.·¤ تجمع الحوامل اللي ولادتهم في محرم¤·.

[Marawy]

المشاركة الأصلية كتبت بواسطة ام اسكندر

ياحريم ياللي تولدو طبيعي بسألكم سؤال

انتو ترضو لامكم او اي حد من العايلة يشوف عوراتكم ساعة الولادة؟؟؟

قريت قصة ولادة في قسم الولادة واستغربت


كاتبة انو امها كانت تمسك رجولها ترفعهم وتشوف الراس خرج او لا

http://forum.hwaml.com/t191045.html

ما ادري انا لو اولد طبيعي احس اتكشف عند الغريب اهون
اما القريب احراج

استغفر الله .. اصلا مو سالفة حيا بس .. الا حراام ..! هذي عوره ..
كفايه الدكاتره والممرضات اللي بننكشف عليهم ! وشلون حد من اهلي !!!
الله لا يحطنا بمواقف مثل هالمواقف .. وربي عيب احس ..

فيه بنات كثير عندهم عادي واستغرب عليهم !! يعني وحده اعرفها تخلي خواتها يشيلون لها المنطقه الحساسه
بالحلاوه !!! احس فشله ..!

امي تقول لما جات زوجة اخوي المغربيه تولد .. كانت امي معاها .. لان ماعندها اهل بالبحرين كلهم بفرنسا ..
تقول لما قربت الولاده قامت امي بتطلع .. الا تناديها الممرضه تقول لها تعالي شوفي البيبي بيطلع .. الحين راسه طالع !
تقول امي جاتني قشعريره وقلت لها لااا ما ابي وطلعت .. ولاقتها ممرضه ثانيه تقول لها انتي مثل امها عادي !
عصبت امي قالت ما ابي واصلا حرام !! البنت في حاله ما يعلم بها غير ربنا وانا اتكشف عليها !!!

ومن هالموقف عرفت ان بعض الممرضات الله يهديهم ماعندهم ذمه ..! يعني لو وحده غير امي طبعها كانت دخلت وشافت .!

[Marawy]

المشاركة الأصلية كتبت بواسطة هدوء الماضي

انا اذا جت الولاده اكيد باخذ امي لان مافي احن منها عليه واذا شافت عورتي للضروره عادي لانها امي اكيد ما بتتكلم عليه عند احد وغير كذا امي او اي ام تكون حنونه على بنتها في هذيك اللحظه لانها جربتها اقلتها تمسك يدي او تمسح على شعري

وانا بالشهر الخامس سويت عملية زايده اذا تتذكروو يوم طلعت من غرفت الافاقه وكلمت امي ما قدرت اكلمها حسيت بغصه بحلقي تمنيت تكون جنبي وتوسيني شوفتها تكفيني وماعرفت اتكلم معها وكانت تقولي انا بجي هونيها يابني ومن هالكلام عشان كذا مالي الا هيه من بعد الله

الله لا يحرمني منها يارب

ربي يخليها لج ان شاء الله ويحفظها ..
اي اكيد هي الوحيده وزوجي اللي ممكن يدخلون لي بالغرفه .. وهم اللي ممكن يخففون عني .. لكن ما توصل الى انها تشوف عورتي بقصد !
يعني لو بالصدفه تكشفت .. اوكي .. لكن هي تكشف من نفسها .. اصلا امي مافيها هالطبع تستحي ..

[Marawy]

المشاركة الأصلية كتبت بواسطة ام اسكندر

هدوء


ربي يخلي لك الوالدة
ويحفظ جميع امهات المسلمين
بس برضو احس احراج :(


.
.
.
.

