دردشة حوامل مصر - دردشة بنات مصر - تجمع حوامل مصر ‏

[ام انس المصريه]

انا فى اول التامن ياسما الحمد لله بس الدكتور سالته بقوله هى الراس نازله فى الحوض يعنى الجنين واخد وضع الولاده قالى لااااااء

هى فى الحوض بس مش واخد وضع الولاده طب ازااااااااااى

....................

ايوه فعلا يانهاد الخمول والهمدان من اول يوم فى التامن سبحان الله

طيب هيروح الهمدان ده ولا هيستمر ولا ايه

...............

[malak ahmed]

انا بقي مسيطره عالبي بي بتاعي ههههههههههههههه

مش بحب ادخل حمام غير هنا ولما بكون برا ببقي ماسكه نفسي عالااااااااااااخر لو حتي هموت واروح الحمام ابداااا

يععععععععععععععع غيرو السيره ام ريحه دي بقي

[malak ahmed]

يا شوشو طبيعي كل ما نتقدم يوم في الحمل معاناتنا بتزيد .. هو مش بيروح بس ربنا بيعين والله يا شيماء

فيه ايام تلاقيها ناااااااااااااااااار فطبيعي تحسي بالهمدان ده وايام تانيه تلاقيها كويسه

تعرفي انا بنام وبشغل المروحه عليا طول الليل وبصحي جسمي همدان منها مع اني عارفه ان ده اكبر غلط وخصوصا ف الحمل بس اعمل ايه مش بطيق الحر

[om arwa]

يا بنتى انا كمان مش بحب ادخل الحمام نهائى بررررة
ساعات بيبقى عندى شيفتات 12 ساعة ما بدخلش تخيلى العذاب
لكن اول الحمل واخر الحمل ما ينفعش بيبقوا طابقين على المثانة

[ام انس المصريه]

انا بعمل حمام اكتر ما باكل وبشرب ههههههههههههههههه

بقوم من النوم بالخمس مرات فى اليله اعمل حمام عادى بقى جات ع البى بى يعنى مااحنا تعبانين فى كل حاجه

..................

لو اختك يانهاد عملت سونار ثلاثى الابعاد او رباعى الابعاد هيبان نوع الجنين

لان السونار ده بيجيب من كل الجوانب ظهر النونو ووشه ووبطنه وبين فخاده كل حته فى جسمه بيجيبها

سبحان الله علم الانسان مالم يعلم

[malak ahmed]

انا عاوزة ابتدي امشي بس امشي مع ميييييييييييييييييييين

اختي حامل وجوزي مسافر وامي يا اما مش فاضيه يا اما مش عاوزة تخرج وانا خيبه ومش بعرف اخرج لوحدي ولا اعدي اي سكه لوحدي .. اصلي جبانه ومليش خبرات هههههه ماما بتضحك عليا واتنا ماشيه معاها ف الشارع من كسوفي وانا ماشيه

[ام انس المصريه]

انا كمان يانهاد مش بطيق الحر نهائى

والله بشغل مروحه مكتب غير مبرد شغال بالتلج والميه السقعه

وبرضو ببقى حرانه شقتى اصلا ولعه حر اوى

............

سما شيفتات ايه انتى بتشتغلى ولا لسه بتدرسى ولا ايه ؟؟؟؟؟؟؟؟

[malak ahmed]

حلوة بعمل حمام اكتر ما باكل وبشرب دي يا شيماء هههههههههه

امال الحمام بييجي منين بقي .. ده انتي كده هيجيلك جفاف .. يمكن انوس بيعملها بقي وبيلزقها فيكي هههههههه

لا اختي معملتش ثلاثي الابعاد وهي اصلا خايفه تعملو والبيبي بتاعها اصلو مؤدب قافل رجليه ومش راضي يفتحهم ابدااااا .. يمكن المره الجايه بقي تعرف

[ام انس المصريه]

نهاد عارفه بتفكرينى بنفسى انا وماما واحنا بنعدى العربيات انا بخاف من العربيات امى مبيهماش تعدى هى وانا اشدها ومش عايزه اعدى

ونبقى واقفين فى نص السكه هى تشد وانا اشد ههههههههههههههههههههه

بقت دلوقتى لو جينا نعدى عربيات تسبنى اعدى لوحدى وهى تعدى وانا اقعد كتييييييييير على مااعدى

اصلى خوافه وهلاهوطه وعلى راى جوزى بوء ع الفاضى

بت يانهاد ايه اخرة العواتف معاكى هههههههههههههههههههههههه

جوزك هايجى ولا لاء

[om arwa]

انا بشتغل يا شوشو
دكتورة بس لسة متخرجة فى شهر واحد كنت بذاكر لغاية الوقت ده يووووووة بلاقرف
ده الشغل رحمة بالنسبة للمذاكرة 7 سنين وجع قلب