دردشة بنات العراق, دردشة حوامل العراق , تجمع بنات العراق

[شمعه امل]

الصدمه محل الولاده سليمانيه واسمه اكو منتخب ايطالي نفس اسمه هههههه
ومطلع اسمه محمد العشيره تختلف بصراحه انصدمت وعصبت وطردته من الكليه وكتله روح
وهو كان بس يضحك ويكلي اوك بس اكمل الي عندي وهذا رقمي واتصلي بيه واخذ موبايلي من جنطتي
وسيفلي الرقم واخذ رقمي واني بذهول من جراته حكالي كل شي عن عائلتي وادق التفاصيل كلي سئلت عنك
اول معطيتيني اسمك ومعلومات عنك واني اخر امتحانات النهائيه اجيب اهلي واتقدملج ردت اكله مو موافقه كلي قبل متكولي لا
اني اجي قبلتي او لاا والا اجي لبيتكم اكول اني احب بنتكم بصراحه جنت طايره من الفرح بس مبينت من الصدمه واجه وللاسف انرفض
وهددت اهلي اني انتحر لو هاد لو ما اتزوج واصريت علي وبابا كال اوك بس انتي تتحملي نتيجه خيارك ماما كانت مووافقه بس بابا بقي سنه رافض
سنه من العذاب والبكي وتمرضت كتير وزوجي صار شعره يوكع من الحاله النفسيه وافق بابا ابو رفض

[&ام همام&]

يلة تارة ليش تمردينة هيج اكتبيهن بصفحة وحدة

[& زهرة حياتي &]

رورو حبيبتي الله يوفقكم ويرزقكم بالذريه الصالحه ويديم المحبه يارب امين

[شعور الامومة]

اي اي كملي شلعتي قلبنا

[شمعه امل]

ومشااااكل لاتنتهي اتفقو يجون اهله حددو الاثنين بشهر التاسع 2008
والخميس توفت خالتي ههههههههه وتاجلت ورجع بابا رفض المهم انخطبنا بشهر ال12 وطول الليل اطلع بالحلقه وابوسه مو مصدكه اخيراا
اني وحبيبي حنتزوج بعده اتزوجنا 24 -5-2009 وتخيلوو كلشي مصار بينا 3 ايام حتى بهاد متهنينا ههههه ولتكولون جتي الدوره لا مجتي كان
عندي الخلل اخاف وضيق وبعدها 3 ايام دم مستمر وابتدت رحلت العلاج هههههههه هاي قصتي اذا حبيتو صوتولي ههههههعه
يلا اروى نسمع قصتك حلوه سرى قصتك الله يسعدكم رورو الله يهنيكم ويرزقكم بااحلى نونو

[& زهرة حياتي &]

اي والله كملي شلعتي قلبه

[& زهرة حياتي &]

قصتي اني احم احم بسيطه وسهله وان شاء الله اتنال اعجابكم ههههههههه

[شعور الامومة]

الحمد لله اتزوجتو والله رزقكم بأطفال يارب يديم عليكم المحبة ووالسعادة والفرح انتي وسرى وارو وكل البنات يارب

[*شفق*]

آني جان شخص ببالي مو حبيته لا ابد ولا افكر بي بس جنت دائما ادعي يارب يكون من نصيبي لان هو فعلا شخصية قوية جدا محبوبة مو مبالغة بس الكل يحبه ماعنده اعداء او اشخاص تكرهة طييييييييييييييب جدا وحنون وحساس ورومانسي كل وحدة تتمنا
وهذا الشخص طبعا هو زوجي حبيبي
هو يصير ابن خالة بابا اخذله فترة يجينة هواية للبيت بس اني جنت صغيرة بالرابع ابتدائي فعادي جنة نكعد يمة اني واخواتي باعتبار صغار نسولف ونضحك
وبعدهة غاب بسبب ظروفة بعد ابد مشفنا من كبرت اجة مرة مرتين بس اصلا مااسلم عليه كبرت واستحي .........
ودائما ادعي هذا الشخص يكون من نصيبي مو مستعجلة ع الزواج ابد حتى لو بعد 10 سنوات اتمنى هذا الشخص يكون من نصيبي
طبعا هذا الشي اول مرة اطلعة من داخلي حتى هو مكايلتلة تصوروا .......
على كولة سرى سحرتها عيونة
آني سحرتني ضحكتة علية ضحكة تجنننننننننننننننننننننننن صدك سحرتني

المهم هو من مفكر يتزوج رايح لعمتي اخت ابوية جبيرة علاقتة قوية بيها
فسألها عن اقاربها هي مطلعتلة صورنة آني وبنات عماتي
هو يكول آني من جنتي صغيرة عجبتني بذكائج جنتي مميزة بين اخواتج طبعا هذا الحجي جنت بالسادس اعدادي
المهم اني عجبتة من بين الي بالصور وراد يشوفني ويكعد وياية
اهلي كلش فرحوا طبعا كلتلكم الكل يحبة والله مو مبالغة بس هو هيج
واني طبعا فرحت شتدرون الي اريدة تحقق
اجة وكعدنة هو وعمي اخو بابا دخلو علية الغرفة وكتبي بايدي بعد بالسادس واقرة سولفنة شوية سألني اذا اريد اكمل دراسة اولا
وووووووووووو بعد ماكملت السادس بشهر الثامن اجوي صارت الخطوبة وبشهر ال11 تزوجنة والحمد لله
وعلى سؤال سرى جنت اتمنى واحد مو عصبي
والحمد لله حبيبي ابد موعصبي وهذا شي نادر بين افراد الشعب العراقي هههههههه
خلي العصبية والخبال الية نااااااااااااااااااااااااااااااااااااار
اتمنى عجبتكم قصتي وخاف تكولون متستحي هيج تفكر ههههههههههه
لا ابد ماعندي هيج سوالف بس آني معروفة صعبة ميعجبني العجب من شفت شخصية عجبتني تمنيت يكون الي
والف الحمد لله والشكر على حبيبي

[شعور الامومة]

اي ارو سولفي