تجمع حوامل ليبيا

[يقين]

ام اجنادين تعرفي مره عرس وحد تقربلهم وما عنديش ليهم خلوق مشي كلمتني عزوزتي وراهوا باش تمشي مشي ضحكت معاها وقلت ان شالله وخلي انوض نوتي حوايجي واني في دماغي بنكنصلهم
والله درت حاجه ما تخطر عالشيطان من غدويتها المفروض نمشي للمزين جبت قداحه وطغطيت بالواراغان وطنشت رجليا فوق باش الغطا يرتفع وقعت انين لما نعرف راجلي بيجي نولع القداحه ونقربها من جبهتي والله زي ما نحكيلك ونقعد انقول ااااااااااي يا راسي ويجي راجلي يحط يده يلاقيني ناااااااااااااار يقعد يلهلق ويديرلي فالكمادات المهم قتله لالالالالالا نبي نمشي للعرس قالي باهيه حتي هيا قمزي والله ماك طالعه من الجوش واتصل بامه قاللها يقين مريضه مش حتقدر ويعرفوا راجلي واعر هلبا وما يعرفش التزلفيت الكلمه اللي يقولها معناها صح وحقه المهم هكي كنصلت العرس شن رايكم في افكاري لجهنميا ههههههههه

[رغوده2006]

وااااااااااااااااااااااااك علي يقين كل شئ تعرفيه
انقولك افتحي مدرسه خيرلك والله فيه بزنز باهي
بالله قداش عمرك قصقصه اه هههههههههههههههههههههههههههه

[يقين]

سالي لا هناك حد شن جوك وكيف حال الحمل

[يقين]

رغوده عمري 20 سنه هادا عمري اني اما عمر لساني 50 سنه شن رايك ههههههههه

[أم أجنادين 80]

والله مافي منك يقونه
صحه ليك قدرتي ماتمشيش
القصه ومافيها انا وراجلي متفقين مانمشيش لحد ماعدا العيله يعني خوالي وخواله
عمامي وعمامه وصاحباتي بس
وحوش عمي يطلعوا هلبه اي حد لقبه زيهم يمشوله
الوحده كان كثرت طلوع تبياخ والناس تاخد عليها معادش تبدا عندها قيمه
كيف بنقوللها وبنفاتحها في الموضوع

[يقين]

اام اجنادين ربي يخليكم لبعض وما تمشي كان للي يبيه راجلك

[يقين]

هيا حبايبي نستأذن توا فروتي ناضت تبي تغير وشعرها مقجقج خخخخخخخخ يبي خرط وشدان فوووووووووووووق يلا سلام نتلاقوا

[يقين]

تعرفوا بطني توجع فيا بشكل وتنخص فيا زي اليباري يستر الله وخلاص

[أم أجنادين 80]

ويخليك لزوجك وبنيتك
وإن شاء الله ربي يرزقك بوليد زي القمر

[يقين]

شكلكم طلعتوا يلا باي قبل نبي رغوده تقولي شن قصه التنخيص