مراوي

انا شربت كف مريم الاسبوع للي فات
شربته سبعة ايام متتاليه كل يوم شجيرة
وماولدت:(
المهم اغسليه عشان انو مليان تراااب
وبعدها نقعيه في مويا حارة لعدة ساعات
وبالعافية

اما القرفة اشربيها بالطريقة اللي تعجبك
سواء بغلي اعواد كثيرة في مقدار كوب ماء
وحليه بالعسل او السكر
او اطحني الاعواد بالخلاط الكهربائي لين يصير بودرة
وبرضو سويه بنفس الطريقة زي القهوة تفوريه دقيقتين عالنار مع مويا وسكر أو عسل
واشربي عدة اكواب باليوم

وان شاء الله تتيسر امورك وولادتك يارب

مشكوووره ياقلبي .. جربته اليوم شربت .. طول اليوم وانا اشرب منه ..
بس لاحظت شغله .. انه يسهل البطن .! وغير هذا حركة شواخه زادت شوي .. مدري طبيعي !
الآلام هي هي .. ماتغيرت ..

الله يسهل علينا يارب .. انا مو عشان ابي اولد بسرعه اشربها .. اشربها عشان وقت الولاده يفتح الرحم بسرعه مثل ما قالوا البنات..
وما اطول بالطلق .. والالم اخف ..

الله يعيننا ..

القرفه ما سويتها .. قلت اسويها لما اعدي شوي في التاسع .. يعني ممكن بعد اسبوع اسويها .. ع الاقل اكون اسبوعين بالتاسع ..

[غايتي الجنة]

مساء النور والسرور


اخباركم؟؟

لا تنسون الوتر احبتي وادعو لنا

والله يسهل على الجميع يارب

[rawan393]

انا مستحيل ارضى لغير ماما تتكشف عليا ’’’
هيا لها الحق بس ’’’
وللضروره’’’
اما الباقين مع نفسهم هوا مو سبيل ههههههه

[Mishael]

هدوء يمكن طلق امي طلقها بارد يجلس يمغصها سته ايام بس كيف الطلق البارد ماادري
ليه ماتروحين المستشفى تشوفين ترا بس يحطون لك جهاز تخطيط ويشوفون طلق او لا اربعه ايام كثيره روحي يكفي خوف عشان تطمنين اذا معك طلق بيقولون لك امشي عشان يحمى وادذا مو طلق شافو وش فيك وتعالجتي مايصير تسكتين حبيبتي ،،

مراوي انا شربت القرفه ابدد ماحسيت بشيي وسبحان الله الجنين عظامتهم لينه كأنها غظروف عشان مايوجع الام ساعة الولاده

[Marawy]

المشاركة الأصلية كتبت بواسطة غايتي الجنة

صباح النور والسرور


اخباركم يابنات؟؟

بروح اليوم باذن الله لدكتورتي بالخاص دعوتكم لي ياحبيلكم

ادعو لي ان البيبي نزل للحوض لان اختي يوم بنتها البكر اخذت من العاشر وانا مابي اخذ


وان اتوقع البيبي نزل للحوض من السخونه مرات احس بشي يضغط تحت على منطقتي ومرات مااحس بشي ومرات ظهري وبطني وشوي مغص ويروح اعرف ان الرحام يحاول يتوسع لولاده بس ودي اولد او محرم لان كل ماشفني قال لي ماراح تولدين الا باخر شهر 1او ب2
والله الكلام هذا يخليني اصيح من القهر ياناس ابي احد يشجعني بس مافيه


وامي ياحياتي ماودها تقول لي قربت عشان انا مااتحمس وبعدين مايصير شي
امس ياقلبي هي دقيت على الماما على طول قلت لي بك شي؟؟خايفة تحسب الولاده قربت



وام اسكندر والله مهما يحصل ماراح ارضى ولا واحد من اقرابي او زوجي يكون معي وقت الولاده صح الماما تحاول توسيني ذاك الوقت بس ولو مابيها معي حرام اعذبها معي

ياحياتي يالامهات تولد وتقول خلاص مافيه هم بعدين تحمل بنتها وتبلش بها وتشيل همها

يالله طولت عليكم اعرف بس والله توي احس نفسي شبه نشيطه

الله يهون علينا يارب

بنات مايصير نحطى تجمع بعد هذا ونسميه تجمع اللي ولدو بشهر محرم؟؟؟
والله ماودي نفترق ابد

اي والله ياليت يصير نسوي تجمع لبعد الولاده .. مواليد محرم .. ههههههه لما اكلم حد من بره التجمع احسها غريبه عني !
انتوا تعودت عليكم ! وكأني اعرفكم من سنين ..

