هنا تجمع الحوامل الي ولادتهم في ذو القعدة 1434

[فوفو89]

بنت النور
الله يبشرك بالخير هههههه
منيح انه في حد مثلي
فكرت حالي شاذة عن الباقي ههههه

الله يهونها علينا وتمشي الايام بسرعه

[Dana]

هلا فوفو. ويا هلا بأهل فلسطين

انا من الأردن ...

ومتلك بنعس كتيير بس ما بقدر انام. من ورا بنوتي .. وفي الليل ما بنام منيح ما شاءالله من حركة البيبي

[ميمي 17]

ياهلا بالكروشات الحلوات
نورتي التجمع صاافو

[صافو]

مساء الورد صبايا
تسلمولي يا رب حبيباتي
دانا اهلا فيكي يا البي منور بوجودك الحلو تسلميلي ، باذن الله رح اسمي ابني ( علي) ..

فوفو حبيبتي انتي اهلين فيكي الله يسلمك
لا يا البي هيدا ماشالله رقم 3 هههههه ، عندي سارة ومحمد :) ، وانتي بكرية ؟

بنت النور تسلمي يا البي اهلا فيكي ويتمم لكي وللجميع يا رب

ام أية الله يبارك فيكي حبيبتي شكرا كثير الك

ميمي يسلملي البك النور نورك يا حلوة

منورين اهل فلسطين والأردن حبيباتي وكل الصبايا
انا من لبنان :) وعرفت شو معي من الاسبوع الخامس عشر ومعي صبي

باقي الصبايا أبقوا بشرونا شو طلع معكن ، مع انه هلاء فيها الدكتورة تعرف جنس البيبي بسهولة

[ميمي 17]

اهلين صافو انا في بطني بنوتة ورح اسميها رودينا واكيد ابنك حيتجنن عليها
انا هدا ثاني حمل الحمل الاول اجهضتو يعني بعتبر بكرية ومادام انت سبقلك الحمل اكيييد رح نحتاجك ونتعبك معنا باسالتنا

[Dana]

هلا ميمي مسا الورد

صافو هلا حبيبتي ويا هلا بأهل لبنان كلهم
وإن شاءالله تشوفي علي بصحة وسلامة.. وانا رحت على الدكتورة قبل شهر لحتى اعرف جنس البيبي بس البيبي لاف جسمه كله لجوا ومعطي ظهره للدكتورة لهيك ما قدرت تعرف
بس موعدي بآخر الشهر إن شاءالله رح اعرف واخبركم

[ميمي 17]

مسائك عسل ام جود
شو حاسة انا كل مرة احس حركة البيبي توضح اكثر

[Dana]

والله يا ميمي بحس الحركة كلها تحت وما شاءالله أغلبها بتكون في الليل وقت النوم

[ميمي 17]

انا كمان في الليل تزداد اكثر
عم بتحسي بتغيرات في جسمك انا مافي اي تغييرات غير انو بطني كببر شوي بس عم بلاحظ انو من شهر تقريبا ماعم بيزيد رغم ان حركة البيبي تووضح هدا شئ عادي ولا لا

[صافو]

اهلين ميمي هههه
حلو كثير اسم ردينا ماشالله
الله يجيبها بالسلامة وتفرحي بشوفها ، اكيد بكرا علي رح بتجنن عليها ههه
حبيبتي اسالي براحتك انتي والصبايا انا حاضرة لأي سؤال من عيوني ،،

يا البي دانا تسلميلي يا قمر اهلا فيكي كلك ذووووء
اي مش مشكلة ان شالله البيبي بغير وضعيته وهيك بيظهر جنسه
ممم انتي شو حابة بنت ولا صبي ؟ هيدا اول بيبي ؟

انا كمان كثير زائدة حركته ماشاء الله
وبحس فيه اكثر شو وقت استلقي على ظهري وقت النوم
وحركته تحت واحيانا بالنصف