قولي كل اللي بخاطرك هنا تفضلي..

[ام البدرين]

هلا وغلا حبيبتي جولييت
منوره ياقلبي
فديتك اولا بقولك شي بامكانك تاكلين اللي تبين بس بدلي الاكل يعني كلي فواكه وخضروات واشربي عصاير بدون سكر وحاولي باليوم تمشين لك نص ساعه اضغطي على نفسك ياحبيبتي عشان خاطرك وخاطر البيبي

ثانيا بالنسبه للبكتيريا اتوقع للسمنه دخل فيها اعرف وحده كانت تعاني من السمنه وكانت تعاني افرازات لها رائحه ولما راحت للدكتوره قالت لها بكتيريا خففي وزنك والجماع لان يمكن زوجك ينقلها ايضا لك

ثالثا النفسيه ياعمري كلنا نعاني بمرحلة الحمل ونمر بحاله نفسيه مايعلمها الا الله سبحانه ونحس كل اللي حولنا مايحسون فينا ولو تلاحظين ان هم حركاتهم وكلامهم وتصرفاتهم معنا ما تغيرت بالعكس نفس الشي بس احنا من كثر الحاله النفسيه اللي نمر بها نحسهم ثقال علينا وتصرفاتهم غير مسؤوله ويتعمدون مضايقتنا
وبالنسبه لولدك حرام ماله ذنب حاولي اذا غلط ما تضربينه خاصه اذا كان يفهم حاولي تمسكي نفسك شوي وبتلاحظين انك هديتي

انا ولدي عمره سنه و7 اشهر احيانا يتصرف تصرفات يقهرني فيها وتشوفيني قايمه بضربه وانا قايمه استغفر قبل لا اوصله اهدى سبحان الله حاولي تسوي كذا ربي يسعدك وينولك اللي ببالك ويبعد عنك كل هم وضيقه اللهم امين

[جولييت]

هلابك ربي يسهل عليك حملك وتولدي بالسلامه لازم تتبعي حميه
الوزن الزايد له مضاعافات كثير خلي عندك اراده وراح تقدري تنزلي وزنك
بالتوفيق يارب

ياعمري ياملكة الرومنسيه الله يثبت حملك ويفرحك بشوفة جنينك يارب

فديتك ياام البدرين والله كلامك يريح القلب

ان شاء الله بسوي مثل ماقلتي ويارب اقدر انزل وزني واولد طبيعي ويارب ينولك كل ماتتمنيه ويقومك بالسلامه انتي وجنينك>>بحق هالاذان الشريف ياااااارب

[ام البدرين]

تسلمين ياقلبي ياجولييت على هالدعوه الحلوه مثلك
ربي يحقق لك مبتغاك عاجلا غير اجل ويسخرلك خلقه
اللهم امين

[ام البدرين]

هلا بنات شخباركم فديتكم
اشتقت لكم
اليوم نزلت السوق اشتري للبيبي ملابس شتوي لاني كل اللي ماخذته ربيعي والله يابنات صدق لاعبين على الناس اسعارهم شي مو طبيعي يعني لبسه بربتوز بدون طاقيه وبدون اي شي معها بس لبسه عاديه اللهم مخمل بحدود ال60 وال70
يعني استغربت هالاسعار المولعه بصراحه زوجي يقول خذي مايخالف هذا يعتبر موسم يعني شتاء وانتي تبين ومضطره للملابس شتويه قلت ايه بس مو كذا عاد
يعني اذا طقمت بدله كامله مكمله تطلع علي فوق ال100 ولا راح استفيد منها الا بوقت الولاده بس يعني البيبي راح تكبر عليها وثانيا راح يطلع الشتاء يعني كم لبسه ومع السلامه
وش رايكم بنوتات تكفون ردو