ربي يطمن قلبج وان شاء الله بتولدين وقت ما ربي كاتب .. مو شرط كلام الناس صح .. اهم شي انتي احساسج شنو ..
انا ما امشي على كلام الناس .. لان اوقات يقولون لي شكلج يتولدين قريب واوقات يقولون شكلج يتعوشرين ! يعني على المزاج !
اتركي الناس عنج وكثري مشي وربي يسهل ..

[Marawy]

المشاركة الأصلية كتبت بواسطة جالكسيoo

صبااااحووووو
مراوي توزيعاتك تووووحفة ماشاءالله
روان تجهيزك لنونو حلوه تتهني فيهم
مشاعل ماشاءالله عليك توزيعاتك ناعمة وذوق الله يهنيك فيهم
بنات وين ملكتني لها فقدة الله يستر
ام اسكندر كيفك طمنينا عنك
غايتي الجنة الله يطمنك ان شاءالله ويسهل امرك مع الدكتورة
بنات ابي اوللللد زززهقت احس شكلي مطوووله مره والرحم م مفتوح لاني سمعت ان الدكتورة تعرف اذا الرحم مفتوح او لا بالسونار مو لازم تسوي كشف داخلي وفعلا بالسونار قالت لي ان الرحم مسسسسكر وش راايكم ابداء اشرب قرفة؟!!!

تسلمين ياقلبي من ذوقج حبيبتي ..
اي والله ملكتني اختفت .. ان شاء الله المانع خير يارب ..

لا تجازفين وتشربين شي بدون ما تتأكدين من انفتاح الرحم .. واول مره ادري ان بالسونار يبان لو مفتوح او مسكر!!!
انا عملت لي سونار بعدين عملت لي فحص داخلي !

[Marawy]

المشاركة الأصلية كتبت بواسطة ام اسكندر

لاحول ولاقوة الا بالله

امس حادث بقيق

واليوم انفجار الرياض




اللهم ارحم موتاهم
واشف جريحهم
وصبر اهاليهم

لاحول ولا قوة الا بالله .. ربي يرحمهم يصبر اهاليهم .. الدنيا صارت تخوف .. المصايب من كل جهه تجي ..
ربي يجيرنا من موت الغفله .. ويتوفانا وهو راضي عنا..

احنا بعد بالبحرين الحوادث زايده وكل يوم يموت اكثر من شخص بحادث !

[هدوء الماضي]

المشاركة الأصلية كتبت بواسطة mishael

هدوء يمكن طلق امي طلقها بارد يجلس يمغصها سته ايام بس كيف الطلق البارد ماادري
ليه ماتروحين المستشفى تشوفين ترا بس يحطون لك جهاز تخطيط ويشوفون طلق او لا اربعه ايام كثيره روحي يكفي خوف عشان تطمنين اذا معك طلق بيقولون لك امشي عشان يحمى وادذا مو طلق شافو وش فيك وتعالجتي مايصير تسكتين حبيبتي ،،

مراوي انا شربت القرفه ابدد ماحسيت بشيي وسبحان الله الجنين عظامتهم لينه كأنها غظروف عشان مايوجع الام ساعة الولاده

انا ابغى افهم ايش معنى طلق بارد ...؟؟ دورت بالنت ولا لقيت معنى

انا ما ابغى اروح لاني عند حجز يوم السب على الرياض ابي اولد عند امي
هنا ماعندي احد غير الله ثم زوجي ولا ابغى اتعب زوجي معي مايفهم هالامور وامي صعب تجيني وهذا اول مولود ليه
بس مالقيت حجز قبل يوم السبت بسبب ازدحام الحجاج الله يسهلها

وربي بذا الم ظهري ورجولي بدائت تزيد وصابره قلت دام مانزلت سدادة الرحم ولا مويات بصبر لين بس اوصل الرياض وبعدها بمشي واشرب عسل وقرفه وكف مريم يمكن يزيد الطلق واولد


بنات بليز للي تعرف ايش معنى طلق بارد تقوولي