دردشة حوامل أهل الامارات - دردشة بنات الامارات - تجمع حوامل الامارات

[اقصوصه]

عن نفسي الحين في نص الثامن وزدت 10 كيلو تقريبا من بداية حملي :)

[دلعF]

المشاركة الأصلية كتبت بواسطة اقصوصه

اها

الله يتمم لج حملج ع خير يا رب

انزين وطلع جنس الجنين فعلا عكس ما تتمنين؟

الله يتمم علينا وعليج يا رب بكل خير

ما ادري انا ما تفرق عندي ولد والا بنت اهم شئ يكون بخير

بس زوجي بيموت ويكون بكره ولد ..



اسووووم .. الله يبارك فيج يا روحي .. وان شاء الله الشهر الياي بأكد الخبر اذا ولد والا بنت ..

[اقصوصه]

اكيد كل شي من الله خير

والولد والبنت ما في فرق بينهم

المهم التربيه الصالحه ويكون فيهم خير

والانسان لازم يحمد ربه ع كل شي

ترى لعيال نعمه من الله

محد يس بقيمة هالنعمه الا المحروم منها

وعسى الله يرزق كل محروم يا رب

[الودود]

هلا وغلا

شخباركم حبيباتي حبيت أطمن عليكم

وكيفكم مع الحمل الله يتمم لكم بالخير

وسعيدة بالتواصل معكم

[سمو الأميره]

شحالكم يااحلوات

محد يداوم غيري ...والله ارتحتن مو انا زودوا دوامي لين ساعة 3 حشى

شكلي بيلس ف بيت أبرك لي

أم منصور مشكورة ع الرد ...وان شاء الله بفتح ملف ف الكورنيش

مع خبرتهم بيكون عندهم دراية ف وضع ولاداتي السابقة ...والله يسهل علينا

مرمرة اختي ...الله يعوضج ان شاء الله وانا جربت هالموقف بعد ماكمل الجنين

شهرين وبعد اسبوعين طاح بروحه كنت اشرب قرفه وحلبه وهالسوالف اللي تنظف

الرحم..وأفضل من عمليات التنظيف ف المستشفى ...الله يعوضج يارب

حوامل ..يمكن تخبرونا شلون تهتمون ف نفسكم ..

تعرفون سالفة التشققات والتمدد اللي حاصل ...بس شو اهتماماتكم

انا عن نفسي كل مااخلص متسبحه ادهن كروشتي ومنطقة الحوض بزيت زيتون

عشان لما اولد مايظهر لي تشققات او خطوط بيضه وهذه تجربت حميتي ..

يالله خوات عطوناخبراتكم

والله يسهل للجميع

[اقصوصه]

هلا الودود : عن نفسي الحمدلله بخير ماشي حالي لين الحين
حبوب الفيتامينات والكالسيوم والحديد تساعدني وايد
انصح كل الحوامل يداومون عليها في كل مراحل حملهم :)

سمو الاميره : الله يعينج ع الدوام وتعبه، ماعليه كله اجر ان شا الله
عن نفسي تميت فتره استعمل زيت الزيتون الاصلي بعد
بس وبيني وبينج بالنهايه تعبت لان الخطوط البيضا هاي تظهر اثناء الحمل مش بس قبل الولاده وللاسف ما تروح ابد، انا في حملي السابق كنت استعمل كريمات مذر كير الخاصه بالبطن والصدر اما هالحمل فصراحه اكتفيت بزيت الزيتون اول فتره وحاليا ما عدت استعمل شي:(

[الودود]

للتخلص , التشققات , الحمل

للتخلص من التشققات عن الحمل

الســـــــــــــلام عليكم



لتتخلصي من الشقوق الناتجة عن اثار الحمل أو السمنة المفاجئة
عليكِ يا سيدتي أتباع نصيحتي التالية

1_ أحضري نصف كوب صغير من زيت الزيتون وزيت اللوز الحلو وزيت الكافور
ثم ضعي فوقهم بياض بيضة بلدية وأخلطيهم بالخلاط جيدا جيدا جيدا
وقومي بدهن المناطق المراد إزالة الشقوق منها بشكل يومي لمدة 20 دقيقة
بحركة دائرية بعكس عقارب الساعة
2_ واحضري الغذاء الملكي (من منتجات النحل ) وتأكدي انه مظبوط وادهني الخطوط
بالغذاء الملكي مرتين بالاسبوع
على ان يبقى على بشرتك اطول فترة ممكنة
وان شاء الله تعالى حتختفي هذه الخطوط بعد اقل من شهر واحد فقط
لا تنسوني من دعوة صالحة اخواتي


منقوووووووووول
للافادة

[ام منصور]

مساكم الله بالخيريا حلوات
شو اخباركم ان شاء الله بخير
اهتموا في عماركم وخذوا الفيتامينات والحديد
بالنسبه للخياطه عقب الولاده يعتمد اذا اتشققتي والا ربيتي بدون ( انتي عارفه شو اقصد)
مرات يضطرون يخيطون عشان يكون فيه اشويه تمزق وهو تبين الصدق احسن يتخيط عن اتم البوابه مشرعه ..ّّ هههههههه
الغاليه انا ساكنه في خليفه ا اول ماتنزلين من الجسر اختم على كرت دخول المنطقه هههههه
حيا الله الخوات اللي انظموا للتجمع والله يتمم عليكم ان شاء الله بالصحه والعافيه
شو اخبارج ملاك وين رحتي هااااا اكيد مطيحه هناك في تجمع مصر...!ّّ
يالله اشوفكم على خير

[ام منصور]

ماقصرتي يالودود الله يجزيج خير
وارحم الله والديج

[اقصوصه]

الودود: تسلمين الغاليه على النصايح المفيده

ام منصور انا بخليفه ب صوب الجسر اللي يوديج المفرق يعني طلعنا جيران بعد:)