دردشة بنات العراق, دردشة حوامل العراق , تجمع بنات العراق

[بشارة]

لكم عيني مدا الحك ...اركض من الصبح لليل ...كلشي مدا افتهم هههههههه

حروثي نومه بده يقل بالنهار ...يريد احد يحاجيه و يناغيله هههههه فكوكي راح توكع هلكد ما اكوله اغوووو

ويارت لو يجاوبني بس مخنزر عليه هههههههه كمت اصيحله ابو الغضب
تتذكرون بكارتون مزنجر هههههه اكو واحد اسمه ابو الغضب
هذا حروثي هيج ...عصبي عصبي عصبي
ونحووسي وبس يخنزر و ينحنح يسوي نفسه يبكي وهو كلشي مابي بس هيج لواكه هههههههههه
الله يحفظلياه حبيبي مخبلني بس اموت عليه

[*شفق*]

سراو حبي طمنينا عنج شلون صرتي اليوم ان شاء الله احسن
أسأل على حالتج النفسية ترى الحمد لله وضعج تمام ماادري ليش خايفة

[بشارة]

حبي اترخص كعد الذيب مالتي والله مصارله ثلث ساعه من نام هههههههههه
باي مؤقتا

[*شفق*]

هاي ذكرتيني ببنتي من جانت صغيرة دائما مخنزرة بس هسة لالالالالالالالالا زينة بس هم ميعجبها اي شي مزاجية

[*شفق*]

بنات الي تدخل بس تنبيه

[*شفق*]

بايات مراوي

[بشارة]

بااااااااك

اكو احد هنا ؟؟؟

بنات عفيه اريد ابدي ادربه لحروثي على شغلات .
مثلا اريده يجوز من شغلة انه لازم اهزه يالله ينام ..اريده يتعلم ينام وحده... لان هسه من ينعس يبقى يبجي الى ان ينام .. وايقى اني اهزه واغنيله ..
واريده يبدي يتعلم يكعد بالكرسي ... اكو كراسي يسموها نيو بورن
يعني حديث ولاده
عنده واحد بس يبجي من اخليه بالكرسي دقيقه مايطول ...وعندي دوشك صغير على شكل دب و اكو اقواس تصير فوك الدوشك ونازل منها ملاعيب...ينام الطفل عالدوشك ويتفرج عالملاعسب فوكاها ...هذا هم مايقبل ينام عليه...واي شخص يشيله غيري يكوم يبجي ...بس اشيله اني يسكت ...

اريد حل ... شنو السياسه الازم اتباعها ؟؟؟

[&ام همام&]

مساء الخير شلونكم بنات
شكرا على اهتمامكم اخباري رجعت لدكتورتي وفحصتني سوتلي فتح بعنق الرحة نص اصبع
وكالت ننتظر للسبت اروحلها اذا نفس الفحص ماكو اي توسع نسوي عملية
وفوك القهر صارت عندي رشح بخشمي وبلعومي ضارب واذني هم ضاربة وانطتني كبسول وحب مص
ودا امشي واشتغل بلكت يصير توسع
ادعـــــــــــــــــــــــــــــــــــــــــــــــ ــــــــــــــــــــــــــــــــــــــــــــوووووو وووووووووووووووولي

[همس البصراويه]

هلو بنات شخباركم اني جديده بالمنتدى حامل بالسابع

[& زهرة حياتي &]

صباح الخير بنات شونكم شخبارك

همس اهلا وسهلا بيج بيتنا المتواضع والله يكومج بالسلامه عرفينه عليج اكثر

شفوقه شونج ان شاء الله زينه
سراوي حبي ان شاء الله الله يكتبلج البي خير وصالح وصحه الج والنونو يارب امين
رورو حياتي شخبارج اليوم ان شاء الله بخير
مراوي الله يساعدج ويحفظلج حروثه شويه شويه واكيد يتعود كله توعيد
لبونه روزه وام تيم و وكل البنات خاف نسيت اسم عذروني ان شاء الله الكل بخير