفتك منه ولدي ..

[hazina]

بالخير مسيتكم..

وبماء الورد رشيتكم..

والسلام اهديتكم..

ولو عندي سيكل جان جيتكم .. :p
.
.
.
.

((مساكم الله بالخيير )) ^^


شمووس اني بقول لش عن طرق وايد زينة تدخدخ الياهل كم عمرهاا بنتش الحلوة وعن خصوص التمر شيلي منه الطعامه ونقعيه في مااي لين يلين بعدين اعصرية بقفسة ونخليه وحطيه بالرضاعه ترى واجد زين للعظام وصدق يتختخ الياهل واحلام ام قالت لش تفوحين التفاح ترى فوحان التفاح مو زين كلوولش لان يطلع مادة مقاربه للخمر واعوذ بالله منها لا تفوحينه بس قشريه وحطي وياه بسكويت وحليب مالهاا وخلطيهاا انزين وعندش الشوفاان واجد زين حطي وياه شويه مكعب ماجي يعني مو واجد علشان بس نكه لان اذا بروحه ما بترغب ليه وسوي ليهاا كوسى والو وجزرة فوحيهم واخلطيهم بالخلاط ترى هذوله بعد واجد زين فيهم فتامينات ورز ابيض مع شوية دجاجه مفيوحه وهرسيهم بالخلط واجد تمام يحبونه الجهال وفواكه طبيعيه ترى اني ما ايد الغراش لان في مواد حافظة مربية اجيال اقول لش على ايدي بنت بنت خالتي واخويي واولاد خالي ماشالله عليهم كلهم تختخو على ايدي وبسكوت فرينزيز واجد تمام خلي وياه قطعه موز ويا تفاحه وحليب شوي من مالها وخلطيه بالخلاط يحبونه الاطفال واجد ولد متي كل يوم اقول لمه تسوي ليها وما شالله تختخ عدل حتى اقول ليها صار فقيل اللهم صلي على محمد وال محمد والفال ليي اتختخ اولادي انشالله ياربي يرزقني واوريكم اشلون الربه >> الي يسمع الحين هم ما يعرفون بس يتعايرون ياكلون اولادهم خخخ :)

[rose soul]

نحن هنا
طف طوف..تهبل زنابي ربي يحفظها ويخليها..وان شاء الله مافيها الا العافية
..
الاحساس نعمة..هااااااا..كسرناااااااهوووم امس ويووووووو هههه

[طفلي حياتي]

هلالا حزينه (مايعجبش فرحانه وشنسوي)
تعالي بسألش بما انش مخضرمه في عالم الامومه
بنتي من يوم ولدتها عندها رجفه في رجولها تعرفين شي عن هالحاله او سمعتين بها؟
شكرا مقدما :p

[rose soul]

ام امل ما يجوف شر النتوفة..دام صاده واهو صغير بتفتكين
..
شموس..وشخبار ملوكة بعد التطعيم؟؟ان شاء الله ما سخنت
جم ابرة يعطونهم؟؟بعد ثنتين؟؟