دردشة بنات ليبيا , دردشة حوامل ليبيا , تجمع بنات ليبيا

[اوشي]

هلا نوميديا كيفك

[اوشي]

بنات اسمحولي بنصلي العشاء

[جوهرة ليبيا]

اليوم عندي عزوزتي وبعد الفطور اللي طبعا الساعة12ونص هههه
ضميت حوشي ساعتين وانا انلود من حاجة لحاجة والساعة اربعة خشيت تبلت شرائح دجاج (سكالوب)وقشرت البطاطا للقلي ودرت شربة بصراحة خفيفة وبنة زايدة زي امتاع رمضان بالزبط هههه وعجنت خبيزات بحشوات مشكلة بالجبنة بس وبالمفروم وبالسبانخ وعندي زرف عجينة بوريق الجبد واتي استغليت الحشوات ودرتة طبعا هذا كلة قطع محدودة والحمد لله السفرة قمتها فاضية لحق في نص الغداء سلفي وطرت خشيت للدار داخل باش خشا كمل معهم غداء انا حسبت حسابة وقال مانيش جاي متغدي مع اصحابة لكن جئ هههه

ودرنا كاكاو ونسكافية العشية مع هريسة امس شراها زوجي <<عرفتوها هي زي البسبوسة تاكل بالكاشيك

وتوة المغرب بيصلي زوجي وبيمشي للسهرية علي طول وتوة مقعمزة انا وعزوزتي شوة انهدرز وشوية نكتب خخخخخخ هي لاهية في برنامج وتستني في برنامج عمي الهادي برنامج لمسة
وووووو خلاص بطلي دوة

[جوهرة ليبيا]

اعذريني اوشي نقصد اثري هي اللي سالت

[جوهرة ليبيا]

نصلي ونررررررررررررررجع

[أمل ليبيا]

السلام عليكم
سوسو تسلمي هذا الي في الصورة اعلى قوس في امريكا ومشيتله اني وراجلي يخوف لكن يهبل
وسوق الجمعه الله ذكرتيني فيه بضاعته تهبل ورخييييييصه بس للاسف من لما تزوجت راجلي مانع عليا الاسواق الشعبيه لكن يهبل السوق


جوهرة ربي يعطيك الصحه وماشاء الله شكله علاقتك بعزوزك ماشاء الله ربي يدم المحبه بينكم

[جوهرة ليبيا]

كيف حالك اليوم امولة ان شاء الله احسن
الحمد لله علاقتي مع عزوزتي كوسة احترام والحمد لله مع ان الكل يقول عليها واعرة

[اوشي]

المشاركة الأصلية كتبت بواسطة جوهرة ليبيا

اعذريني اوشي نقصد اثري هي اللي سالت

لا ما يهمك شي نحنا خوات.. ماشاء الله عليك سفرة رائعة من الاخر

المشاركة الأصلية كتبت بواسطة جوهرة ليبيا

كيف حالك اليوم امولة ان شاء الله احسن
الحمد لله علاقتي مع عزوزتي كوسة احترام والحمد لله مع ان الكل يقول عليها واعرة

ربي يدوم المحبة بينكم .. هي اهم حاجة الاحترام بينكم والاهتمام بيها

[اوشي]

انا اليوم درت غداي حساء وخبزة انا درتها وطاجين بيتسا ومخلل وختمنا بلبن

صح السفرة مش شور بعضها بس اهو اسمها غدا

لا ما عنديش خضرة الثلاجة امنفضة بس حبات طماطم وفلفل وخس وحبتين بذنجان بس

نستنو في بكرة الجمعة عندنا سوق كل جمعة يجو تجار لساحة كبيرة اسمها ساحة سوق

الجمعة ما اهناك حاجة الا وموجودة .. والخضرة فيه تكون طازجة وفايحة وسعرها معقول
مش كي خضرة المحلات نار وماهيش طازجة

بكرة غداي باذن الواحد الاحد بازين

وصورت الكم سفرة اليوم بيش تضحكو اشوي حاطة فيها حاجة القيتها في السوق خطرت علي

ايام حني الله يرحمها بس طريقة شموسة انمسي عليها بالخير في تنزيل الصور ما عادش صار منها شي امعاي

اذا كان فيه طريقة ثانية علموني

[dr.loly]

المشاركة الأصلية كتبت بواسطة اوشي

انا اليوم درت غداي حساء وخبزة انا درتها وطاجين بيتسا ومخلل وختمنا بلبن

صح السفرة مش شور بعضها بس اهو اسمها غدا

لا ما عنديش خضرة الثلاجة امنفضة بس حبات طماطم وفلفل وخس وحبتين بذنجان بس

نستنو في بكرة الجمعة عندنا سوق كل جمعة يجو تجار لساحة كبيرة اسمها ساحة سوق

الجمعة ما اهناك حاجة الا وموجودة .. والخضرة فيه تكون طازجة وفايحة وسعرها معقول
مش كي خضرة المحلات نار وماهيش طازجة

بكرة غداي باذن الواحد الاحد بازين

وصورت الكم سفرة اليوم بيش تضحكو اشوي حاطة فيها حاجة القيتها في السوق

سفره سقـــــــــــــع م الاخير

ليا فتره ع الحساء تقريبآ من اول ماجبت بس معش عندي قديدات.......
وزوجي يموت فيه طبعآ هو والمقطع ديما اغلب عشواتنا الشتويه هكي
خصيصا ان الشتاء اللي فاتت ماما عطتني عصبان شمس اكيد تعرفيه
عجب ابوفراس بكل يهبل ع المقطع...