ديوانية البحرين - دردشة حوامل البحرين - البحرينيات

[rose soul]

اي عجايب صراحة الجو امس
لا تخوفج الدكتورة..تدرين ان انا مرت اخوي ف التاسع كان راس بنتها تحت ويوم بتولد رد افتر راح فوق..ويوم كلش خلاص بتولد رد نزل الراس..ولدت بعدين خخخ

والحين حماتي بعد حامل ف التاسع..والراس لحين فوق..بس ما قالو لها بنسويج عملية ولا شي..بس قالو لها تمشي وايد

وبالنسبة للحم بهرته وحطيت فوقة طماط والنص بصلة ههه و باذنجان وبهرته وقليته..ولحين ما كملت كل شوي اطل عليه هههه

[بنت الأياويد]

اهم شي النص بصله ههههههههههههههههههههههههههههههه، بتسوين مع عيش ابيض ولا شنو؟

[rose soul]

اي لازم نستفيد منها هالنص ههههههههههه

اي مع عيش ابيض
الحين ما بقى شي ويستوي غداي
وانتي؟؟كملتي ولا لحين؟

[بنت الأياويد]

انا لحين مابتديت خخخخ لان ريلي بيوصل على الثلاث تقريبا ومابي الدياي يبرد ، قالي بسوي لج تلفون قبل لا اطلع بساعه وقلي الدياي ولحين ماسوى انتظر الاتصال

[rose soul]

ما تاكلين لج شي قبل لا ايي؟؟انا ماقدر انطر ليـ3
اموت ههههه ماستحمل لازم آكل شي..لأن بسرعة احس اني يوعانة

انا الحين بو الشباب على وصول بقوم اسوي العصير واقصص البطيخ واجهز التمر لازم حق بو الشباب ما يعيش بدونه

[فلونة]

مرررحباا // شخباركم

انا سويت الغدى وتغدينا لانه ما تريقناا والحجي اول ليل

سويت لنا ربيان جاينيز يزعم وصار العيش جنه مضروبة

امس وايد نزلت وركبت على الدري وحسيت البيبي كلش ماتحرك

خايفة مادري شسالفة :( ،، الله يسترر

[om khalil]

مساء الخير عالحلوين،، على طاري الغذيات للحين ماشتهي ريحة الطباخ بالمره ومن اشمها اييني انهيار، بس عادي آكل خخخخ

شمس الصباح
مبرووووك دخولش السابع ماشاءالله الله يتمم اشهرش على خيررر ان شاءالله
وماي الصحه المفروض ما تسخنونه لانه فيه أملاح قريت عنه مره. عشان جذي لابد من الغلايه والماي الحلو.

الفتاة الذهبية
الحمدلله والله السكر كريييه بالحمل جربته الله لايعوده ان شاءالله

طفلي حياتي
وينش مابينتين، اسمعي سويت العملية الجهنمية مالتش حق الاوميغا3 حطيت الحبه في كاس فلين وصبيت فوقها ماي حار حده وانتظرت ويش يصير.
تمللت ماشفت الكاس تشقق ويش السالفه؟ تالي عقب نص ساعه تقريبا رجعت له وذابت الحبه جبيت الماي ولاحظت انه الكاس انحفر من داخل شبه ذاب بس ماذاب، اني توقعته مره بذوب يعني.. تتوقعينه اصلي جذي؟ وغير الريحه عقب ماجبيته في المغسله لاعت جبدي سيده غسولتها.

[om khalil]

فلونه لوي ماتروحين الطوارئ يسوون لش سونار تتطمنين؟

[طفلي حياتي]

هلا ام خليل اني ماسويت التجربه ولا شي ابلع فيه هداني صار لي 3 ايام او 4
وساعات اوسوس منه وارد اقول يا الله بلا هرار

[om khalil]

بعض الدويات مو لازم تكون مو اصليه يعني مو زينه، القصد انه تركيز الماده فيها مو ذاك الزود. الا انتين جم الرقم المكتوب عليه؟

هيكلحين البنات يتحجون عن الطبخات نويت اسوي الليله باحط ليي كمام ويش اسوي بعد سالفه كل ليلة مطاعم هالجم شهر. طلعت جبود وقوانص باسوي وياهم قلية آلو وباذنجان وطماطا..

عندش طريقة حليوه اسوي بها، اني عادة فوحان وقلاي بس.