ديوانية البحرين - دردشة حوامل البحرين - البحرينيات

[rose soul]

وين اختفيتو؟؟
بس خلاص هونا مانبي باشميل
بس تعالو

[حنين للماضي]

شحوالكم عفر على قولة بعض الناس

ام موسى امي بعد تقول اذا الجاهل بدا يعرف امه شهرها يطيح ماحسيت في ربط بس الحين يوم قلتي جتني الضحكة قلت شكلها السالفة صدق

شموس بشري جهزوا كراسي الملكة اليزابيث
طمنينا باجر على ملوك ما عليها شر ان شاءالله
ربي يحفظها ويدفع عنها كل سوء
اني ما أأيد المعلبات الجاهزة ماادري ليش اقول اكيد فيها مواد حافظة وجدي
امل البيت مهما يكون اكثر صحي للاطفال

ام حسون مشكورة على الوصفات
عجل كله بدز في جبده كوسه وبربر لين يدخدخ
صغنون وي على عمري كلمن يجوفه يقول نتفه
الحين قررت اول شيء اعطي خضروات عقب عيش وعقب بسكوت وسريلاك
الآلو والقرع مو زين؟

طفطف اني بعد موعدي راح علي اول مرة لأن رحت متأخرة وقالوا بس يسوونه من الصبح ومرة ثانية رحت وبس عطيتهم الورقة ما قالوا شيء اتوقع عادي تروحين لهم بدون تجديد موعد
على فكرة مركزنا جدحفص بس يسوونه يوم الاثنين والاربعاء يعني تأكدي قبل لا تروحين من مركزكم احسن

فرحانة افا اش هالكلام لو اجوفين ردودنا الكل سأل عنش
اني المفروض اعتب اله حتى ما تنغصتي علي بصحن بشميل ما عليه صبري علي هالمرة لين طبخت مابجيب ليش ولا لقمة

روز شهيتيني بالشاورما بالعافية
واذا تبين تعطين بشورة مرضعة من الحين عطيها
اني ولدي غربلني مارضى يشرب فيها لأن ماعودته من قبل ويمكن شهر احاول معاه وهو صريخ والحين لايفوتش يوم تعلم بس يبي يشرب منها ماي مايرضى يشرب حليب عنيد الله هاه على ابوه طبعاً

صعب وروز وام حسين ومس توته وام حسون الله يسهل عليكم ان شاءالله وتبشرونا بخبر ولادتكم

بنات بخبركم سالفة بس لاتطنزون علي رجاءً
طبعاً اني من ولدت للحين الحلوة ماشرفت
والحين تقريباً اسبوع كله راسي داير ودايخة واجيني اللوعة
قلت السالفة لزوجي وأصر ان آخذ جهاز وطبعاً رحنا وشرينا ولحين مافحصت كلحين اقول لزوجي بعدين وآخر شي قلت له الصبح عشان يطلع ادق
تذكرت سالفتي قبل لا احمل بعلوان كنت من اشتري الجهاز ركيض للحمام
بيني وبينكم خايفة شوي دعواتكم ربي يرزق كل محرومة ويخلي ولدي احس توه صغير ماشبع حنان(هههههههه اتخيل روحي مكان هالرمز)

صحيح نعيماً ام اتومة
عجل صرتي تلقين
اني بعد قبل يومين رحت حفيت زوجي قال بنصور وليومش لحين ما صورنا

[rose soul]

هلا حنون
شخبار ..شو عاملة بعد
؟؟
اي بالنسبة للمرضعة..كل ما ادخلها في بوزها تصيح وجنها بترجع تدلع عدل
اتعبني عدل تمللت هههههههه
واما التصوير سكتي
انا بعد ابي اصورر ثلاثتنا مع بعض

[طفلي حياتي]

مابهرب بصحنش من حلاوته الا بلاستك
نجبي بعد شوي انها حقا لزيزه
اني اكتب وزنوب فوق لدراع

[rose soul]

طف طوف نفس الحالة خخخ
طلعت من الحجرة لا تزعج ابوها

[طفلي حياتي]

ولكم حنون سويتونها انتين وفتوت هههههههههههههههه اني ماعرف وش شعوري هو فعلا تعب وخربطه وشسمه بس لو ربي رزقني مادري وش بتكون ردة فعلي كنت اصيح صياح لمدة 4 سنوات وشوي كلما تنزل الدوره والحين ربي رزقني زنابي ان شاء الله تكمل سنه واحمل ههههههه ياربي تعب بس شي لابد منه العائله حلوه ربي يرزق كل متأخره وعلى رأسهم فرحانه وتييب 12 نفر

[حنين للماضي]

هههههه
نسيت كتبت اسمش الاصلي روز اشوه انتبهت لعمري
اييي الله هداهم اني بعد علوان مللني حتى يأست وقمت اهاوش ابوه لأن اني من قبل كنت ابي اعلمه وابوه مو راضي
بس اقول ليش تصبري اني بعد حدود شهر لين تعود ولا خمسين حلمة اخذنا له وآخر شي مابغى اله نوك هذه صورتها


طفطف عطيني زنوب شوي صار خاطري احمل بنات

[طفلي حياتي]

حنون لا يصير خاطرش كلها 8 شهور وتكون على ايدش احلى بنت خخخخخخخخ

[حنين للماضي]

طفطوف جوزي عني لا اجي اكسر صحن فروح واخليش تشترين لها طقم كامل

[rose soul]

اي اي عليكم بالعيال
ههههههههههه
اما انا بكتفي ببشور بس ههههه
ما تخيل عندي اكثر بعدين افكر
حنون..اي شهري فيني بعد هههههههههه
اي شريت لها من هالحلمات وبعد ما ترضى
بنحاول وبنجوف
بس شهر عااد!!واااايد
هههههه
فشلتني يوم اطعمها هههههه كلهم ساكتين ويرضعونهم بالمرضعة واللي في بوزه سهاية..بس هي الله يهديها افتر فيها وتصرخ